Esquerda Unida Santiago de Compostela

Valoración Pleno febreiro

2012-02-26T15:44:00.000+01:00

O representante do Consello Comarcal de Esquerda Unida Compostela, Vicente Vázquez, proseguindo o traballo municipal, que a responsabilidade dos votos acadados esixe a esta organización, acudiu ó Pleno para valorar o que alí se faga ou diga.

O Pleno comezou, como en todas as ocasións, coa protocolaria e sen debate aprobación dos dous primeiros puntos da orde do día, un sobre as actas anteriores e outro sobre a aprobación definitiva do Plan parcial do solo urbanizable do Monte do Seixo, isto último coa abstención do BNG.

Foi co terceiro punto da orde do día co que se comezou o debate entre as distintas grupos políticos representados no Pleno. Mais dende o Consello Comarcal de Esquerda Unida Compostela antes de entrar na valoración e proposición das súas medidas, quere deixar constancia de que, tralos meses de nova lexislatura municipal, xa vai sendo hora de que o regulamento de quendas de palabra sexa coñecido polo alcalde e o secretario, e non perpetuar os que xa parecen sempiternos debates, que interrompen o normal discorrer do Pleno, sobre se hai máis ou menos tempo ou réplicas que poder facer.

Este terceiro punto trataba sobre a suspensión da encomenda de xestión a EMUVISSA do SUNP11 do Castiñeiriño, que foi aprobado polos votos a favor do PP e en contra do BNG e PSdeG. Aínda que poidamos concordar na crítica que se pode facer á mala xestión urbanística do bipartito, non compartimos en absoluto as medidas que está a tomar o goberno local do PP para atallar o problema da vivenda na cidade. No tocante ao exposto no Pleno, se ben non dubidamos que o anterior equipo de goberno puidese gastar excesivos cartos en absurdas inauguracións con carpas, caterins e demais, o Consello Comarcal de EU Compostela non comparte en absoluto a estratexia do señor Conde Roa de falar de contas pouco claras, e de preguntar en voz alta onde están máis de dous millóns de euros, deixando no ar, pero sen querer dicilo, o tema da corrupción, malversación de fondos públicos e outras lindezas. Se o alcalde ten algo que dicir sobre este tema que o faga con probas e nos xulgados, o Pleno non está para elucubracións ou estratexias políticas de difamar por difamar.

Unha vez máis, os tres grupos políticos non realizaron propostas. Só contribuiron a un debate estéril, con abundante demagoxia. A veciñanza de Compostela sabe que o posicionamento de Esquerda Unida Compostela en defensa dunha política pública de vivenda é claro. Entroutras medidas, defendemos a creación dunha axencia de aluguer municipal, que promova o alugueiro social en toda a cidade, e non perpetúe este sistema especulador co solo.

O cuarto punto da orde do día sobre o ITE, o que en verbas terreais se entende coma a ITV dos edificios, parecía un punto anecdótico na orde do día pois á exposición inicial da señora Pardo do PP, seguiron intervencións, tanto do BNG e PSdeG, mostrándose totalmente a favor, e facendo pequenas achegas para mellorar o escrito, suscitou por mor da segunda quenda de palabra para o PP, un novo ataque e cruce de acusacións entre os distintos partidos.

Dende o Consello Comarcal de Esquerda Unida Compostela, amais de concordar no voto favorable a esta ordenanza reguladora, basicamente porque é un cumprimento dunha obrigación legal para calquera Concello, queremos manifestar a nosa crítica á actitude que mostran claramente, Pleno tras Pleno, o PP e o PSdeG, e en moita menor medida o BNG, de utilizar os diferentes puntos da orde do día para, literalmente, atacarse verbalmente con vehemencia e, en moitas ocasións, co mero argumento, denigrante para a democracia e puramente demagóxico, tan simple como pueril, e ti máis e ti peor, e de supoñer que o debate ideolóxico e programático é moito pedir para os representantes institucionais da veciñanza .

O quinto punto da orde do día aprobouse sen debate cos votos favorables do PP e a abstención do BNG e PSdeG, versaba sobre a designación de representantes para unha comisión mixta.

O sexto punto da orde do día, aprobado cos votos a favor do PP e do PSdeG e en contra do BNG, trataba sobre a proposta da Alcaldía de designación de novas rúas na cidade.

Sen entrar, como tampouco se fixo no Pleno, na idoneidade dos nomes presentados dende o Consello Comarcal de Esquerda Unida Compostela queremos remarcar varias cuestións, en primeiro lugar, recoñecendo que tanto ao PP, ao PSdeG e ao BNG lles interesa pouco por non dicir nada, queremos manifestar, unha vez máis, que a participación cidadá no día a día do Concello ten que ser, amais de permitida -que de facto non o está-, promovida, e unha das medidas máis sinxelas e que non levaría moito traballo, sería que os propios veciños e veciñas da cidade elevaran ó Concello para o pertinente debate os nomes que se poderías outorgar as novas rúas da cidade. Unha das eivas máis grande é a masculinización do rueiro proposto polo PP e a escasa representación de mulleres. E mulleres, hainas. Outra cousa será ter a vontade política de contribuír a dar visibilidade ao seu legado.

Tamén desexamos recalcar dende EU Compostela a nosa proposta, xa presentada en forma de moción, para que en Santiago se designe a unha rúa como Profesor Herminio Barreiro.

Proseguindo coa orde do día o seguinte punto a tratar foi a proposición do PSdeG sobre a modificación da Lei Hipotecaria, para permitir a dación en pago e unha moratoria para deter os desafiuzamentos. Non foi aprobada polos votos en contra do PP.

Dende o punto de vista do debate, sen entrar en valoracións dos argumentos expostos, foi dos máis correctos do Pleno facendo, por exemplo, dende o PP unha proposta de modificación dos acordos para fora aprobada por unanimidade, que o PSdeG rexeitou.

Dende o Consello Comarcal de Esquerda Unida Compostela queremos manifestar, sen entrar a valorar as argumentación dadas, que nin o PSOE, que nada fixo por este tema cando ZP gobernaba, nin o PP, que agora con Luis de Guindos fan unha proposta sobre a dación que deixa na “boa vontade” dos bancos que se permita ou non, poden utilizar o Pleno de Santiago para maquillar o seu axeonllamento ante ditados neoliberais dos mercados.

O oitavo punto da orde do día, aprobado por unanimidade, foi a proposta do BNG para mellorar a promoción do Camiño de Santiago, e se ben podería parecer que un punto tan xenérico como a promoción do Camiño de Santiago e por riba aprobado por unanimidade, podería ser, como parecería lóxico, un mero punto de trámite, no que se faga público o posicionamento de cada partido político, pero sen entrar en maiores debates, converteuse, como xa é normal nos Plenos, nun novo debate demagóxico da crítica pola crítica, e ningunha construtiva, remarcando dende o Consello Comarcal de EU Compostela que cando por parte do PP toma a palabra a concelleira Reyes Leis, ademais da belixerancia, que non ten porque ser mala, se se fai dende o respecto e con argumentos, engádese a belicosidade desta representante do PP, que se ben nesta ocasión estivo algo máis moderada nas súas verbas, é habitual que recorra a innecesarias expresións e xestos.

Tras aprobar a declaración institucional polo 8 de marzo, o Pleno proseguiu con diferentes puntos sen apenas debate, sobre todo os relativos a dar conta de diferentes cuestións ate chegar a un rogo do PSdeG que ben podería haber quedado na mera exposición do rogado pero que deu lugar a un comportamento lamentable por parte da bancada do PP.

O Rogo en cuestión era sobre o mal estado da igrexa de Santa Susana e dos arredores, opinando dende o Consello Comarcal que a igrexa a debe arranxar a institución católica e, por suposto, o parque público o Concello, mais un mero trámite como este rogo, acabou cunha argumentación por parte do PP, que amén de causar moita hilaridade na súa bancada, fíxose mención despectiva festas de indixentes e a posible asistencia do concelleiro Baqueiro.

Por tal motivo compartimos a recriminación feita polo concelleiro do PSdG, Benardino Rama, á actitude do PP neste punto, e se ben cremos que os Plenos deben ser distendidos, o que non se pode tolerar e que se tomen como unha “carallada”.

O Pleno rematou co debate de dúas mocións, unha sobre a ILP en defensa da sanidade pública, non aprobada, outra sobre Rosalía que si se aprobou e por último non se aprobou a urxencia para debater mocións sobre os prezos das escolas infantís, a reforma laboral e o 8 de marzo.

Valoración Mobilizacións 19F

2012-02-20T09:05:00.000+01:00

Esquerda Unida Compostela participou activamente na manifestación levada a cabo en Santiago contra a nova reforma laboral, portando faixa propia e repartindo entre os asistentes o seu manifesto.

Dende O Consello Comarcal de Esquerda Unida Compostela manifestamos que o gran éxito de convocatoria das distintas mobilizacións realizadas a nivel estatal, galego e local, mostra claramento o errado desta reforma, inxusta e inxustificable, que o goberno do PP acaba de realizar.

Mais, se esta actitude hostil do Partido Popular non muda, a cidadanía, unida e organizada, debe proseguir e avanzar na loita mostrada este domingo 19 de febreiro, nas rúas e prazas de máis de cincuenta cidades, até lograr que a lexiva reforma laboral, feita acorde ós ditados neoliberais dos mercados, sexa derrogada e os dereitos da clase traballadora, que non ten culpa da crise capitalista que padecemos, sexan recuperados.

Por todo isto dende o Consello Comarcal de Esquerda Unida Compostela ratificamos, unha vez máis, o compromiso desta organización na defensa dos dereitos de todos os traballadores e traballadoras, mantendo firme o seu convencimento da necesidade de mudar este sistema depredador de recursos naturais e humanos, apoiando as distintas actuacións que se leven a cabo para conseguir derrubar esta reforma laboral neoliberal.

Xuntanza coa AV de Vite

2012-02-17T15:40:00.000+01:00

O CONSELLO COMARCAL DE ESQUERDA UNIDA COMPOSTELA PROSEGUE AS REUNIÓNS CO TECIDO ASOCIATIVO DE SANTIAGO MANTENDO UNHA XUNTANZA COA AV POLÍGONO DE VITE.

EU COMPOSTELA COMPARTE A NECESIDADE DE MELLORAS EN MOBILIDADE E ACCESIBILIDADE PARA O BARRIO DE VITE.

Os representantes do Consello Comarcal de Esquerda Unida Compostela, José María Tubío e Vicente Vázquez, proseguindo co programa de reunións co tecido asociativo da cidade mantiveron unha xuntanza coa directiva da AV Polígono de Vite.

No transcorrer deste encontro manifestaron dende a AV, en primeiro lugar, a preocupación polos recortes nos fondos que está a sufrir o Plan Comunitario, apoiando totalmente dende o Consello Comarcal de EU Compostela ás reinvidicacións veciñais da necesidade de proseguir con este Plan sen os recortes anunciados que, unha vez máis, van en detrimento da cidadanía.

Un dos puntos que máis debate suscitou foi o tema sobre o tráfico e o aparcamento no barrio, remarcando dende a asociación que a Avda. Castelao soporta un excesivo tráfico rodado, dende vehículos lixeiros a pesados, que fai necesaria unha actuación para alixeirar esta densa carga tránsito.

No tocante ós aparcadoiros, sobretodo o relacionado coas zonas verdes, dende a AV Polígono de Vite remarcaron que, á espera de maior información, non ven melloras na nova proposta do PP, remarcando que en certos aspecto empeora a actual, mostrando o posicionamento por parte da asociación de que as mencionadas zonas verdes deben de ser de uso exclusivo para os veciños e veciñas que pagan os seus impostos na cidade.

Dende o Consello Comarcal de EU Compostela remarcamos que a medida anuncia polo PP pode provocar un aumento do tráfico rodado, ó fomentar o seu uso o poder contar con aparcadoiro en diferentes zonas da cidade, expoñendo, unha vez máis, que a solución debe pasar un transporte público eficaz e eficiente, recibindo con desagrado a información dada pola AV de que os cambios recente no transporte en bus urbano non melloraron a situación do barrio, sendo a demora nas frecuencias un dos maiores problemas.

Por último tratouse o tema da accesibilidade nun barrio, proxectado a fins dos anos 60 principios do 70, cuxa edificación comezou no 75 e rematou no 82, e que mostra claramente serias deficiencias nas súas beirarrúas, en bastante mal estado, e, sobretodo, na ausencia de ascensores nos edificios que agora provoca que as persoas maiores que viven neles se vexa abocados en moitas ocasión a case reclusión forzosa no seu fogar.

A pesares de recoñecer por ambas partes que a instalación de ascensores e un problema moi complexo e moi difícil de solucionar, o Consello Comarcal de EU Compostela reclama a necesidade dun Plan Integral de melloras no barrio, que abarque dende a adecuacións e arranxo das maltreitas beirarrúas ate un estudo exhaustivo das diferentes opcións para a instalación de ascensores nos distintos edificios do barrio.

Manifesto contra a reforma laboral

2012-02-16T11:08:00.000+01:00

ESTA REFORMA LABORAL DESTRÚE

OS DEREITOS DA CLASE TRABALLADORA

A dereita carga con dinamita contra a clase traballadora. Esta reforma é un atentado contra os dereitos que protexen ó traballador ante a patronal. Así de simple.

O PP non é o partido dos traballadores e traballadoras, ¡é o partido da patronal!. Por iso, coa reforma proposta, axeónllanse ante os ditados neoliberais dos mercados.

Estes son algúns dos cartuchos de dinamita que emprega o PP con esta reforma para:

1. ABARATAR O DESPIDO. Desde 1980 foi unha teima da patronal. Coa reforma do PP non só o despido improcedente queda reducido a 33 días cun límite de 24 meses nos contratos indefinidos, senón que, apelando a criterios discutibles e que se poden ‘manipular’, a patronal pode despedir ao traballador de forma procedente con só 20 días.

2. FACILITAR O DESPIDO COLECTIVO. Elimina a autorización administrativa para os despidos colectivos. A administración pública desenténdense así dos ERE’s.

3. ESNAQUIZAR A NEGOCIACIÓN COLECTIVA. A presión da patronal imponse á negociación colectiva das condicións de traballo. Aducindo algo tan ‘obxectivo’ como a “competitividade”, a “produtividade” ou a “organización”, a dirección da empresa pode alterar as condicións asinadas no contrato referentes a, entre outros aspectos, á xornada, aos horarios, aos turnos, e ao salario do traballador e traballadora. Mesmo, suspender, sen autorización administrativa a xornada laboral. Elimínase a prórroga automática indefinida dos convenios (a ultraactividade).

4. CREAR INDEFENSIÓN. Detrás da palabra ‘flexibilidade’ agóchase a seguinte sentencia: “acepta as condicións que impoño, ou mañá despídote de forma procedente”. Degrádanse as condicións laborais.

5. PRECARIZAR O EMPREGO. A reforma define a existencia dun novo tipo de contrato indefinido, que será empregado polo 95% das empresas, e que é, en realidade, un verdadeiro contrato-lixo xa que poden despedirnos no primeiro ano sen indemnización algunha e en función da vontade do empresario.

6. PRIVATIZAR E TEMPORALIZAR EMPREGO. As empresas de traballo temporal que, como empresas que son, procuran beneficios a costa da contratación. E se elas se converten en protagonistas únicas, o que teremos é a cáseque única existencia de traballo temporal. Así, con esta precarización, con esta temporalización, imposible planificar, imposible independizarse.

FRONTE A ESTE ATAQUE, CÓMPRE REACCIONAR. TEMOS QUE PARALIZAR ESTE PAÍS PARA OBRIGALOS A DAR MARCHA ATRÁS. HAI RAZÓNS DE SOBRA PARA UNHA FOLGA XERAL.

Apoio ás mobilizacións do 19F e á Folga Xeral

2012-02-15T10:34:00.000+01:00

Dende O Consello Comarcal de Esquerda Unida Compostela, ante os brutais recortes das políticas neoliberais ós dereitos da clase traballadora, animamos á cidadania a participar activamente nas mobilizacións sindicais do 19 F, contra a nova reforma laboral, que en Santiago consistirá nunha manifestación que partirá ás 12:00 da Alameda.

Oposición ó proxecto de nova intermodal do PP

2012-02-14T15:45:00.000+01:00

O CONSELLO COMARCAL DE ESQUERDA UNIDA COMPOSTELA OPONSE Ó PROXECTO FARAÓNICO DE CONDE ROA PARA A ESTACIÓN INTERMODAL NA LAVACOLLA.

ESQUERDA UNIDA COMPOSTELA RATIFÍCASE NA NECESIDADE DE CAMBIAR O MODELO DE MOBILIDADE POR UN SUSTENTABLE ECONÓMICA E MEDIOAMBIENTALMENTE E NO SEU REXEITAMENTE A CONSTRUCIÓN DE NOVAS E CUSTOSAS INFRAESTRUTURAS.

O Consello Comarcal de Esquerda Unida Compostela mantén firme o seu convencemento en que debe ser o transporte público e non custosas obras en infraestruturas, as que deben vertebrar a mobilidade sustentable económica e medioambientalmente que se necesita.

Esquerda Unida Compostela defende a necesidade dunha estación intermodal, de tren e autobús, na ubicación actual da estación de ferrocarril, realizando as necesarias remodelacións co menor custe posible e buscando a funcionalidade da instalación.

Por iso rexeitamos a proposta de Conde Roa de trasladar esta necesaria estación intermodal a Lavacolla, en primeiro lugar, a falta de máis datos, polo elevado custe que tería levar a cabo as infraestruturas que esixen o macroproxecto do PP.

Outro motivo de rexeitamento por parte do Consello Comarcal de EU Compostela deste proxecto é o absurdo concepto de que Santiago teña dúas estacións de tren diferenciadas, a do AVE na Lavacolla e a de proximidade na actual ubicación, unha duplicidade de recursos que, obviamente, conlevará gastos económicos innecesarios.

Á espera de máis información para avaliar este proxecto, tamén nos parece errado levar fora da cidade a estación de autobús, pois agora os usuarios chegaban a cidade directamente e partir de ahí facían o desprazamento pertinente o lugar de destino, pero con este proxecto do PP deberían facer un desprazamento a maiores dende a Lavacolla até o centro urbano para logo tomar o camiño desexado.

Por último EU Compostela quere reiterar o seu posicionamento a favor dun tren de proximidade, non o AVE, que vertebre a cidade coas distintas comarcas limítrofes e se fora necesario co aeroporto, pero sendo esta parada un apeadeiro de pasaxeiros non unha magna estación.

Moción atención no parto

2012-02-09T12:01:00.000+01:00

O Consello Comarcal de Esquerda Unida Compostela presenta unha nova moción, nesta ocasión pedimos que o Pleno inste a mellorar a atención no parto que se leva a cabo no CHUS, excesivamente medicalizada ou con intervencións innecesarias, reclamando que se recolla diferentes opcións para o parto (incluída a inmersión), liberdade de movementos durante a dilatación e o consesuamento no uso de fármacos ou de actos cirúrxicos ben cuestionados por estudos pertinentes.

Aquí tedes o texto da moción:

O Consello Comarcal de Esquerda Unida Compostela considera que se debe humanizar a atención ó parto, asegurando ás mulleres o dereito a participar na toma de decisións e que estas sexan respectadas sempre que non comprometan a seguridade e benestar da nai e da criatura.

Na Estratexia de Atención ao Parto Normal do Ministerio de Sanidade e na Guía Técnica do Proceso de Atención ao Parto Normal e Puerperio do Sergas incídese nas recomendación feitas pola OMS (Organización Mundial da Saúde), dende o ano 1985, co obxectivo de procurar unha maior calidade na atención ao parto.

Como se recolle na Guía Técnica do Ministerio nos últimos anos a atención ao parto veuse afectada por unha excesiva medicalización así como a realización dalgunhas prácticas rutinarias que son innecesarias e que están hoxe contraindicadas.

Na actualidade, según constatou Esquerda Unida Compostela, no Hospital Clínico de Santiago de Compostela non se están a cumprir as directrices marcadas na atención ao parto. Séguense a realizar de forma rutinaria intervencións innecesarias, obsoletas, molestas e desaconselladas para a saúde da nai máis da crianza, como, entre outras, non permitir que a xestante teña liberdade de movemento durante a dilatación, a episiotomía rutinaria, o emprego abusivo da oxitocina e a imposición da posición materna durante o expulsivo.

Esta situación leva a moitas mulleres da comarca de Compostela a desprazarse a outro hospital para conseguir unha asistencia ao parto segundo a normativa vixente.

O Consello Comarcal de EU Compostela considera que tampouco se está a asesorar ás interesadas sobre os diferentes plans de parto e o dereito a decidir sobre as distintas alternativas, aínda habendo un Hospital da rede Pública (o do Salnés), onde si se cumpren as recomendacións dos distintos Organismos sobre a adecuada Atención ao Parto Normal e Puerperio, restrinxido a xestantes sen complicacións pola falla dunha Unidade de Coidados Intensivos para Neonatos.

Entendemos que o CHUS, dotado de dita Unidade Especial, si que deberá proverse dun plan de Parto Normal que recolla diferentes opcións posicionais para o parto (incluída a inmersión), de liberdade de movementos durante o período de dilatación e de consensuamento no uso de fármacos ou de actos cirúrxicos ben cuestionados por estudos pertinentes.

Por todo isto o Consello Comarcal de Esquerda Unida Compostela propón ao Pleno do concello de Santiago a seguinte proposta de

ACORDOS

Primeiro.- Que o Pleno inste a Consellería de Sanidade para que no hospital de Santiago de Compostela se proporcione unha atención ao parto de calidade e segundo a normativa vixente.

Convocatoria "Marea Violeta" en Compostela

2012-02-08T15:56:00.000+01:00

O Consello Comarcal de Esquerda Unida Compostela anima á cidadanía a participar nas distintas manifestacións e concentracións da "Marea Violeta" para este venres día 10 de febreiro en todo o Estado, sendo en Santiago na Praza do Toural ás 19:30.

Aquí tedes o manifesto da convocatoria:

UNHA MAREA VIOLETA CONTRA A OFENSIVA PATRIARCAL DOS GOBERNOS CONSERVADORES

Ante as decisións tomadas unilateralmente polos gobernos das comunidades autónomas gobernadas por partidos conservadores de dereitas QUE:

REDUCEN os orzamentos destinados a Políticas de Igualdade, a Lei de Autonomía Persoal e a Lei de dereitos sexuais e reprodutivos.

ROMPEN os acordos coas organizacións de mulleres mediante os cales viñanse prestando servizos tales como Centros de Orientación á Muller, Asesoría Xurídica, Casas de Acollida para mulleres vítimas da violencia, etc.

ELIMINAN as subvencións destinadas aos concellos para o mantemento dos Centros Municipais de Atención ás Mulleres.

DESMANTELAN os Institutos da Muller, utilizando a súa estrutura para promover estereotipos sexistas patriarcais e modelos de familia tradicionais.

INCUMPLEN as leis de igualdade en canto ao uso da lenguaxe non sexista e á obriga dos poderes públicos de integrar a igualdade real de mulleres e homes en todas as súas políticas.

Todo iso supón unha violenta agresión aos avances logrados durante décadas na loita polos dereitos para as mulleres.

Estas medidas están tendo como consecuencia directa o despido de profesionais cualificadas que viñan desenvolvendo durante anos o seu traballo nos diferentes recursos de igualdade, prestando un servizo de calidade e compromiso coa igualdade.

As organizacións que suscribimos manifestamos a nosa repulsa e esiximos o cumprimento das leis de Igualdade en todo o Estado español, e convocamos a unha mobilización e manifestación/concentración para o próximo 10 de febreiro ás 19:30 horas nas prazas principais das diferentes localidades.

Xuntanza coa AVV As Cancelas

2012-02-08T13:13:00.000+01:00

O CONSELLO COMARCAL DE ESQUERDA UNIDA COMPOSTELA PROSEGUE COAS XUNTANZAS CO TECIDO ASOCIATIVO DA CIDADE REÚNINDOSE COA AVV AS CANCELAS.

EU COMPOSTELA COMPARTE A REIVINDICACIÓN VECIÑAL DUN NOVO LOCAL SOCIAL E UNHA ZONA DEPORTIVA.

Os representantes do Consello Comarcal de EU Compostela, José María Tubío, Xenxo Redondo e Vicente Vázquez, mantiveron unha xuntanza coa directiva da AVV As Cancelas co fin de pulsar as distintas opinións sobre a situación da cidade, e coñecer de primeira man as súas eivas e tamén as posibles solucións.

Un dos puntos máis salientables reflectidos na xuntanza foi a reivindicación veciñal dun novo local social e dunha zona deportiva, ambas actuación son antigas demandas da AVV As Cancelas, xa expostas ó anterior equipo de goberno, e que o actual goberno local do PP manifestou que levaría a cabo.

Dende o Consello Comarcal de Esquerda Unida Compostela manifestamos, en primeiro lugar, que, como ocorre en outros barrios da cidade, non se poden producir máis demoras para facer efectivas as melloras que a veciñanza pide dende fai tempo.

Tamén EU Compostela quere reflexar que estas actuacións deben contar coa participación cidadá no seu deseño, pois como é lóxico son os veciños e veciñas dos barrios que mellor coñecen as súas necesidades e as posibles solucións, tal e como ocorre co centro social que a AVV demanda, pois manifestan que as súas preferencias serían para un local de planta baixa, que evite gastos como o dun ascensor, e dunha superficie en torno a 300 metros cadrados, que sería suficiente para as necesidades do barrio.

Outros puntos tratados na xuntanza foi a falta de aparellos de ximnasia no parque, semellantes o que xa hai noutras zonas de Santiago, reclamando dende EU Compostela, ademais da súa instalación o correcto mantemento dos mesmo.

Tamén se fixo fincapé na necesidade de racionalizar o urbanismo da cidade, acomentendo medidas que busquen a utilidade e non a estética en certo mobiliario urbano, como fontes, papeleiras, bancos… que por mor dun vandalismo que ve a oportunidade do carto fácil provoca a desaparición, por exemplo nas Cancelas, de fontes que o ter un custe elevado, dado os materiais de construción, fan que o seu furto sexa rendible, cando as necesidades da veciñanza serían perfectamente cubertas con mobiliario funcional que cumpra o seu cometido, a un custe que nin faga rendible o furto nin supoña o gasto de cartos públicos que agora supoñen.

Por último se manifestou por parte da AVV As Cancelas a necesidade de mellorar o aforro enerxético no alumeado público pois deixa zonas na total escuridade en lugar de compaxinar o apagado e encendido de farolas, tamén se expuxo, sobretodo para axudar os turistas que non coñecen a cidade, que as paradas de autobus estén designadas cun número que faga máis doado o transito no transporte público a hora de saber onde subir e baixar.

Homenaxe a Herminio Barreiro

2012-02-06T10:52:00.001+01:00

Dende o Consello Comarcal de Esquerda Unida Compostela animámosvos a visitar a exposición bibliográfica e documental en homenaxe a Herminio Barreiro, que estará aberta ata o 29 de febreiro na sala Sarmiento, na facultade de Ciencias da Información.

Moción Democracia Participativa

2012-02-02T11:41:00.001+01:00

O Consello Comarcal de Esquerda Unida Compostela presenta unha nova moción, nesta ocasión, tal e como reflexáramos no noso programa electoral, requerimos ó Concello que faga efectiva a Democracia Participativa.

Aquí tedes o texto da moción:

Esquerda Unida Compostela considera que a democracia representativa é un modelo democrático que debe ser mellorado para non caer na obsolescencia, polo que se deben implementar prácticas participativas que doten de maior calidade á democracia e de maior capacidade de influencia á cidadanía.

Dende o Consello Comarcal de EU Compostela consideramos que esta revolución democrática só será posible reformando as formas de facer política e apostando pola Democracia Participativa que provoque o xiro económico, social, cultural e ético desde a participación cidadá e a transparencia na xestión do público.

EU considera que o local é o ámbito desde o cal é posible poñer en marcha e afondar nos procesos de construción de democracias participativas, en tanto é o espazo no que a cidadanía habita e se relaciona, e é o Concello, a institución de proximidade, á que a cidadanía se dirixe a trasladar as súas problemáticas e demandas.

Tal e como espuxeramos no noso programa electoral Esquerda Unida Compostela consideramos que para acadar esta Democracia Participativa é necesaria a involucración da Administración Pública local mediante a redacción dun novo Regulamento de Participación Cidadá, no que entre outros aspectos se disporá o seguinte:

En primeiro lugar unha carta de dereitos de veciños e veciñas no que se recollerán os dereitos veciñais, tales como, dereito de petición, dereito de intervención nas sesións públicas, dereito de consulta ou referendo e dereito á información.

Tamén se regularían a implementación dunha serie de medidas organizativas e estruturais como, por exemplo, elaboración de un Plan de Formación cidadá, creación de Foros Cívicos de Consellos Sectoriais, Asembleas de Barrios e, entre outras, Audiencias Públicas (orzamentos, urbanismo...).

Por último neste novo Regulamento de Participación Cidadá se fixaría a creación dos necesarios órganos de Participación Cidadá, como o Consello do distrito (constituídos polos Asembleas de Barrio con cadanseus consellos), Asemblea Sectorial e Consello de Movemento Veciñal.

Por todo isto o Consello Comarcal de Esquerda Unida Compostela propón ao Pleno do concello de Santiago a seguinte proposta de

ACORDOS

Primeiro.- O Concello de Santiago de Compostela realizará, mediante o debate pertinente co tecido asociativo da cidade, o novo Regulamento de Participación Cidadá.

Segundo.- O Concello de Santiago de Compostela levará a cabo a necesaria campaña de información á cidadanía para dar a coñecer os novos dereitos

Terceiro.- O Concello de Santiago de Compostela apoiará de maneira continuada no tempo o fomento da Democracia Participativa.

Valoración Pleno xaneiro

2012-01-30T11:21:00.000+01:00

O representante do Consello Comarcal de Esquerda Unida Compostela, Vicente Vázquez, proseguindo o traballo municipal desta organización acudiu ó Pleno para valorar o que alí se faga ou diga.

O Pleno comezou, como en todas as ocasións, coa protocolaria aprobación das actas anteriores, proseguindo de inmediato cun dos puntos que máis debate provocou no extenso Pleno de máis de catro horas.

Este segundo punto da orde do día era a aprobación inicial da ordenanza sobre as terrazas e quioscos de hostalería, sendo claro o posicionamento de Esquerda Unida a este respecto pois, en primeiro lugar, queremos salientar que en ningún caso os elementos fixos que se permitan para resgardar estas terrazas deben permanecer ocupando o espazo público unha vez rematado o horario establecido de terrazas.

Tamén, por obvio e que debe ser de obrigado cumprimento por lei, EU Compostela non tolerará que se faga un uso abusivo do espazo público, é dicir, a extensión das terrazas que se lle permita os hostaleiros en ningún caso debe mermar os dereitos da cidadanía ao paso polas beirarrúas da cidade.

Outro punto que o Consello Comarcal de Esquerda Unida Compostela quere salientar, e que nin suscitou o debate, solventándose cunha mínima mención pola concelleira Pardo, é o punto referente o uso de calefactores nesta terrazas de inverno, pois dende EU consideramos que, de ser necesaria a súa instalación, o seu uso debe estar regulado en varios aspectos como por exemplo, a obrigatoriedade expresa de ser o menos contaminantes posibles e, por suposto, deben ser os máis eficaces e eficientes enerxeticamente.

No tocante aos quioscos de hostalería, nomeadamente o que parece ser que se quere poñer na Alameda, EU considera que son totalmente innecesarios e que a oferta en hostalería na cidade está máis que suficientemente cuberta.

Para rematar este punto da orde do día, dende o Consello Comarcal de Esquerda Unida Compostela queremos expoñer que agardaremos a exposición pública desta ordenanza para ver a posibilidade de facer alegacións ou remarcar o noso posicionamento respecto a outros puntos desta ordenanza pois, como xa vén sendo habitual, o PP converteu o Pleno nun mero trámite pois non se aclararon de forma clara aspectos moi importantes.

Remarcar que tanto o PSdG e BNG criticaron que esta ordenanza se levase adiante sen ningún tipo de debate e sendo un “corta e pega” da ordenanza de Madrid. A aprobación inicial desta ordenanza saíu adiante pola maioría do PP.

O Pleno proseguiu coa aprobación, cos votos a favor do PP e en contra do PSdG e BNG, da creación dun macro consello sectorial de familia, benestar social e igualdade, sendo a opinión do Consello Comarcal de Esquerda Unida Compostela totalmente en contra desta reorganización orquestrada pola concelleira Prado.

En primeiro lugar manifestamos que as escusas da concelleira non se sustentan pois acredita que con estes cambios se gañará en operatividade e se garantirá a participación.

Dende Esquerda Unida Compostela criticamos que, coa visión de funcionamento que explicou a señora Prado, non só non se gañará en operatividade, senón que os temas se diluirán ou non serán tratados correctamente, pois este macro Consello estruturarase, á súa vez, en comisións sectoriais, que, de novo, poderán ter grupos de traballo, en definitiva, unha cadea estrutural que non contribúe a gañar operatividade. Ademais, a queixa da concelleira de que os consellos municipais non se reunían coa periodicidade desexada é un absurdo, xa que son eles, os que gobernan, os que teñen que velar por aplicar –ou no seu caso modificar- os regulamentos de funcionamento internos. Só abondaba con ter vontade política e desexos de facer dos consellos municipais espazos reais de paticipación, debate, reflexión e acción consensuada. Polo que non procede lanzar balóns fóra e culpar ao anterior equipo de goberno por moi fundadas que sexan as críticas sobre o mal funcionamento dos consello municipais. Levan gobernando xa máis de medio ano e só escoitamos escusas peregrinas.

O que dende o Consello Comarcal de EU Compostela non nos xera a menor das dúbidas é a crítica que facemos a falta total, non só de participación, senón de mera consulta ás distintas asociacións ou colectivos sobre esta posibilidade, claro exemplo o que padecemos desde o Foro de Inmigración de Compostela, do que EU forma parte activa, pois o Consello Municipal das Migracións desaparecerá sen que, en ningún momento dende o Concello, se puxeran en contacto para comunicar unha decisión adoptada unilateralmente.

O cuarto punto da orde do día foi aprobación inicial da modificación da ordenanza da zona de residentes e da hora, aprobado cos votos a favor do PP, en contra do PSdG e a abstención do BNG.

Dende EU Compostela temos que manifestar, unha vez máis, a nosa crítica a falta de información real sobre esta medida, pois no debate acometido no Pleno non se aclararon debidamente as dúbidas que esperta esta modificación, pois, á espera dunha lectura cando se faga pública esta modificación, consideramos que pode provocar un efecto chamada para o uso do vehículo privado e que de ningunha maneira soluciona o problema do aparcamento na cidade, pois, unha vez máis, manifestamos que a única solución é a da redución drástica do uso do vehículo privado.

No tocante a modificación da ORA en lugares específicos da zona vella, recalcamos que so será efectiva se realmente se busca que os vehículos teñan que moverse da praza que ocupan e non quedarse simplemente en que deban acudir máis frecuentemente a introducir cartos para o resgardo. Trátase simplemente dunha medida recadatoria.

O seguinte punto da orde do día foi aprobado por unanimidade ao ser un mero trámite para cumprir coa lexislación sobre axuda no fogar, provocou, como é habitual en todos os debates entre o PSdG e PP, en argumentación tan relevante que se podería resumir pexorativamente no e ti máis e ti peor.

O sexto punto do orde do día aprobado polos votos a favor do PP, a abstención do PSdG e en contra do BNG, tratou sobre a decisión do equipo de aforrar cartos abandonando varias asociacións.

Dende EU Compostela non estamos de acordo, sobre todo co abandono da rede de cidades pola bicicleta –o que deixa ben claro o nulo interese do PP neste eido- e co abandono da rede de cidades saudables. De novo, coidamos que non cabe queixarse de malas condutas pasadas. Con sermos éticos na representación da nosa cidade á hora de acudir ás xuntanzas abondaría. Ou é que dubidan da súa propia ética e conduta?

A continuación aprobouse por unanimidade, tras unhas emendas do PP, unha proposición do PSdG sobre a estabilización de investigadores no CHUS. Ao Consello Comarcal de Esquerda Unida parécelle ben, pero este tipo de accións deben ser algo máis que fogos de artificio e procurar un interese real pola defensa do I+D+i.

O oitavo punto da orde do día foi a proposta do PSdG para utilizar a antiga terminal do aeroporto como recinto feiral. Por desgraza, no argumentario o máis salientable foi un comentario improcedente da concelleira Reyes Leis sobre a honorabilidade do ex ministro Blanco. Coidamos que deben ser os xulgados os que diten sentenza, e non é o Pleno de Santiago o espazo apropiado para este tipos de comentarios.

Dende EU Compostela queremos remarcar, como xa fixeramos na pregunta presentada sobre este tema, que calquera uso que se lle dea a estas instalacións debe ser dende unha perspectiva de utilidade pública. Tamén queremos ratificarnos na nosa crítica ao PSdG que, cando gobernou, non se lle ocorreu ter negociada unha utilidade para estas instalacións, pero seis días despois de que Esquerda Unida manifestara a necesidade de utilizar estas instalacións se acordaron delas.

O Pleno proseguiu coa proposta do BNG para axilizar o túnel de Conxo, pero curiosamente non saíu adiante porque o PP votou en contra, dado que utilizou o turno de palabra para facer unha defensa da ministra Ana Pastor e críticar ao ex ministro Blanco.

Sen entrar en valoracións das argumentacións escoitadas, cómpre destacar que os tres grupos municipais están a favor desta construción, que todo parece indicar que antes o despois se levará a cabo, sendo o posicionamento de EU, feito xa público, totalmente en contra de novas infraestruturas que provoquen o temido efecto chamada a máis tráfico privado, e que a solución pasa por un Plan Global de Mobilidade que consiga o drástico descenso do uso do vehículo privado.

O Pleno rematou co protocolario dar conta de varios aspectos, cun rogo do PSdG para que o pavillón de Fontiñas leve o nome de Alemao, e cunha moción do BNG sobre a suba do IBI que non pasou o trámite de urxencia polo que non puido ser votada nin debatida.

Proxección documentais

2012-01-25T15:37:00.000+01:00

Moción fomento hortos urbanos

2012-01-20T11:46:00.001+01:00

O Consello Comarcal de Esquerda Unida Compostela presenta unha nova moción, nesta ocasión pedimos que se fomente, de forma real e efectiva, os hortos urbanos da cidade.

Aquí tedes o texto da moción:

No momento actual de crise ambiental e económica, Esquerda Unida Compostela considera necesarios novos procesos de recuperación do espazo urbano que melloren a sustentabilidade integral das cidades, tanto a nivel ecolóxico como relacional.

Os hortos urbanos son instrumentos que responden a este requerimento pois colaboran e achegan unha maior calidade de vida á cidadanía, mais dende o Consello Comarcal de EU Compostela consideramos que o Concello de Santiago non levou nin leva a cabo as medidas necesarias para potenciar e acrecentar o seu uso.

Os obxectivos principais dos hortos urbanos son a recuperación de espazos urbanos, a educación ambiental e a creación de lugares para a socialización, e despois do debate pertinente co tecido asociativo poderíanse destinar a segmentos concretos da poboación, como xubilados, desempregados ou a persoas en situación de exclusión social, co fin de mellorar a súa situación.

Dende EU Compostela consideramos que a nosa cidade cumpre os parámetros sociais e ambientais para fomentar este tipo de experiencias de hortos urbanos e ocio a pequena escala, e non abandonar este proxecto a unha mera excepcionalidade como ocorre na actualidade, deixando á vontade persoal do arrendatario temporal do terreo facer un uso eficaz e efectivo do mesmo.

Estes hortos urbanos, poderían cumprir unha función social como fomentar cursos ocupacionais para desempregados en actividades de agricultura ecolóxica e actividades lúdicas para maiores e xóvenes. Tamén poderían cumprir unha importante función ambiental como a recuperación de zonas urbanas degradadas, fomento de boas prácticas ambientais saudables e unha importante función cultural como recuperar o noso legado patrimonial natural e histórico, como recuperar vellos oficios e modelos de agricultura extensiva.

En cidades como Barcelona y Sevilla estas experiencias foron pioneiras e están recibindo un importante apoio institucional, constatando que en tempos de globalización, contaminación, velocidade e consumismo moitos cidadáns e cidadás optan por volver a poñer as mans na terra, Unha tendencia que enlaza co aumento da agricultura ecolóxica e consumo de produtos locais.

Por suposto o Consello Comarcal de EU Compostela considera imprescindible para o éxito desta iniciativa abrir o debate e a colaboración con outras administracións, organizacións agrícolas e sociais para fomentar e garantir o éxito deste tipo de experiencias.

Por todo isto o Consello Comarcal de Esquerda Unida Compostela propón ao Pleno do concello de Santiago a seguinte proposta de

ACORDOS

Primeiro.- O Concello de Santiago de Compostela realizará unha aposta decidida polo fomento e promoción dos hortos urbanos na cidade.

Segundo.- O Concello de Santiago de Compostela realizará un proceso de debate e participación cidadá para buscar a implicación e colaboración de entidades sociais, agrícolas e ecoloxistas para fomentar os hortos urbanos.

Terceiro.- O Concello de Santiago de Compostela realizará un catálogo de terreos públicos e privados aptos para poder realizar esta actividade lúdica e ambiental.

Inconsistencia PSdG - BNG

2012-01-19T17:06:00.001+01:00

O CONSELLO COMARCA DE ESQUERDA UNIDA COMPOSTELA RECIBE CON SATISFACCIÓN QUE AS SÚAS PROPOSTAS E POSICIONAMENTOS PROVOQUEN A NECESIDADE DE ACTUAR DO PSdG E BNG .

ESQUERDA UNIDA COMPOSTELA LAMENTA QUE PP, PSOE E BNG MANTEÑAN A IMPROVISACIÓN NO SEU ACTUAR.

O Consello Comarcal de EU Compostela, proseguindo dende a rúa o traballo que lle esixe a confianza que a veciñanza deposita nesta organización, recibe con agrado o interese que as súas propostas parecen levantar noutros partidos.

Xa é costume en Esquerda Unida Compostela velar porque instalacións que podían ter unha utilidade pública a prol da cidadanía non queden en desuso na procura do lucro dunha actuación especulativa privada, como xa manifestamos co antigo Hospital Xeral de Galeras ou coa vella terminal do aeroporto.

“Sorprendentemente” comprobamos que seis días despois de rexistrar a nosa pregunta sobre o uso público do antigo aeroporto, o PSdG se acorda de que se pode utilizar esta instalación para un uso feiral, o que dende EU Compostela nos leva a dúas críticas.

A primeira é que un partido que gobernou mentres se levaba a cabo a construción da nova terminal, e non fixo a labor debida para ter concretado un uso para esta instalación nada máis rematar a súa función aereoportuaria, non pode esixir, por puro interese político non da cidadanía, o que a súa improvisación a hora de rexer o Concello acaba de provocar.

Mais, sen esquecer este erro de xestión, o que dende o Consello Comarcal de Esquerda Unida Compostela queremos recalcar, unha vez máis, e que calquera actuación de envergadura como esta, non pode ser acometida sen o necesario debate e participación cidadá, polo que outra vez o PSdG erra na súa proposta o non deixala aberta as propostas que emanen da cidadanía.

Tamén queremos destacar a argumentación dada polo señor Bugallo ante o posible traslado do museo Granell, pois se ben concordamos en que non se debe efectuar dito traslado, parécenos “curioso” que utilice o mesmo argumento do baleiramento cultural da cidade que xa manifestara EU Compostela con anterioridade.

Por último dende o Consello Comarcal de Esquerda Unida Compostela criticamos a postura incoherente do BNG no tocante ó trasporte público, pois se ben o di defender, tamén esixe a construción de novas e custosas infraestruturas, tales como o paso subterráneo en Conxo, que ademais de ter un elevado custe, 5 millóns de euros, sería un novo efecto chamada e provocaría o fomento do uso do vehículo privado.

Solución ó tráfico

2012-01-18T16:43:00.000+01:00

O CONSELLO COMARCA DE EU COMPOSTELA RATIFÍCASE EN QUE AS MEDIDAS DO CONCELLO DEBEN ENCAMIÑARSE A DESCENDER O USO DO VEHÍCULO PRIVADO.

ESQUERDA UNIDA COMPOSTELA MANIFESTA, UNHA VEZ MÁIS, A NECESIDADE DUN PLAN GLOBAL DE MOBILIDADE QUE SATISFAGA AS NECESIDADES DA CIDADANÍA

O Consello Comarcal de Esquerda Unida Compostela critica que o actual goberno local do PP perpetúe as políticas en infraestruturas e accións improvisadas do PSdG e BNG no tocante ó problema do trafico rodado privado na cidade.

EU Compostela, tal e como fixara no seu programa electoral nas pasadas municipais, considera que non son as custosas infraestruturas a solución ó problema do tráfico, senón un Plan Global de Mobilidade, sustentable económica e medioambientalmente, o que, grazas a participación da cidadanía na súa elaboración, acade a necesaria e drástica redución do tráfico rodado.

Sen embargo na xestión de goberno de Conde Roa, compróbase claramente que a vontade política do PP non está por velar por un transporte público de calidade, eficaz e eficiente, pois como claramente se mostra nas súas accións, parecen querer manter a teima do pasado equipo de goberno en buscar as solucións en novas infraestruturas ou en accións improvisadas.

Claro exemplo disto se comproba nas actuacións ou intencións que o PP está ou quere realizar en Conxo, pois ratificouse na necesidade dun novo túnel nesta zona, medida errada que so provoca o temido efecto chamada a máis tráfico e non solucionará o problema, simplemente o trasladará a outro lugar, e no tocante a medidas improvisadas cómpre destacar unha rotonda que xa non é rotonda ou cambios de sentido no tráfico para mitigar pero non solucionar un dos graves problemas desta cidade.

Obviamente a redución necesaria e drástica no tráfico rodado evitaría os graves problemas de aparcamento que sofre a cidade, que aboca o uso dos custosos aparcadoiros subterráneos ou a saturación en distintos barrios da cidade. Proseguindo coa mentalidade de convivir co problema pero non de solucionalo, o PP potenciará as zonas verdes para residentes con diferentes medidas, mantendo dende o Consello Comarcal de EU Compostela que a solución real non son este tipo de actuacións, senón o Plan Global de Mobilidade.

Mais dende EU queremos manifestar certas reticencias ó parco anuncio feito, como a falta de información sobre a contía do canon ou os requisitos exactos para optar ás distintas tarxetas, por iso, e a espera de ter máis información para poder facer unha análise exhaustiva e concretar as nosas propostas, dende o Consello Comarcal de EU Compostela queremos manifestar que as medidas que se aproben non poden provocar o fomento do uso do vehículo privado debido a facilitar o aparcamento.

Loita contra o machismo

2012-01-15T23:52:00.000+01:00

ESQUERDA UNIDA COMPOSTELA VALORA POSITIVAMENTE A CONSTRUCIÓN DO CENTRO DE RECUPERACIÓN INTEGRAL DE MULLERES DE GALICIA.

O CONSELLO COMARCAL DE EU RECORDA QUE A MELLOR MANEIRA DE LOITAR CONTRA A LACRA DO MACHISMO É A EDUACIÓN EN VALORES DE IGUALDADE, RESPETO E TOLERANCIA.

O Consello Comarcal de Esquerda Unida Compostela mantivo, mantén e manterá o seu compromiso na loita contra a violencia machista, defendo como mellores “armas” a educación e a concienciación

Tal e como manifestaramos na moción presentada o 25 de novembro de 2010, EU Compostela apoia a construción do Centro Integral para a Recuperación da Muller, pero recalcando que, según consta, este centro levaría a cabo as súas accións “unha vez rematada a primeira fase da súa atención nos centros da rede galega de acollemento”, polo que xa sexa neste centro ou onde se habilite, as mulleres do noso municipio non poden verse na obriga de trasladarse a outra cidade para esta primeira fase.

Dende o Consello Comarcal de Esquerda Unida Compostela tamén queremos constatar que se ben apoiamos a construción de dito centro, consideramos que a súa mera existencia supón o fracaso das políticas de igualdade que non logran o remate da lacra machista, por suposto este tipo de centros son necesarios pero non son a solución.

Dende EU Compostela mantemos o noso firme convencemento de que unha educación e concienciación baseada na igualdade, tolerancia e respecto teñen que ser o camiño que as distintas Administración Públicas deben levar a cabo para rematar coa sociedade machista e patriarcal que aínda hoxe padecemos.

Por iso dende o Consello Comarcal de EU Compostela queremos recordar, e volver a esixir, o que presentamos na moción o pasado 8 de febreiro de 2011, na que pedíamos a creación dunha Casa das Mulleres, un espazo de debate e discusión onde os distintos colectivos e persoas a título individual poidan realizar esta concienciación a través dos debates, foros e demais actuacións que conxuntamente se decidan.

Contra o traslado do museo Granell

2012-01-13T16:58:00.000+01:00

ESQUERDA UNIDA COMPOSTELA CRITICA, UNHA VEZ MÁIS, A IMPROVISACIÓN E INCOHERENCIA DO GOBERNO E DA OPOSICIÓN CON RESPECTO Á CIDADE DA CULTURA.

O CONSELLO COMARCAL DE EU OPONSE A QUE SE “BALEIRE” A CIDADE DE CULTURA PARA PODER ENCHER UN MAUSOLEO QUE NUNCA SE DEBEU CONSTRUÍR.

Desde o Consello Comarcal de Esquerda Unida Compostela amosamos a nosa preocupación por todas as estratexias que se están empregando que, lonxe de dar sentido ao faraónico proxecto fraguián, magnifican aínda máis o terrible erro que representa a construción da Cidade da Cultura non só para Compostela, senón para Galicia.

A CdC segue a deixar patente a improvisación do PP, PSOE e BNG tanto a nivel local como autonómico, pois a día de hoxe son constantes as propostas dos distintos partidos para darlle contido a un continente que hipoteca o futuro cultural nun enlousamento megalómano de custes desorbitados.

A última ocorrencia do PP local, que semella contar co beneplácito do PSOE e BNG, é a de favorecer o traslado do museo Granell dende o Toural a este mausoleo, mais EU Compostela quere manifestar o seu rexeitamento a dito traslado que incide, e con apoio institucional, no baleiramento cultural que sofre a cidade.

A nosa cidade e o tecido cultural de base só coñece peches de experiencias que aproximaban a cultura aos veciños e veciñas: a sala Galán, a sala Yago, e máis recente, a sala Nasa.

O Consello Comarcal de Esquerda Unida Compostela manifesta o seu compromiso cunha cultura de base que non necesita de grandes construcións nin magnas subvencións, senón o apoio das distintas Administracións Públicas para poder saír a rúa ou levarse a cabo en pequenos espazos achegados á cidadanía.

Por suposto, de producirse o erro de trasladar o museo Granell á CdC, o que EU Compostela non tolerará é que un novo edificio público quede baleiro na cidade sen que se lle dea unha utilidade en beneficio da cidadanía.

Pregunta uso público antigo aeroporto

2012-01-12T11:27:00.000+01:00

O Consello Comarcal de Esquerda Unida Compostela presentou unha nova pregunta, nesta ocasión requerimos ó Concello, tal é coma xa fixeramos coas instalacións do antigo Hospital Xeral de Galeras, que nos informe se ten previsto algunha utiliade pública para as instalacións da terminal do antigo aeroporto.

Aquí tedes o texto da pregunta:

O Consello Comarcal de Esquerda Unida Compostela considera que unha daslabores fundamentais de calquera Administración Pública é a de velar quecalquera inversión pública en instalacións feita nun municipio manteña sempreunha utilidade que satisfaga as necesidades das persoas e non ó lucro daespeculación.

O gasto de recursos públicos en custosas e moitas veces cuestionadas obras de grandes infraestruturas, sirve deexemplo para dicir que recentemente seinagurou na nosa cidade unha nova e magna terminal aeroportuaria que provocou acaída en desuso do antigo aeroporto, que según moitas fontes non chegara a súamáxima operatividade pois ten unha capacidade mínima en torno a 2,5 millóns depasaxeiros anuais e según os datos do 2011, ano no que se chegou o recordhistórico, o pasaxeiros foron 2,4 millóns.

Obviamente unha vez feita esta obra, e tal e como xa manifestáramos con anterioridaderespecto as antigas instalacións do Hospital Xeral de Galeras, Esquerda Unidaconsidera que o actual equipo de goberno local do PP non pode, unha vez máis,perder a oportunidade de realizar os esforzos necesarios para utilizar oedificio e terreos do antigo aeroporto en beneficio da cidadanía, abrindo deinmediato o debate pertinente co tecido asociativo da cidade para atopar omellor uso posible a estas instalacións.

Por suposto o que o Consello Comarcal de EU Compostela non tolerará é queunhas instalacións realizadas a conta do erario público acaben, pola desidia ouinterese das distintas Administracións Públicas, para un uso lucrativo privadoen lugar de prestar algún dos servizos que a cidadanía reclama.

Por todo isto a agrupación comarcal de Esquerda Unida realiza as seguintespreguntas para a súa resposta por escrito:

1) Ten previsto o Concello algunha outra utilidade pública para as instalaciónsdo antigo aeroporto?

2) Ten previsto o Concello de Santiago instar ou colaborar con AENA paraacadar dita utilidade a prol da cidadanía?

Valoración Pleno decembro

2011-12-31T15:05:00.000+01:00

Proseguindo co seu compromiso coa cidadanía que deposita a súa confianza nesta organización, o representante do Consello Comarcal de Esquerda Unida Compostela, Vicente Vázquez acudiu ó Pleno para valorar o que alí se faga ou diga.

Nesta ocasión cabe destacar que o Pleno comezou coa novidade, grazas a este goberno que se farta de pregoar a súa austeridade, dun gasto de 8.000 euros en sendos retratos dos xefes do Estado.

O Pleno comezou, como en outras ocasións, coa protocolaria aprobación dos primeiros puntos da orde do día sen maior debate que ratificar por asentimento a unanimidade nestes puntos.

Foi a partir do terceiro punto da orde do día onde se empezou a producir o debate entre as distintas organizacións políticas. Este punto era sobre a ordenanza reguladora da publicidade e rotulación, finalmente aprobada cos votos a favor do PP e en contra do PSdG e o BNG.

No debate, profundamente técnico no tocante a multitudes de normas ou leis nomeadas para a defensa das distintas posicións, quedou constancia da premura coa que foi presentada esta ordenanza, que impediu facer achegas, facendo necesario que a representante do PP se vira no obriga de recoñecer que non é unha ordenanza pechada.

EU Compostela quere recalcar, no tocante a este punto, que de ningunha maneira se apoiaría unha norma liberalizadora da publicidade que permitira o uso abusivo de certos soportes publicitarios como, por exemplo, os luminosos que dende o Consello Comarcal de EU Compostela consideramos que só se deberían utilizar en edificios públicos, tales como hospitais ou centros de saúde, que axuden visibilizar a súa ubicación pero que consideramos un dispendio inútil de enerxía se se utilizan, entre outros usos, para facer rechamantes fachadas de centros comerciais.

Tamén queremos recalcar que neste punto coincidimos coa postura do BNG, que remarcou que no caso de levar a cabo esta ordenanza sería o lóxico que as multas polo seu incumprimento foran o suficientemente altas como para no ser rentable imcumprir dita ordenanza, tendo como respostas un asentimento pola representante do PP a micrófono pechado.

Por último dende o Consello Comarcal de EU Compostela queremos mostrar que no relativo a rotulación no Casco Histórico, coincidimos por unha vez coa postura mostrada co alcalde Conde Roa, ratificando a necesidade de regular o tipo de letreiros que nesta parte da cidade, e evitar tal como expuxo o Alcalde rotulacións tan inapropiadas como a dunha franquicia de pizzas na rúa das Orfas.

Proseguiu o Pleno cunha proposición do PP para crear unha comisión de estudo de accesibilidade, aprobada por unanimidade. Por suposto EU Compostela está totalmente a favor desta comisión, sempre que sexa eficaz e efectiva e non un mero fogo de artificio retórico. Normas sobre accesibilidade universal, hainas, só hai que aplicalas conforme a unha planificación real, por iso, consideramos imprescindible que este estudo se articule en torno a un Plan Local para a Inclusión Social. Para avanzarmos neste eido e termos un Concello Inclusivo, é preciso que as decisións a este respecto se tomen contando coa participación dos diferentes axentes sociais implicados no proceso da accesibilidade universal, tal como propoñía Esquerda Unida no seu programa político das municipais 2010.

Por iso, agardamos que o posicionamento do PP sexa real e que esta comisión sexa aberta á participación, sobretodo, das entidades que traballan por e para as persoas con mobilidade reducida, e que a redacción do proxecto de cidade accesible, finalidade de tal comisión, sexa froito dunha elaboración conxunta e sometida ao necesario de debate.

No tocante a este punto EU Compostela quere remarcar o seu claro posicionamento por unha cidade accesible demostrado nas distintas mocións presentadas como, por exemplo, a que se rexistrou o pasado 25 de abril de 2011 na que se pedía a correcta sinalización e coas dimensións pertinentes das prazas de aparcamento para persoas con discapacidade na vía pública ou a moción rexistrada o pasado 12 de novembro de 2010 na que se esixía a adecuación das beirarrúas nos pasos de peóns ás persoas con mobilidade reducida.

O seguinte punto da orde do día foi unha proposición do PSdG sobre a actividade turística que foi desestimada cos votos en contra do PP, a favor do PSdG e a abstención do BNG.

Sobre o debate deste punto o Consello Comarcal de EU Compostela critica a actitude belixerante mostrada pola representante do PP, Reyes Leis, que sen ningunha motivación, pois os demais grupos municipais defenderon a súa posición sen recurrir a violencia verbal mostrada por esta concelleira, provocou certa crispación no Pleno que “curiosamente” rematou cunha chamada de atención ao representante do PSOE, Bugallo, que contestou airadamente, e até certo punto comprensiblemente, a unha recriminación por parte da representante do PP que non tiña por que se ter producido.

Sobre os argumentos escoitados o Consello Comarcal de EU Compostela preocúpase de que ningún dos grupos municipais expuxo medidas para un turismo alternativo ao xa existente centrándose case por completo o debate no aeroporto da cidade e na súa centralidade, é dicir, o perpetuo debate de sempre que nin PP, PSdG e BNG queren solucionar dende o Parlamento de Galicia, fomentando os nefastos localismos entre Coruña, Vigo e Santiago.

Proseguiu o transcorrer do Pleno coa proposición do BNG de instar a Fomento abaratar as tarifas do AVANT, que foi aprobada por unanimidade despois de aceptar o BNG as modificacións propostas polo PP, como que a quen se debe instar a abaratar as tarifas do AVANT é a RENFE e non a Fomento.

Como xa é habitual o grupos políticos centraron o debate nas sempiternas críticas entre partidos polos retrasos neste dispendio que supón o AVE, mantendo dende EU Compostela o posicionamento, ratificado unha e outra vez publicamente, na defensa, fomento e habilitación do tren de proximidade ou o de media distancia para vertebrar e cohesionar o territorio tanto a nivel comarcal como autonómico.

Por puro protocolo cumpriuse o trámite de dar conta de distintos informes, resolucións... sen maior debate que mencionar en voz alto o exposto na orde do día.

O decimosegundo punto da orde do día foi a comparecencia de Reyes Leis para definir con claridade o posicionamento do actual equipo de goberno do PP sobre a feira de gando de Amio.

A priori EU Compostela valora positivamente a actitude mostrada polo PP de manter as negociacións cos gandeiros e tratantes para que a feira de gando se quede na cidade. Dende o Consello Comarcal de EU Compostela queremos manifestar que se a feira se mantén por agora en Santiago é pola mobilización e traballo realizado pola plataforma cidadá en defensa do mercado de Amio, da que Esquerda Unida forma parte. EU Compostela proseguirá seu traballo para que o cambio mostrado sexa real e se evita a maxadería que supuña a ocorrencia do señor Rueda acatada polo señor Conde Roa.

O Pleno concluíu cun rogo e 3 mocións. O rogo foi do BNG sobre o uso do galego e tamén unha das mocións, que versaba sobre a tarxeta sanitaria, similar a presentada por Esquerda Unida o 2 de decembro, que foi rexeitada polos votos do PP.

Tamén foi rexeitada cos votos do PP a moción do PSdG para instar a cubrir o antes posible as prazas dos profesores de baixa, e unicamente se aprobou cos votos do PP e PSdG , e a abstención do BNG, a moción para intentar acoller un cumio da UE.

Mesa Redonda Amio

2011-12-26T11:55:00.000+01:00

A plataforma cidadá en defensa da feira de Amio, da que EU Compostela forma parte, levará a cabo unha mesa redonda á que están convidados o alcalde Conde Roa ou algún representante do seu equipo de goberno, a Cámara de Comercio, a asociación de hostalería, a concesionaria actual da feira e diferentes membros da plataforma.

Esta mesa redonda sobre Amio terá lugar o luns, día 26 de decembro, ás 20:15 na Aula de Cultura do Centro Social Novacaixagalicia sito na Pza. de Cervantes, 17.

Dende o Consello Comarcal de EU Compotela animámosvos a acudir.

Xuntanza coa AVV Francisco Asorey da Almáciga

2011-12-20T12:36:00.001+01:00

O CONSELLO COMARCAL DE ESQUERDA UNIDA COMPOSTELA PROSEGUE COAS XUNTANZAS CO TECIDO ASOCIATIVO DA CIDADE REUNÍNDOSE COA AVV FRANCISCO ASOREY DA ALMÁCIGA.

EU COMPOSTELA REITERA O SEU POSICIONAMENTO A FAVOR DUN TRANSPORTE PÚBLICO QUE CUMPLA AS REIVINDICACIÓNS VECIÑAIS E CO ARRANXO DE BEIRARRÚAS E ESTRADAS.

Os representantes do Consello Comarcal de EU Compostela, María Rozas, René Gamborino e Vicente Vázquez, mantiveron unha xuntanza coa directiva da AVV Francisco Asorey da Almáciga, dentro programa de visitas ó tecido do movemento asociativo da cidade co fin de pulsar as distintas opinións sobre a situación da cidade, e coñecer de primeira man as súas eivas e tamén as posibles solucións.

No referente ó barrio da Almáciga, Esquerda Unida Compostela sempre defendeu que a mellor maneira de dar resposta á antiga reivindicación veciñal de facilitar o acceso até a zona máis alta do barrio, de certa dificultade para moitas persoas dada a gran pendente existente, era, e o sigue sendo, que a liña ou liñas pertinentes do transporte público fagan este servizo.

Por iso compartimos a decisión tomada pola asociación de veciños Francisco Asorey da Almáciga de aceptar a proposta do actual equipo de goberno do PP de que, a cambio de non levar a cabo a construción do elevador proxectado, sería o autobús urbano o encargado de prestar este servizo a cidadanía.

Por suposto o Consello Comarcal de EU Compostela considera moi acertada a decisión da AVV de aproveitar os 700.000 euros orzamentados para o elevador para, tal e como se acredita no proxecto presentado ó alcalde Conde Roa, realizar os arranxos necesarios en beirarrúas e estradas, dende pasamáns para facilitar o ascenso nas pronunciadas costas até a obra necesaria para facilitar o acceso do autobús urbano.

Por último dende Esquerda Unida criticamos que en moitos casos, aínda a día de hoxe, a zona de residentes para aparcar neste barrio non son máis que liñas pintadas no asfalto e sinais verticais, que non solucionaron os problemas sobretodo pola noite, acreditando unha vez máis que o anterior equipo de goberno fixo moitas actuacións sen maior intención que a electoralista.

Acto Foro Galego de Inmigración

2011-12-16T11:40:00.002+01:00

O Foro Galego de Inmigración, do que Esquerda Unida forma parte, desenvolverá, en relación coa celebración do Día Mundial das Persoas Migrantes, un acto lúdico-reivindicativo que terá lugar no salón de actos do Museo do Pobo Galego e na Praza do 8 de Marzo entre as 11:00h e as 14:00h do domingo día 18 de decembro, que incluirá actuacións musicais e lúdicas. No transcurso do mesmo diferentes persoas de diferentes colectivos de migrantes afincados na cidade lerán o Manifesto Revindicativo. Este Acto conta co apoio e colaboración de colectivos veciñais e sociais do Barrio de San Pedro.

Dende o Consello Comarcal de Esquerda Unida Compostela animámosvos a participar.

Moción defensa cobertura sanitaria universal

2011-12-02T15:13:00.001+01:00

O Consello Comarcal de EU Compostela presentou unha nova moción, nesta ocasión esiximos, dentro das súas posibilidades, que o Concello de Santiago defenda a sanidade pública gratuita e universal, tralas recentes actuacións da Xunta de Galicia.

Aquí tedes o texto da moción:

Todas as Administracións Públicas debenvelar, dende as súas competencias, polo respecto e defensa dos dereitos básicosda cidadanía.

En Galicia, debido á Orde de 5 de setembro de 2011, estase producindounha situación de desamparo para as persoas sen recursos económicos suficientes,para as persoas que en situación de desemprego de longa duración, asi comotamén discrimina ás persoas extranxeiras; estase xerando unha vulneración noseu dereito básico á saúde e causa unha grave eiva na universalidade e equidadeda sanidade pública.

Resulta inconcebible que unha persoaquede, o tempo que sexa, sen cobertura sanitaria e farmacolóxica, e, nonobstante, debido á aplicación da Orde xa referida, as persoas sen recursos ouque esgotaran a súa prestación por desemprego, que non foron informadas deforma axeitada sobre este feito, son dadas de baixa no sistema da seguridadesocial e vénse privadas do dereito á atención médica e farmacolóxica habitual,producíndose verdadeiros casos abraiantes de persoas con necesidades de tratamentooncolóxico, e que se viron igualmente afectadas.

O proceso de tramitación da novatarxeta (chamada Código 29, que é nofondo unha especie de lista B e que debería darnos vergoña en tanto que etiquetaás persoas en base á súa condición laboral), amais de que xa non debera ninexistir, resulta farragoso, e tarda máis do que se pode permitir unha persoaenferma. E, por riba, nese tempo de baleiro están na obriga de abonar o custodas consultas que realicen. E, desde logo, dicir que vaian todos a urxencias éun despropósito funcional e operativo. E, no tocante ás persoas migrantes esíxelleunha antigüidade mínima no padrón de 183 días para poder solicitar a tarxeta sanitaria,o que contradí claramente a Lei Orgánica sobre Dereitos e Liberdades dosEstranxeiros en España e a súa Integración Social, que en ningún momento esixeprazo algún para equipar os dereitos sanitarios dos españois e estranxeiros.

Polo tanto, debido aos distintos trámites burocráticos que estas persoas teñenque realizar para contar cunha prestación sanitaria acorde a lei, deberán ter ogasto económico que supón abonar os importes establecidos no Decreto 209/2011do 27 de outubro.

Por outra banda, segundo datos doDefensor do Pobo e do estudo que o Ministerio de Sanidade realizou a instanciasdo grupo parlamentario de Izquierda Unida no Congreso dos Deputados, entre90.000 e 180.000 persoas carecen actualmente en España de cobertura sanitaria.

Dende Esquerda Unida entendemos asanidade como un servizo universal e gratuíto ao que ten dereito toda acidadanía sen excepcións.

Por todo isto o Consello Comarcal de Esquerda Unida Compostela propón aoPleno do concello de Santiago a seguinte proposta de

ACORDOS

Primeiro.- O Pleno do Concello de Santiago deCompostela manifesta a necesidade de reformar a Constitución Española para quede maneira explícita se garanta a cobertura sanitaria e farmacéutica en tantoque dereito esencial para toda a cidadanía.

Segundo.- O Pleno do Concello de Santiago deCompostela, mentres non se produza a citada reforma constitucional, insta aoGoberno central e a Administración autonómica a que modifiquen as normas legaisnecesarias para garantir que ningún cidadán neste país quede en ningún momentosen cobertura sanitaria e farmacéutica.

Terceiro.- O Pleno doConcello de Santiago de Compostela, insta ao Presidente da Xunta de Galicia, D.Alberto Núñez Feijoo a modificar con carácter de urxencia o procedemento defuncionamento vixente, e que se evite que ningún cidadánquede sen cobertura sanitaria e farmacéutica baixo ningunha circunstancia.

Moción axudas pago hipoteca ou aluguer

2011-12-01T10:58:00.001+01:00

O Consello Comarcal de Esquerda Unida Compostela presentou hoxe unha nova moción, nesta ocasión pedimos que nos orzamentos municipais se reserve, todos os anos, a partida pertinente para axudar no pago total ou parcial da cota da hipoteca ou aluguer a persoas en situación de emerxencia social, con grave risco de perder o seu dereito constituacional a unha vivenda digna.

Aquí tedes o texto da moción:

Esquerda Unida Compostela considera que todas as Administracións Públicas teñen a obriga de cumprir co rol fundamental de prestar servizos públicos permanentes e de calidade que axuden á cidadanía tanto en tempos de grave crise coma os actuais coma no de supostas épocas de bonanza.

Os axentes sociais do noso Concello alertan que a situación de abafo está afectando a cada vez máis persoas que, sen emprego e sen coberturas, corren o risco de perder a súa vivenda habitual para a que destinan case todo o seu salario (en réxime de alugueiro ou en réxime de propiedade), quedándolles moi pouco para satisfacer outras necesidades básicas (alimentación, roupa...). Ademais de perderen o seu dereito constitucional a unha vivenda digna, estas persoas poderían encamiñarse cara a unha situación de risco de exclusión social.

Por iso, entendemos prioritario que o Concello asuma, despois de reunirse cos axentes sociais, destinar unha determinada porcentaxe dos vindeiros orzamentos –e con criterio de continuidade nos vindeiros exercicios orzamentarios- para facerlle fronte a esta situación de emerxencia social. En dito encontro deberían formalizarse os requisitos da convocatoria anual para acceder á axuda, especificar os tramos e as contías a percibir de forma clara, asi como os criterios de exclusión.

En boa lóxica, e en unión cos axentes sociais do municipio, coordinados polo departamento de servizos sociais, debe conformarse un órgano de supervisión e xestión que vele polo bo uso das axudas e que, de forma previa, realice un estudo que certifique as persoas demandantes cumpren cos criterios de acceso que se fixen, que controle que a axuda se destina para permitir o mantemento do pago da hipoteca da vivenda habitual. Semella innecesario dicir que esta axuda desaparece en canto a causa que provoca a súa concesión desaparece. E, ao mesmo, debe garantirse que se cumpren os criterios de confidencialidade necesarios.

Por todo isto o Consello Comarcal de Esquerda Unida Compostela propón ao Pleno do concello de Santiago a seguinte proposta de

ACORDOS

Primeiro.- Crear unha convocatoria anual, a cargo dos orzamentos do Concello, de axudas para o pago da hipoteca ou alugueiro en situacións de emerxencia social.

Segundo.- Manter un encontro cos axentes sociais do municipio para conformar as bases que regularían dita convocatoria, con criterios claros á hora da concesión ou á hora da denegación.

Terceiro.- Articular un órgano de xestión e supervisión, con participación dos axentes sociais, para garantir que as demandas e as axudas se destinan ao fin da convocatoria.

Cuarto.- Desenvolver unha campaña informativa para dar a coñecer a súa existencia.

Valoración Pleno de novembro

2011-11-25T11:17:00.001+01:00

Proseguindo co seu compromiso coa cidadanía que deposita a súa confianza nesta organización, ratificados co excelente resultado electoral tanto en maio, no que unha lei electoral inxusta impediu que Xabier Ron representara a EU no Concello, coma os máis recentes do 20N con máis do 5% de votos, representantes do Consello Comarcal de Esquerda Unida Compostela acudirán ós Plenos para valorar o que alí se faga ou diga.

Nesta ocasión cabe destacar que o Pleno comezou con retraso, e cando comezou non foi presidido polo actual alcalde, posto que chegou con máis retraso todavía, sendo a explicación máis plausible, aínda que non confirmada, que se esquecera do cambio de horario do Pleno das seis da tarde ás cinco e media.

No tocante ao transcurso do Pleno comezou con consenso unánime nos primeiros puntos da orde do día, sen maior debate que ratificar o posicionamento a favor dos distintos grupos municipais en temas protocolarios de actas, modificacións urbanísticas no SUP5 e desestimación de recursos de reposición.

O máis relevante do que aconteceu no resto do Pleno foi en primeiro lugar o debate da proposición do PSdG sobre a creación da comisión municipal de absentismo escolar, sendo desestimada cos votos en contra do PP, a abstención do BNG e a favor do PSdG.

Dende EU Compostela consideramos que o decrecemento que se está obter no tema do absentismo é, sobretodo, grazas a vontade do profesorado, e en relación a proposta do PSdG cremos que, existindo órganos educativos xa creados, coma o Consello Municipal de Educación, sería preciso canalizar desde este Consello os traballos de seguemento sobre o tema do absentismo e sobre outros relacionados co ensino público. Diríamos que é preferible dinamizar e poñer a funcionar ben o xa existente que crear novas estruturas.

O punto que máis controversia suscitou foi a proposta do PSdG sobre celebrar vodas civís os sábados pola tarde, proposta que contaba co apoio do BNG, pero que foi desestimada cos votos en contra do PP.

Sobre este punto dende EU Compostela queremos reflictir que no debate realizado o PP recorreu á demagoxia ao utilizar o argumento de non ter cartos para pagar as horas extras, mencionando expresamente a unha traballadora alí presente para cimentar o seu argumento, obviamente acusando ao anterior equipo de goberno de deixar o orzamento para horas extras totalmente esgotado. Concluíndo a súa argumentación coa pueril escusa de que se realizaban vodas un sábado pola tarde tamén habería que abrir o rexistro por se alguén quería consultar planos...

Dende EU Compostela consideramos que, dado a vida laboral da maioría da veciñanza, o sábado pola tarde é unha data concorrida para poder levar a cabo o casamento, e posto que unha labor do Concello debe ser prestar un servizo que a cidadanía reclama, consideramos que como mínimo o sábado pola tarde debería darse este servizo, excluíndo se non é posible domingos e festivos, por suposto, acorde á capacidade económica de cada parella, facer unha progresividade nas taxas a pagar.

O punto que espertou máis coincidencias, aprobado por unanimidade, foi a proposta de derrubo da Casa da Xuventude, que EU Compostela tamén apoia, sempre que antes deste derrubo todos os servizos que alí se prestaban teñan outra ubicación operativa, que, segundo verbas do alcalde, parece estar entre dous emprazamentos preto do Campus Sur. Dende o Consello Comarcal de EU Compostela tamén queremos remarcar que unha mellor planificación das actuacións urbanísticas por parte do Concello evitaría recorrer a este tipo de medidas.

Onde EU Compostela se mostra totalmente contraria a decisión tomada polo Pleno do Concello, cos votos a favor do PSdG e PP e a abstención do BNG, é coa petición que o Concello de Santiago fará a Xunta de Galicia para que no 2014 se retome a construción dos edificios da CdC que aínda quedan por construír. A postura de EU Compostela é que NON se debe proseguir coa edificación de ningún edificio máis. O xa existente debe servir para aforrar gastos en dispersión administrativa. Remarcamos que a cultura non debe estar enlousada en grandes mausoleos e si na rúa ou en pequenos espazos achegados á cidadanía, polo que a argumentación do BNG de planificación cultural da CdC, mencionando unha pinacoteta, parécenos unha mera excusa para xustificar o desbaldimento de recursos que supón a Cidade da Cultura e tamén para non se posicionar sobre este aspecto. Pensar en rematar o mausoleo, precisamente cando lles escoitamos de forma permanente que non hai diñeiro e que hai que recurtar, cando apretan o cinto da cidadanía con políticas de axuste, seméllanos unha enorme aberración insistir no remate dos edificios que restan. Estase xustificando o inxustificable. A CdC, xa desbalde recursos inxentes, pero, de rematarse, esta partida sería cáseque letal para os axentes da cultura de base que ollan como os seus proxectos esmorecen por falla de recursos...precisamente por parte das administracións públicas...que prefiren xogar a seren “deuses” no cumio do desbaldimento a seren xustos e redistribuir o “pouco” que din ter de forma equitativa. Fronte a unha CdC cabe antes a recuperación dos espazos culturais propios da cidade: Sala Yago, Sala Nasa, etc.

O Pleno concluíu con temas menores sen maior relevancia que seguir a orde do día marcada.

Comunicado polo 25N

2011-11-24T11:18:00.001+01:00

ESQUERDA UNIDA COMPOSTELA APOIA ÁS REINVINDICACIÓNS DO DÍA INTERNACIONAL CONTRA A VIOLENCIA CARA ÁS MULLERES.

O CONSELLO COMARCAL DE ESQUERDA UNIDA RECLAMA A TODAS AS ADMINISTRACIÓNS PÚBLICAS A DOTACIÓN DOS RECURSOS MATERIAIS E HUMANOS NECESARIOS PARA FACER EFECTIVOS OS PLANS DE IGUALDADE.

Esquerda Unida Compostela reitera o seu compromiso na loita contra a violencia de xénero, recalcando unha vez máis que unha das medidas máis efectivas é o fomento dunha educación fundamentada en valores como a igualdade, a non discriminación e o respecto.

O Consello Comarcal de EU Compostela, ratificando este compromiso contra a lacra do machismo, presentara unha moción, o pasado 25 de novembro de 2011, reclamando unha casa de acollida, recibindo con satisfacción o recente anuncio da súa creación, mais sempre alerta para velar pola súa titularidade e xestión pública e, por suposto, pola súa eficacia e eficiencia.

Tamén, proseguindo co noso ideario baseado en que a mellor forma de acadar a necesaria igualdade de xénero é a educación, presentamos o pasado 8 de febreiro de 2011 unha moción para a creación da Casa das Mulleres, un espazo público aberto a participación individual ou en colectivos, no que as persoas poidan debater e reflexionar para a consecución da igualdade real entre mulleres e homes.

Por último o Consello Comarcal de Esquerda Unida Compostela lamenta a morte de mulleres perpetrada pola man machista, tanto ten o número, porque sempre será un número elevado que demostra, por desgraza, que aínda queda moito por facer. Por iso, reclamamos, unha vez máis, neste día internacional contra a violencia machista, que tanto o Concello, como outras administracións públicas, e por suposto de toda a cidadanía, se erixan en fronte común contra o machismo e a cultura patriarcal que impregnan aínda a nosa sociedade.

Valoración resultados electorais

2011-11-22T10:43:00.001+01:00

ESQUERDA UNIDA OBTÉN NA COMARCA DE SANTIAGO OS MELLORES RESULTADOS NUNHAS ELECCIÓNS XERAIS

O CONSELLO COMARCAL DE EU COMPOSTELA AGRADECE AOS MILLEIROS DE PERSOAS QUE CONFIARON NESTA ORGANIZACIÓN O SEU APOIO A ESTE PROXECTO POLÍTICO E SOCIAL.

EU Compostela rexistrou os mellores resultados históricos nunha eleccións xerais, superando o 5% de votos e case 3.000 votos, que acreditan o traballo realizado pola militancia e simpatizantes para consolidar a Esquerda Unida como referente da esquerda alternativa e transformadora e que asentan esta organización como a cuarta forza política da comarca, en franca ascensión.

O Consello Comarcal de Esquerda Unida Compostela desexa agradecer o todas as persoas que depositaron unha vez máis a súa confianza, a través do seu voto, na nosa organización certificando o constante crecemento de EU, que refrenda o rexistrado con anterioridade nas eleccións municipais de maio de 2011, onde, só unha lei electoral inxusta, co seu inxustificable solo do 5%, impediu a presenza da nosa organización no Concello de Santiago.

Pero o noso crecemento é xeral. Así, non só en Compostela se certifica que o referente anticapitalista de Esquerda Unida acada cada vez máis apoio, pois en Ames experimentouse un crecemento que chega ao 5,65 % para 861 votos; mentres que noutros concellos limítrofes coma Brión (preto dun 4 %) ou Teo (un 4,15 %) experimentamos tamén unha suba relevante que incentiva aínda máis o traballo da nosa organización a nivel comarcal.

En Galicia o salto do 1,37 % [25.308 votos] a un dinamizador 4,12 % [67.182 votos] significa non só motivación e ánimo para a nosa organización, senón que supón cotas históricas de confianza cidadá no proxecto de esquerda plural que EU desexa levar máis aló das institucións.

Transmitímoslle a todas as persoas que nos apoiaron que seguiremos traballando duro, que loitaremos sen repouso para denunciar toda vulneración de dereitos da clase traballadora. Todas e cada unha das persoas que nos votaron deben saber que os 11 deputados presentes en Madrid son os seus deputados e que levarán adiante canta demanda e reivindicación sexa preciso esixir desde a comarca de Compostela.

Damos a noraboa a todos os compañeiros e compañeiras que nos representarán, que exercerán a tarefa de denunciar as nefandas estratexias neoliberais que, de seguro, tentará poñer en marcha a maquinaria da dereita. Rematamos querendo remarcar que, cunha lei electoral xusta, no que unha persoa un voto sexa unha realidade, serían 25 representantes e non 11 os que loitarían pola mellora dos dereitos cidadáns e contra os seus inxustificables e inxustos recortes.

Hai Alternativa

2011-11-18T10:44:00.001+01:00

Non é doado. Non. Mais é necesario. Hai alternativas. Só cómpre vontade política. Cómpre unha ideoloxía de esquerdas, transformadora para frear, primeiro, e someter ao regulamento do fin social, aos donos do mercado. Non é fume. É realidade.

O pobo, certo é, está canso de toda a feira deseñada polos grandes medios de comunicación, que, en vez de informar, defenden os intereses dos dous grandes partidos (PP/PSOE).

Pero o pobo xógase moito o 20 N. E por moito que certas voces apelen á abstención, en nome dunha consciencia democrática moi dubidosa –digna de axentes sufragados pola dereita-, reclamamos do pobo unha elevada conciencia do que está en xogo.

Non nos deixemos enganar pola retórica. Nestes últimos anos asistimos a un ataque aos dereitos da clase traballadora, mentres os grandes culpables seguen amasando fortunas, que non son fiscalizadas de forma xusta, e que seguen especulando co ben público.

A oligarquía financeira cobiza os servizos públicos. A sanidade, a educación e o sector social corren o risco de ser totalmente sometidos á lei do lucro. Xa hoxe asistimos a unha degradación deliberada do sector público para forzar ás persoas a que vaian á privada...pagando, claro, por algo que debe ser gratuito, financiado mediante unha imposición directa, progresiva e xusta, que redistribúa a riqueza.

Que está facendo o PP en Galicia, en Madrid ou en todas as comunidades autónomas que goberna? Privatizar o ben público. O ben de todos, para que se lucren uns poucos. E así, dicímolo alto e claro, non se sae da crise.

Que fixo o PSOE neste anos? Rachar unha tras outra as promesas de incrementar o noso benestar, limitar as nosas posibilidades de termos unha vida feliz, cun traballo estable, e cun proxecto de vida por realizar con satisfacción. Deixáronnos só unha densa néboa. Mentres recurtaban salarios e investimentos públicos, metíannos de novo nunha guerra e desbaldían diñeiro en bombas. Do PSOE non nos podemos crer nada: puido facer políticas de esquerdas, pero non quixo. Non teñen credibilidade.

Que podemos facer nós? Seremos coherentes co noso programa, que promove a xustiza social e a creación de emprego desde un modelo produtivo diferente e respectuoso co medio ambiente, elaborado de forma participativa despois de múltiples asembleas abertas celebradas en todo o Estado e en Galicia. Seremos íntegros e transparentes en todo momento: cómpre rematar coa lacra da corrupción política.

Que podedes facer vós? Ben aceptar que non hai remedio e asumir a derrota e a perda de dereitos de todo tipo. Ben dicirlle “basta xa!” aos donos do mercado, aos especuladores e oligarcas financeiros e impoñer unhas normas reguladoras xustas. Podedes actuar de forma rebelde e asumir un programa de participación política coma o que propón Esquerda Unida – Os Verdes e recuperar o mando do goberno. Pois o pobo é quen máis ordena, como dicía o gran cantor.

Podedes votar democracia ou mercados. Elixides vós.

Novembro 2011. Xabier Ron.

Presentación programa mocidade EU

2011-11-16T11:19:00.000+01:00

Na mañá de hoxe a área de mocidade de Esquerda Unida desenvolveu unha rolda de prensa para presentar a campaña de xuventude e o programa de cara as presentes eleccións xerais.

O coordinador da área de mocidade, René Gamborino, sinalou que "tralo estoupido da crise e a pesar das últimas reformas laborais as expectativas para a mocidade non melloran, a destrución de emprego xuvenil e o empeoramento das súas condición laborais vai en aumento. Atopámonos con que só un de cada dez mozas e mozos en activo ten un contrato estábel, catro de cada dez ten un contrato precario e cinco de cada dez está desempregado. A coincidencia de PP e PSOE sobre as políticas para facer fronte a esta situación é total, flexibilización do réxime contractual dos traballadores e fomento da temporalidade, cando son estas as grandes lacras do mercado laboral, unido a profundización do desmantelamento dos servizos públicos, e por ende, dos instrumentos de protección social da clase traballadora".

Así Esquerda Unida presentou as principais propostas en materia de mocidade que incorpora o seu programa, unha alternativa que resitúa no público e nas mans dos traballadores as políticas para das saída á crise:

• Elaboración dun plan emprego xuvenil que emprace no sector público o marco de creación de emprego, incorporación de contido sobre dereitos sociolaborais nos curriculums de ensino medio, retirada da últimas reformas laborais e a instauración da xornada de 35 horas.

• Creación dun parque público de vivendas en aluguer para a mocidade cun prezo inferior ao 30% do salario dos arrendatarios e dun remanente de VPO específico para a xente nova.

• Adianto da idade legal para o voto aos 16 anos.

• Elaboración dunha Lei de Participación Xuvenil para a regulación dos Consellos de Xuventude, o fomento do asociacionismo e creación cauces de participación ás mozas non organizadas.

• Elevación do orzamento público en educación ata o 7% do PIB e do 2% en ensino superior. Redución dos ratios de profesor e alumnos.

• Freo ao proceso de elitización e precarización do ensino publico. Rexeitamento do novo 4ª da ESO e das últimas reformas da PAAU, así como paralización dos procesos de mercantilización da Universidade Pública que veñen aparellados ao EEES e a Estratexia Universidade 2015.

• Redución ata os tres meses do prazo máximo para a convalidación de títulos aos estranxeiros. Incorporación de formación intercultural en los programas de ensino primario e secundario potenciando a escola pública como elemento esencial para a igualdade cidadá e a loita contra a discriminación.

Esquerda Unida presentou a campaña que co lema "na rúa e nas urnas, rebélate" fai un chamamento á mocidade que no último ano mobilizouse en contra das políticas de recortes sociais que veñen de aplicar os gobernos central e autonómico para que trasladen esa rebeldía ás urnas e permitan un grupo parlamentario forte da esquerda alternativa.

Éxito da manifestación contra o traslado da feira de Amio

2011-11-12T23:00:00.000+01:00

Esquerda Unida Compostela, integrante da plataforma de apoio á feira de Amio, participou activamente na manifestación levada a cabo hoxe polas rúas de Santiago.

A alta participación da cidadanía, máis de 1.500 persoas, constata a mobilización existente contra unha decisión errónea que de realizarse sería un gran erro do alcalde Gerando Conde Roa e unha gran perda para a cidade, non so económica, máis de 100.000 euros o ano en taxas, senón histórica pois a feira de gando forma parte da cidade, e da memoria colectiva, dende que se celebraba na Alameda, punto de partida hoxe desta manifestación.

Por todo isto O Consello Comarcal de Esquerda Unida Compostela continuará o seu traballo na plataforma para evitar que, unha vez máis en moi escaso tempo, o equipo de goberno do PP prosega a súa errática traxectoria que prexudica gravemente o benestar da veciñanza de Santiago.

Manifestación contra o traslado da feira de gando de Amio

2011-11-11T11:40:00.001+01:00

Esquerda Unida Compostela, integrante da plataforma de apoio á feira de Amio, anima a participar na manifestación que se levará a cabo este sábado contra o traslado do mercado de gando.

Data: sábado 12 de novembro.

Hora: 17:30

Lugar: Alameda de Santiago

Agardamos a túa presenza.

Mitin Esquerda Unida - Os Verdes en Ribeira

2011-11-10T23:05:00.002+01:00

Esquerda Unida - Os Verdes levará a cabo un mitin explicando os eixos programáticos cos que se presenta a estas eleccións xerais de 2011.

Data: sábado 12 de novembro.

Hora: 13:00

Lugar: Palco da música (malecón) en Ribeira

Presentará:

Xabier Ron, coordinador de EU Compostela e membro da executiva nacional de Esquerda Unida.

Intervirán:

Manolo González: membro de Esquerda Unida no Barbanza

Suso Díaz: cabeza de lista ó Senado

Mariluz Canal: cabeza de lista ó Congreso

Agardamos a túa presenza

Mitin Esquerda Unida - Os Verdes no CSC do Ensanche

2011-11-08T11:33:00.000+01:00

Esquerda Unida - Os Verdes levará a cabo un mitin explicando os eixos programáticos cos que se presenta a estas eleccións xerais de 2011.

Data: xoves 10 de novembro.

Hora: 20:00

Lugar: CSC do Ensanche na rúa Frei Rosendo Salvado 14-16

Presentará:

Xabier Ron, coordinador de EU Compostela e membro da executiva nacional de Esquerda Unida.

Intervirán:

María Rozas: candidata ó Cogreso representando a Compostela

Suso Díaz: cabeza de lista ó Senado

Mariluz Canal: cabeza de lista ó Congreso

Agardamos a túa presenza

Comunicado inicio de campaña electoral

2011-11-02T15:47:00.003+01:00

Na noite que leva doxoves 3 ao venres 4 de novembro de 2011 iniciarase unha das campañas electoraismáis decisivas para a cidadanía: seguir a expensas dos ditados dos donos docapital e dos mercados financeiros ou sacudirse ese dominio e comezar aafortalar as políticas sociais ao mesmo tempo que recuperamos a economía real eprodutiva.

Con ese desexotraballa Esquerda Unida Compostela, porque, tal como se demostrou nas vindeirasmunicipais de maio de 2011, cada vez máis persoas confian no programa deEsquerda Unida, un programa alternativo, que non se resigna a vivir na negrurae no medo que é do que vive hoxe a oligarquía financeira.

Co obxectivo deacadarmos ter un grupo forte em Madrid, quen de defender os intereses da clasetraballadora galega, nunha lista encabezada por María Luz Canal Paz, aagrupación comarcal de Esquerda Unida Compostela figura representada nas listaselectorais ao Congreso por Maria Rozas, Antonio Olives (independente), CeliaFernández e Miguel Angel Touriño (suplente); pola súa banda, Eduardo de RojasRebolledo (independente) e Marta Marroquín representarán á nosa agrupación naslistas polo Senado.

Está previsto que acabeza de lista pola provincia de A Coruña, María Luz Canal, estea no actocentral que Esquerda Unida Compostela desenvolverá no Centro Sociocultural doEnsanche entre as 19h e as 21h, acompañada por María Rozas (nº 3 ao Congreso),por Esther López, deputada no País Valenciá e que foi responsable de mocidadeen Madrid, e por Xabier Ron, coordinador comarcal de Esquerda Unida Compostela.

Moción Administración electrónica

2011-10-28T11:27:00.000+02:00

O Consello Comarcal de Esquerda Unida Compostela presenta unha nova moción, nesta ocasión para garantir o acceso á información municipal e facilitar a necesaria participación cidadá requerimos a mellora da Administración electrónica no Concello.

Aquí tedes o texto da moción presentada:

A Lei 11/2007, do 22 de xuño, de acceso electrónico dos cidadáns aos Servizos Públicos, ten coma obxectivo recoñecer e garantir o dereito da cidadanía a relacionarse por medios electrónicos coas Administracións Públicas.

Consiste en utilizar as novas tecnoloxías para facilitar a comunicación entre a veciñanza e a Administración e axilizar os procedementos administrativos. En definitiva, trátase de que o maior número de trámites administrativos se poidan realizar a través de Internet, evitando desprazamentos, colas innecesarias, gastos telefónicos e absentismo laboral.

Unha implantación plena da Administración electrónica é beneficiosa para o cidadán, ao permitir unha maior facilidade nas súas relacións coa Administración, mellorando a xestión municipal e reducindo custos para o Concello.

Na carpeta cidadá da páxina web do Concello de Compostela nótase en falta poder realizar certos trámites de forma electrónica como: solicitude de modificación de datos no padrón de habitantes, solicitude de cita con persoal do concello, solicitude de recollidas de mobles, solicitude de autorización de ocupación de vía publica, etc.

Do mesmo modo consideramos necesario informar aos composteláns e compostelás, máis ás pequenas empresas, das novidades no ámbito de TIC do Concello de Santiago de Compostela para difundir o seu uso, sendo un lugar especialmente oportuno para divulgar dita información serían as instalacións onde actualmente se prestan estes servizos de forma convencional.

Por todo isto o Consello Comarcal de Esquerda Unida Compostela propón ao Pleno do concello de Santiago a seguinte proposta de

ACORDOS

Primeiro.- Ofrecer a cidadanía a posibilidade de realizar o maior número de trámites administrativos a través da rede.

Segundo.- Desenvolver unha campaña informativa para difundir o seu uso.

Concentración en Defensa da Sanidade Pública

2011-10-25T13:47:00.002+02:00

Esquerda Unida Compostela, integrante da Plataforma en Defensa da Sanidade Pública da área sanitaria de Santiago, anima a participar na concentración que se levará cabo o vindeiro xoves, día 27, ás 20:00 na Praza do Toural contra os recortes sanitarios.

Moción transparencia de datos

2011-10-20T11:10:00.000+02:00

O Consello Comarcal de Esquerda Unida Compostela presenta unha nova moción, nesta ocasión pedimos o Concello que comparta tódolos datos que sexan posibles cos cidadáns, organizacións e outras administracións, nun paso máis que se debe dar para favorecer a tan necesaria participación cidadá na vida municipal.

Aquí tedes o texto da moción:

Os Concellos deben outorgar gran importancia á participación activa de cidadáns e cidadás tendo en conta as súas ideas, suxestións, apoio material e impulso creativo.

Os Concellos deben modernizarse empregando tecnoloxías innovadoras, accesibles e abertas, que permitan unha transparencia total. Este Concello, como todos, ten unha gran cantidade de datos, cuxo valor podería estenderse enormemente se foran accesibles do modo máis libre posible dentro do concepto de datos abertos (open data).

A Lei Orgánica de Protección de Datos, así como a xurisprudencia relevante, normalizan perfectamente a publicación activa online de información e datos reusables, e a Comisión Europea promove moi activamente e actúa de acordo a esta norma nos estados membros.

O acceso público dos datos a través da Web mellora a comunicación coa cidadanía, reforza a imaxe do Concello respecto a creatividade, innovación e mellora os servizos públicos, permitindo ás persoas organizarse, derivando nunha participación máis intensa e cohesión social.

A disposición dos datos baixo licenza libre permite á cidadanía empregar estes datos para propósitos diversos, contribuíndo desta maneira a actividades económicas, xeradoras de emprego e sostibles. A publicación on-line activa de todos os datos aporta un impulso positivo, innovador e construtivo a tódalas áreas da política municipal.

Por todo isto o Consello Comarcal de Esquerda Unida Compostela propón ao Pleno do concello de Santiago a seguinte proposta de

ACORDOS

Primeiro.- Que o Concello comparta cos cidadáns, organizacións e outras administracións públicas, todos os datos que sexan posible, mantendo a protección dos datos persoais e a seguridade nacional, en forma reusable e lexible automaticamente e accesible baixo modelos de estándares abertos, segundo obriga o Real Decreto 4/2010, de 8 de xaneiro, polo que se regula o Esquema Nacional de Interoperabilidade no ámbito da Administración Electrónica.

Segundo.- Que se realice un plan de acción concreto que conteña:

1.- A publicación inmediata de todos os datos do Concello baixo formatos abertos, segundo o establecido no Real Decreto 4/2010 antes mencionado e cunha licenza de datos que permita o seu libre acceso e uso á cidadanía.

2.- A indexación destes datos, e a súa publicación en modo reutilizable, empregando estándares, interfaces e formatos abertos, facilitando así a búsqueda no contido publicado.

3.- A garantía de que os datos recabados por terceiras partes para o Concello ( contratas, conselleiros externos, etc) se aporten sen limitacións de licenza, en formatos e estándares abertos e sen restricións de copyright, salvo que sexa imprescindible por mor de outros requisitos legais.

4.- A publicación de todos os datos nunha sección específica da Web do Concello, comezando por aqueles nos que non pesen cuestións legais obvias, para que se poida realizar con gran facilidade e coa infraestrutura técnica dispoñible actualmente.

5.- Que os primeiros datos publicados sexan a relación de obras, contratas e ofertas de emprego adxudicadas polo Concello, así como o orde do día, as actas dos plenos e as mocións presentadas no mesmo, de modo que estes datos sexan accesibles ao público no Concello mentres non se dispoñan publicamente on-line na páxina Web.

6.- Que se xenere unha lista cos datos que estarán dispoñibles para a súa consulta.

Encontro aberto da área de mocidade de EU

2011-10-18T11:25:00.000+02:00

A área de mocidade de Esquerda Unida Compostela levará a cabo un encontro aberto o vindeiro xoves, día 20, ás 19:00 no CSC do Ensanche, rúa Frei Rosendo Salvado 14-16, coa seguinte orde do día:

1. Elección Xerais 2011

1.1 Presentación das propostas electorais en mateira de xuventude

1.2 Propostas para campaña nova

2. Propostas de traballo municipal

3. Varios

Moción Orzamentos Participativos

2011-10-14T11:08:00.000+02:00

O Consello Comarcal de Esquerda Unida Compostela presenta unha nova moción, nesta ocasión, reiterando a nosa defensa da Democracia Participativa e Directa, requerimos ó Concello que leve a cabo as xestión pertinentes para acadar o antes posible os Orzamentos Participativos.

A continuación tedes o texto da moción:

Os Orzamentos Participativos supoñen unha aposta innovadora de co-xestión pública cidadá que propugna como principio básico a Democracia Directa para a planificación comunitaria dos recursos públicos municipais, teñen como obxectivo principal xerar un espazo cidadá de debate e decisión.

Os Orzamentos Participativos no só teñen como obxectivo decidir parte do Orzamento Municipal senón que ademais acadan:

- Promover que a cidadanía sexa protagonista activa do que ocorre na cidade e non simple observadora dos acontecementos e decisións.

- A búsqueda conxunta de soluciones que se correspondan coas necesidades e desexos reais das persoa que viven na cidade.

- Promover a transparencia das decisións e coñecer os procedementos administrativos e o funcionamento interno do Concello.

- Crear espazos de diálogo e toma de decisións entre a cidadanía, os políticos e políticas e os técnicos da administración, que permitan construír, cun sentido comunitario, unha cidade máis xusta e igualitaria

A posta en marcha dos Orzamentos Participativos na cidade foi, é e será un dos puntos esenciais do noso programa electoral, no que se establece unha Oficina de Orzamentos Participativos, que forme á cidadanía na elaboración dos orzamentos e recollida de propostas para o seu traslado ó Pleno.

Por todo isto o Consello Comarcal de Esquerda Unida Compostela propón ao Pleno do concello de Santiago a seguinte proposta de

ACORDOS

Primeiro.- Celebración dunhas Xornadas de Formación para as Asociacións e Veciñanza sobre o funcionamento, características e elaboración do Orzamento Municipal.

Segundo. Creación dunha Oficina de Orzamentos Participativos.

Terceiro. Poñer a disposición dos Orzamentos Participativos un mínimo do 25% do Orzamento de Inversións do Concello para que a cidadanía decida onde debe gastarse.

Pregunta recinto ferial Amio

2011-10-10T12:14:00.003+02:00

O Consello Comarcal de EU Compostela presenta unha nova pregunta, nesta ocasión sobre o recinto ferial de Amio.

A continuación tedes o texto da pregunta:

O Consello Comarcal de Esquerda Unida Compostela defende un cambio de sistema, deste depredador de recursos naturais e humanos, cara un que sexa respectuoso co medioambiente e sustentable social e economicamente. Un dos seus eixos fundamentais debe ser a existencia de canles curtas de comercialización que eviten os longos desprazamentos.

Neste sentido, na nosa cidade, estase producindo unha discusión sobre o futuro do recinto ferial de Amio, na que criticamos o cariz escasamente participativo e comunicativo, no que semella será unha das constantes do actual equipo de goberno. O posicionamento de Esquerda Unida Compostela, tendo en conta os escasos argumentos aducidos polo equipo de goberno, é contrario ao traslado a Silleda, que, como todo apunta, semella ser a única opción que quere manexar o PP compostelá.

Poñendo de relevo que calquera decisión que se adopte, debe ser en defensa da continuidade da feira de gando tal e como se estaba a realizar, o Consello Comarcal de Esquerda Unida Compostela considera necesario realizar as melloras pertinentes no recinto de Amio para que teña un mellor e correcto funcionamento.

No caso de que os gobernadores actuais porfíen en trasladar as feiras de Amio a Silleda, o que si esiximos é que non aconteza o mesmo que co antigo edificio do Hospital Xeral, isto é, que permanza nunha situación de abandono unha instalación que se pode aproveitar en beneficio da cidadanía.

Por todo isto a agrupación comarcal de Esquerda Unida realiza as seguintes preguntas para a súa resposta por escrito:

1) Cales son as intencións do Concello con respecto á celebración da feira de gando que se celebra no recinto ferial de Amio? Por que non mellora dita instalación para evitar que Compostela perda este espazo gandeiro?

2) Ten previsto o Concello algunha utilidade pública para esta instalación se decide trasladar a Silleda a feira agrogandeira?

Pregunta sobre o uso do antigo Hospital Xeral.

2011-10-07T13:22:00.003+02:00

O Consello Comarcal de Esquerda Unida Compostela presentou unha nova pregunta, nesta ocasión requerimos saber que uso promoverá o actual equipo de goberno para as antigas instalacións do Hospital Xeral en Galeras.

A continuación tedes o texto da pregunta:

O Consello Comarcal de Esquerda Unida Compostela considera que unha das labores fundamentais de calquera goberno local é a de ofrecer ou velar porque se ofrezan servizos, de titularidade e xestión pública, que se encamiñen a satisfacer as necesidades das persoas.

Como xa reflectimos con anterioridade, EU considera que tanto o anterior equipo de goberno como o actual está a perder a oportunidade coas antigas instalacións do Hospital Xeral en Galeras de realizar os esforzos necesarios para utilizalas para o beneficio da cidadanía, e non proseguir coa deriva especulativa do ladrillo que se lle está a dar a estes terreos.

Dado que os terreos son propiedade da USC, consideramos que o actual equipo de goberno debe levar a cabo as xestións pertinentes para colaborar con esta institución e, co apoio da Xunta se fora necesario, empregar esta instalación para algún dos servizos que a cidadanía reclama, propoñendo dende o Consello Comarcal de Esquerda Unida o seu uso como residencia universitaria, de titularidade e xestión pública.

Por todo isto a agrupación comarcal de Esquerda Unida realiza as seguintes preguntas para a súa resposta por escrito:

1) Ten previsto o Concello de Santiago levar a cabo as xestións pertinentes para colaborar coa USC na conversión do antigo hospital nunha residencia universitaria?

2) Ten previsto o Concello algunha outra utilidade pública (residencia para maiores...) para estas instalacións?

3) Permitirá o Concello que se utilicen estes terreos unicamente para actuacións urbanísticas privadas?

Mellorar a mobilidade en Santiago

2011-10-03T13:27:00.002+02:00

ESQUERDA UNIDA COMPOSTELA MANIFESTA, UNHA VEZ MÁIS, A NECESIDADE DUN PLAN GLOBAL DE MOBILIDADE SUSTENTABLE ECONOMICA E MEDIOAMBIENTALMENTE.

O CONSELLO COMARCAL DE EU CRITICA A IMPROVISACIÓN E DEIXADEZ QUE O GOBERNO LOCAL DO PP MOSTRA NESTE EIDO

Esquerda Unida Compostela reitera o seu posicionamento, claramente reflictido no seu programa electoral, en defensa dun transporte público que vertebre e cohesione a cidade e os seu arredores.

Esiximos ao actual goberno do PP, como xa fixeramos co anterior do PSdG e BNG, que non deixe no esquecemento o necesario proxecto do tren de proximidade, e impulse unha estación intermodal, mais aló da inevitable chegada do AVE, na que se integre o transporte ferroviario de proximidade e media distancia, co transporte público en autobús tanto para fóra da cidade como o urbano.

Dende o Consello Comarcal de Esquerda Unida Compostela consideramos que as magnas obras en infraestruturas non só non solucionan o problema, que é o elevado uso do vehículo privado, cos custos medioambientais e enerxéticos que provoca, senón que constitúen un verdadeiro efecto chamada para o uso do vehículo privado que, amais do inxente gasto de cartos públicos, só conseguen trasladar o problema do tráfico rodado dun punto a outro da cidade, como claramente se reflicte na ocorrencia do actual goberno local de “suprimir” con barreiras de plástico e metal unha rotonda na que desemboca o tráfico dese custoso túnel que, como moito, conseguiu aliviar o tránsito nun punto da cidade pero que claramente se mostra ineficaz como solución a este problema.

Por todo isto dende EU Compostela volvemos a reclamar que calquera medida que se tome na cidade para solucionar o problema do tráfico rodado ten que ir encamiñada a conseguir a diminución deste tráfico, non a que transite por outros puntos da cidade, polo que demandamos, por enésima vez, que contando coa participación veciñal e de asociacións se leve a cabo a elaboración dun plan global de mobilidade, que abranga dende o tren até a bici, e que, ademais de ser sustentable economica e medioambiental, consiga o cambio que Santiago precisa.

Outubro 2011

Convocatoria de asemblea aberta de EU Compostela

2011-09-25T20:21:00.002+02:00

Dende o Consello Comarcal de Esquerda Unida convocamos os veciños e veciñas á vindeira asemblea comarcal que teremos o xoves, día 29, ás 20:15 horas, sendo neste caso no Centro Sociocultural de Fontiñas, sito na R/ Berlin, s/n, co seguinte orde.

1. Debate e participación, tendo como referencia os materiais entregados no adxunto.

2. Designación de elixibles para o Congreso (2 por Compostela) e para o Senado (1)

3. Designación membro da afiliación para ir á Asemblea Aberta de Madrid.

4. Varios

A continuación vai un pequeno relatorio do porqué desta asamblea no CSC de Fontiñas

ESQUERDA UNIDA APOSTA POR UNHA CONVOCATORIA SOCIAL COMO MECANISMO DE APERTURA E PARTICIPACIÓN DAS PERSOAS NOS ASUNTOS QUE MÁIS LLES AFECTAN. A TAL FIN, QUEREMOS POÑER EN MARCHA UN ENCONTRO, BAIXO FORMA DE ASEMBLEA ABERTA, COA SOCIEDADE ORGANIZADA E CON CIDADÁNS E CIDADÁS A TÍTULO INDIVIDUAL, QUE QUEIRAN CONTRIBUÍR Á CONSTRUCIÓN DUN BLOQUE SOCIAL ALTERNATIVO AO CAPITALISMO SALVAXE IMPERANTE.

DENDE ESTA REALIDADE, ESTAMOS CERTOS DA NECESIDADE DE ENFRONTAR O NEOLIBERALISMO E DE CONCRETAR UN PROGRAMA SOCIAL ALTERNATIVO PARA OS MILLÓNS DE MULLERES E HOMES QUE PADECEN AS SÚAS CONSECUENCIAS. UN PROGRAMA QUE AMOSE QUE É POSIBLE AVANZAR NAS CONQUISTAS SOCIAIS E RECONSTRUÍR A ARELA DUNHA EUROPA SOCIAL, DEMOCRÁTICA E EQUITATIVA.

PARA ISO, PROPOÑEMOS COMO DATA O XOVES 29 DE SETEMBRO DE 2011 COMO DÍA PARA INICIAR ESE ESPAZO DE ENCONTRO ABERTO E PLURAL. SERÁ NO CENTRO SOCIOCULTURAL DE AS FONTIÑAS, A PARTIR DAS 20:15 HORAS. COMO GUIÓN PARA A DISCUSIÓN PROGRAMÁTICA REMITÍMOSVOS DOUS DOCUMENTOS, O DAS 25 PROPOSTAS PARA CONSTRUÍRMOS UN NOVO PAÍS, E O DAS 6 REVOLUCIÓNS. SOBRE ESTES DOCUMENTOS PODE XIRAR A ASEMBLEA E ENTRE TODOS E TODAS ACHEGAR O NOSO GRÁN DE AREA PARA A CONFIGURACIÓN DUN HORIZONTE EMANCIPADOR.

Agardando poder contar coa túa participación, recibe un cordial saúdo.

O Consello Comarcal

Xestión comedores escolares

2011-06-21T17:01:00.003+02:00

ESQUERDA UNIDA COMPOSTELA RATIFÍCASE NA SÚA DEFENSA DE QUE OS SERVIZOS COMPLEMENTARIOS NOS CENTROS DE ENSINO DEBEN ESTAR XESTIONADOS POLAS ADMINISTRACIÓNS PÚBLICAS.

O CONSELLO COMARCAL DE ESQUERDA UNIDA COMPARTE AS REIVINDICACIÓNS SOBRE OS COMEDORES ESCOLARES DAS ANPAS DOS CENTROS PÚBLICOS DE SANTIAGO.

Esquerda Unida, como demostrou no ambicioso programa electoral presentado nas pasadas eleccións municipais, defende que o concello debe contribuír ó benestar da cidadanía prestando ou velando porque se presten os servizos, de titularidade e xestión pública, que os veciños e veciñas demandan.

Como xa expresara con anterioridade, o Consello Comarcal de Esquerda Unida Compostela ratificase en que a xestión dos comedores escolares non pode repousar nas ANPAS, sendo as administracións públicas pertinentes as que se deben ocupar de prestar este necesario servizo, que cumpre unha importante función social e a súa provisión non pode ser desigual en base a criterios economicistas ou en base á ratio de alumnos e alumnas do centro educativo.

Por todo isto EU Compostela comparte as reivindicacións da Federación de Asociacións de nais e pais de centros públicos de Santiago e esixe ó próximo equipo de goberno da cidade, probablemente do mesmo partido que rexe na Xunta de Galicia, que leve a cabo as medidas necesarias para atallar este problema, evitando que se volvan dar situacións como a dimisión da ANPA de Pío XII, acontecida no mes de abril.

Transporte público VS novas infraestruturas

2011-06-16T13:40:00.003+02:00

ESQUERDA UNIDA COMPOSTELA DEMANDA UN PLAN GLOBAL DE MOBILIDADE SUSTENTABLE ECONÓMICA E MEDIOAMBIENTALMENTE .

O CONSELLO COMARCAL DE ESQUERDA UNIDA RATIFÍCASE EN QUE NOVAS INFRAESTRUTURAS NON SOLUCIONAN O PROBLEMA DO TRÁFICO NA CIDADE .

Esquerda Unida Compostela levou como unha da propostas máis importantes no seu programa electoral, a elaboración, coa necesaria participación cidadá, dun Plan Global de Mobilidade Sustentable económica e medioambientalmente.

Proposta que o anterior equipo de goberno non escoitou, manténdose firme na súa postura de levar a cabo custosas infraestruturas ás que se viron abocados para evitar o colapso da cidade, pero que son ineficaces porque simplemente trasladan o problema a outro punto da cidade e sirve como efecto chamada aumentando o tráfico rodado en vehículos privados, co conseguinte problema ecolóxico e enerxético que isto supón.

Mais, por desgraza, o Consello Comarcal de Esquerda Unida Compostela comproba que o previsible partido que se encargue de rexer o concello nos vindeiros catro anos, comparte plenamente esta nefasta e insustentable política de infraestruturas e non a necesaria e xusta política de servizos acorde as necesidades da cidadanía. Pois vanaglórianse de acadar o beneplácito do senado para unha nova obra que persiste na perpetuación do sistema económico baseado no ladrillo, asfalto neste caso, e que non atallará a problemática que supón o tráfico nesta cidade.

Por suposto tal e como di a senadora do PP, María Jesús Sáinz «De poco ha servido la obra del túnel que se acaba de poner en funcionamiento si no se resuelve el colapso que se ha trasladado a la glorieta de Conxo», aspecto que acredita a necesidade, unha e outra vez demandada por EU Compostela, de abrir un debate cos distintos colectivos da cidade, asociación veciñais, grupos ecoloxistas e demais, para artellar as medidas necesarias para conseguir unha cidade máis cohesionada socialmente grazas o transporte público.

Por todo isto o Consello Comarcal de Esquerda Unida Compostela demanda que o futuro equipo de goberno atenda as necesidades da cidadanía e traballe, contando co apoio de EU, por ese Plan Global de Mobilidade Sustentable, que abranga dende o tren de proximidade ata un plan director da bici, sempre desde unha premisa de servizo público.

Uso público do antigo Hospital Xeral

2011-06-15T18:58:00.001+02:00

O CONSELLO COMARCAL DE EU COMPOSTELA PROPÓN QUE O ANTIGO EDIFICIO DO HOSPITAL XERAL TEÑA UN USO PÚBLICO.

EU COMPOSTELA CRITICA A DESIDIA MOSTRADA POLAS DISTINTAS ADMINISTRACIÓNS PÚBLICAS.

O Consello Comarcal de Esquerda Unida Compostela considera necesario aproveitar as instalacións do antigo Hospital Xeral para prestar os servizos, de titularidade e xestión pública, que a cidadanía demanda.

En primeiro lugar EU Compostela quere manifestar a súa preocupación pola inaceptable desidia mostrada polas distintas administracións públicas, que deixaron esmorecer un edificio provocando, ademais da mala imaxe de abandono e deterioro, tanto o malestar da cidadanía que ve como se desaproveitou, por completo, calquera posibilidade de utilizar estas instalación en beneficio da sociedade como a súa indignación ó comprobar que o concello permite a ruína de edificios públicos sen levar a cabo as xestións que si realiza con outros edificios, obrigando ós propietario a rehabilitalos.

O Consello Comarcal de EU Compostela sempre apoiou o uso público destas instalacións, como por exemplo a súa conversión nunha residencia para persoa maiores, cubrindo unha necesidade cada vez maior tanto neste concello como nos concello limítrofes.

Tamén, dada a ubicación próxima a ambos campus universitarios, unha proposta que EU valora positivamente é a súa adecuación como residencia universitaria, dado que sería un proxecto que beneficiaria a familias de toda Galicia, que para facilitar os estudos universitarios dos seus fillos e fillas vense abocadas o gravoso gasto que supón o aluguer nesta cidade

Por suposto a opción que atopara a oposición frontal de Esquerda Unida sería, utilizando como escusa o estado case ruinoso deste edificio, a de optar pola venta desta parcela coa única premisa de perpetuar a especulación urbanística causante desta crise económica.

Por todo isto o Consello Comarcal de Esquerda Unida Compostela esixirá ó futuro equipo de goberno que realice as xestións pertinentes para velar polos intereses da cidadanía, e non do capital especulador, promovendo, coa debida participación cidadá, algunha utilidade pública para estas instalacións.

Conde Roa e as súas "propostas"

2011-06-13T18:45:00.002+02:00

O CONSELLO COMARCAL DE EU COMPOSTELA CONSIDERA QUE AS ACUSACIÓNS DE CONDE ROA SOBRE A DÉBEDA DO CONCELLO SON A XUSTIFICACIÓN QUE NECESITA O PP PARA LEVAR A CABO A SÚA POLÍTICA DE RECORTES.

EU COMPOSTELA CRITICA A FALTA DE ÉTICA DE CONDE ROA AO VERTER ACUSACIÓNS SOBRE A DESTRUCIÓN DE FACTURAS BASEÁNDOSE EN “RUMORES” .

O Consello Comarcal de Esquerda Unida Compostela tiña a intención de respectar os protocolarios cen días de xestión do equipo de goberno, que, logo da decisión xudicial, sexa o encargado de gobernar en Raxoi, para comezar o cometido, avalado por máis de 1900 persoas, de fiscalizar dita xestión e propoñer medidas para mellorar a calidade de vida das persoas que fan vida no noso concello desde parámetros de esquerdas.

Mais, o que probablemente será futuro alcalde de Santiago, Gerardo Conde Roa, non necesitou dese prazo para ratificar as nosas sospeitas sobre o que lle agarda ao noso concello en materia de servizos. En efecto, emulando o comportamento de Feijóo unha vez chegado ao goberno da Xunta de Galicia, unha das primeiras “propostas” de Conde Roa é a acusación, sen máis proba que a súa palabra baseada en “rumores”, sobre débedas e buratos económicos no Concello de Compostela. Argumentos que quere inocular o PP de Conde Roa no imaxinario da sociedade compostelá para, aproveitando dita circunstancia, aplicar a austeridade neoliberal e realizar unha política de recortes e marcadamente antisocial e clientelar.

Desde EU Compostela consideramos que a decencia, que a un cargo público se lle esixe, non permite utilizar “rumores” sobre “trasgos que destrúen papeis” para criticar o aínda actual equipo de goberno en funcións, pois estas verbas non fan máis que demostrar a escasa valía do proxecto do señor Conde Roa para Santiago, chea de confrontación gratuita e demagoxia.

Por todo isto Esquerda Unida Compostela quere ratificar o seu compromiso de realizar nos vindeiros catro anos un traballo serio e honesto, desde as rúas, reuníndose cos veciños e veciñas, elevando ao Pleno do concello propostas e non ocorrencias, defendendo dende o respecto o seu ideario de Esquerda Alternativa e Transformadora.

Asemblea comarcal de Esquerda Unida

2011-06-09T10:05:00.000+02:00

EU levará a cabo o venres 10 unha nova asemblea comarcal coa seguinte orde do día:

1. Valoración do resultado electoral.
2. Informe do Coordinador Comarcal e tamén do Consello Político Nacional (CPN).
3. Traballo a realizar nestos vindeiros meses.
4. Varios.

Convocatoria do Foro Galego de Inmigración

2011-05-26T10:03:00.005+02:00

Dende Esquerda Unida Compostela queremos animarvos a participar na seguinte convocatoria realizado polo FGI.

FORO GALEGO DE INMIGRACIÓN

CONVOCATORIA PARA PARTICIPAR NO ACTO CENTRAL DA:

VI ASEMBLEA GALEGA DE INMIGRACIÓN E EMIGRACIÓN DE RETORNO. Santiago de Compostela, 29 de Maio de 2011

MARCHA E ACTO PÚBLICO BAIXO O LEMA: ”NINGUÉN SOBRA NUNHA CRISE”

Con saída ás 13: 15h do Instituto Xelmirez I ( Rúa Poza de Bar no Campús Sur) para despois de percorrer diferentes rúas da cidade, rematar cunha Concentración con lectura dun Manifesto Revindicativo ás 14:00 h na Praza do Toural .

SÚMATE, PARTICIPA E DIFUNDE

FORO GALEGO DE INMIGRACIÓN
Rúa San Roque 6-bis. C.P. 15704 - Santiago de Compostela
foroinmigracionsantiago@yahoo.es - 981-576 142
http://www.forogi.wordpress.com/

Reforma lei electoral

2011-05-24T12:06:00.003+02:00

ESQUERDA UNIDA COMPOSTELA ESTARÍA NO CONCELLO DE SANTIAGO CUNHA LEI ELECTORAL XUSTA

EU COMPOSTELA ESIXE A REFORMA DA LEI ELECTORAL

Esquerda Unida Compostela lamenta profundamente que se silencie a voz expresada nas furnas por 1906 persoas, cunha lei electoral que impide que a pluralidade da rúa se reflicta nas institucións.

Con estes mesmos resultados, pero cunha lei que non discrimine obrigando a alcanzar un arbitrario 5% dos votos para que as persoas que expresaron a súa vontade nas furnas “conten” a hora de designar concelleiros e concelleiras, Esquerda Unida estaría no concello de Santiago, representada por Xabier Ron.

O resultado, sen artimañas ideadas polo PP e PSOE para conseguir o ansiado bipartidismo, sería:

PP: 12 concelleiros/as
PSdG: 9 concelleiros/as
BNG: 3 concelleiros/as
ESQUERDA UNIDA: 1 CONCELLEIRO

Por todo isto, en primeiro lugar, EU Compostela ratifícase no seu compromiso de seguir traballando, como até o de agora, dende as rúas, cos veciños e veciñas, para acadar que a voz da esquerda Alternativa e Transformadora chegue a Raxoi.

Por último, se en verdade hai vontade de acadar una democracia real e plural, Esquerda Unida Compostela reclama una reforma da lei electoral que, como mínimo, suprima o inxusto e inxustificado solo do 5% para que a vontade da persoas expresada nas furnas sexa escoitada, propoñendo que como máximo se fixe no 3%.

A continuación tedes os enlaces ó documento excell e pdf, onde reflexamos como aplicando, como se aplicou, a lei D'Hont pero sen inxusto e inxustificable solo do 5% Esquerda Unida estaría no concello.
https://spreadsheets.google.com/spreadsheet/ccc?key=0AtRLCjgODaVxdFRYaGVZVG9IU19lQTNFekhhRGRVbkE&hl=en_US

https://docs.google.com/viewer?a=v&pid=explorer&chrome=true&srcid=0B9RLCjgODaVxZDdmNWEzZTYtZTkwNS00NWUwLWJmNWUtOGZmYjhhMmJlY2Rl&hl=en_US

Valoración resultados electorais

2011-05-23T11:49:00.001+02:00

ESQUERDA UNIDA COMPOSTELA VALORA POSITIVAMENTE O RESULTADO ACADADO NESTAS MUNICIPAIS.

UNHA VEZ MÁIS A INXUSTA LEI ELECTORAL EVITA QUE A PLURALIDADE DA SOCIEDADE SE REFLICTA NAS INSTITUCIÓNS.

Esquerda Unida Compostela agradece ás 1906 persoas a confianza depositada nesta organización, acreditando o progresivo crecemento de EU na cidade de Santiago, pois dos 242 votos en 1999, pasouse a 590 no 2003 chegando até 1119 no 2007, o que reflicte, sen lugar a dúbida, que Esquerda Unida está traballando de forma seria e que, de seguirmos así, levaremos a voz da esquerda Alternativa e Transformadora ao concello na vindeiras municipais.

Unha vez máis hai que facer fincapé que a inxusta lei electoral impide que se cumpra o axioma de unha persoa un voto, pois os datos amosan que, según a lei D’Hont, o conselleiro/a número 11 do PP acadárono con 1879 votos, o 12 con 1732 e o 13 con 1599 e o PSdG acadou o seu conselleiro/a número 8 con 1858 e o 9 con 1652, en cambio as 1906 persoas que votaron a EU comproban que se silencia a súa voz porque non lle interesa ao capital ter unha democracia plural.

Silencio que non pode nin debe chegar ós medios de comunicación, pois este 4% da cidadanía que expresou o seu apoio ó proxecto de EU para Santiago ten que comprobar que o traballo que se realizará a partir de agora conta con ese respeto a pluralidade que debe rexer nos medios de comunicación da cidade.

Tamén salientar que entre votos nulos e en branco, chegamos a un abultado 5,87 %. Neste sentido, o 3,87 % de votos en branco (1.834 votos) repercutiu de forma moi negativa na nosa organización, xa que no reconto beneficia ás forzas maioritarias e impediu que puidesemos chegar ao 5% desexado.

No tocante ao resultado electoral acontecido na cidade, EU, dende o debido respeto á decisión da maioría, lamenta o resultado obtido polo PP, xa que, de seguro, e en base ao que ten demostrado Feijóo desde o goberno da Xunta, proseguirán as políticas de recurte e de degradación do carácter público dos servizos.

Por último manifestar que Esquerda Unida Compostela proseguirá o seu traballo dende as rúas de Santiago para mellorar a cidade, estando cos veciños e veciñas da cidade sempre que sexa necesario, manténdose firme na defensa das persoas por riba dos mercados.

SEGUEMENTO DA XORNADA NA SEDE COMARCAL EN FONTIÑAS

2011-05-22T13:16:00.004+02:00

Hoxe, domingo 22 de maio

a partir das 19h30,

estaremos na nosa sede comarcal

na rúa Dublín (8, baixo dta) no barrio das Fontiñas

para seguir os resultados desta xornada electoral

por suposto

estades convidados e convidadas a achegarvos

CARTA DE XABIER RON Á CIDADANÍA

2011-05-20T21:27:00.002+02:00

QUE MÁIS TEN QUE PASAR?
QUE A VOSA INDIGNACIÓN SE CONVIRTA NUN VOTO ÚTIL PARA DEFENDER OS VOSOS DEREITOS, NUN VOTO A ESQUERDA UNIDA

Xa está. A campaña electoral rematou. Procuramos dar a coñecer as nosas propostas con forza e moito traballo. Traballo non sempre publicitado polos medios de comunicación máis interesados en divulgar unha falsa imaxe de bipartidismo (nunha cara da moeda, a rancia política da dereita; na outra cara da moeda, os que, co sorriso, aplican as mesmas políticas neoliberais).

Mais, da mesma forma que fixemos ao longo destes catro anos desde as rúas, presentando iniciativas para que o equipo de goberno, nestes 15 días pateamos as rúas do concello, as dos barrios e as das parroquias, entregando en man o díptico e conversando coas xentes do lugar.

Hai fartura. A xente está cansa dos mesmos xestos, das mesmas prácticas.

Nós, Esquerda Unida Compostela, estamos convencidos que, se entramos, entra con nós o pobo. Nós teremos aberta a nosa porta para os veciños e veciñas. Nós escoitaremos as suxestións veciñais e defenderemos, respectando, loxicamente, os nosos principios ideolóxicos e o noso programa, as vosas propostas no Concello. Abonda xa de ollar por riba do ombreiro desde o balcón do pazo de Raxoi. Nós queremos igualdade, unha ollada fronte a fronte, en diálogo constante con vós, veciños e veciñas de Compostela.

Hai desencanto. Sabémolo ben. Porque nós levamos loitando todo este tempo contra as políticas que o provocaron. Nós enfrontámonos a todos os recurtes de dereitos que os que nos gobernan consideran inevitable. Falso. Non son inevitables. Evitable é pasear en coches oficiais que valen varios millóns das antigas pesetas. Evitables son as custosas asesorías externas. Evitables son os esaxerados salarios de concelleiros e concelleiras. Evitable foi o desbaldimento de diñeiro público durante a visita papal. Evitables son as privatizacións que sempre ofrecen un servizo máis caro á cidadanía. Si, sabémolo ben. Hai desencanto.

Por iso, eu, Xabier Ron, en tanto que candidato á Alcaldía de Esquerda Unida Compostela, pídovos que ese desencanto se transforme en indignación (que focalicedes ben que son os causantes da desfeita en dereitos) e que esta indignación se transforme nun voto a Esquerda Unida Compostela, o único voto útil pois defendemos sempre primeiro ás persoas. Que máis ten que pasar entón para facelo?

Como dicía o poeta catalán Miquel Martí i Pol, “queda todo por facer, e todo é posible”, pero, para iso, Esquerda Unida precisa do voso apoio.

Apertas
Xabier Ron
Candidato á Alcaldía de Esquerda Unida Compostela.

Vídeos Xabier Ron no mitin no CSC das Cancelas.

2011-05-20T12:15:00.002+02:00

A continuación tedes as dúas primeiras partes da intervención de Xabier Ron no mitin realizado nas Cancelas, onde EU expuso os eixos programáticos cos que se presenta a estas eleccións municipais.

No noso canal Youtube tedes máis vídeos que poden resultar do voso interese.

Valoración final de campaña

2011-05-20T12:09:00.004+02:00

OS CANDIDATOS DE ESQUERDA UNIDA EN AMES, DANIEL PÉREZ AMADOR, E EN COMPOSTELA, XABIER RON, PIDEN QUE A INDIGNACIÓN SE CONVIRTA NUN VOTO A ESQUERDA UNIDA, O ÚNICO VOTO REALMENTE ÚTIL PORQUE DEFENDE ÁS PERSOAS

Esquerda Unida Ames, a través de Danel Pérez Amador, candidato á Alcaldía, e Esquerda Unida Compostela, a través de Xabier Ron, candidato á Alcaldía, realizaron unha valoración da campaña electoral.

Ambos candidatos amosáronse satisfeitos co traballo realizado, pero expresaron as súas críticas ante a nula atención que a maioría dos medios de comunicación dedicaron aos moitos actos realizados: desde roldas de prensa até repartos na rúa pasando por mitins. Denunciaron que os medios e a clase política son os que xogan a crear o bipartidismo ramplón que quere dominar a esfera política. O bipartidismo causante das desgrazas para a clase traballadora.

O mellor de todo foi o contacto directo coas persoas que expresaron o seu descontento coas políticas actuais, centradas en realizar promesas que quedarán no tinteiro das promesas incumpridas até o 2015.

Tanto Daniel Pérez Amador como Xabier Ron insistiron en que tanto en Ames coma en Compostela é preciso rachar co anquilosamento e con prácticas políticas que distancian a cidadanía da clase política. Esquerda Unida preséntase como a única organización política que realmente cre na democracia participativa, que aposta por un modelo público de xestión, que ten propostas para acceder a unha vivenda e a un emprego dignos, que defende os servizos sociais coma un dereito esencial das persoas.

Os dous candidatos apelaron ás persoas que están descontentas para que canalicen ese descontento en indignación, pero que focalicen esa indignación nas siglas políticas que atacaron os seus dereitos sociais, laborais e económicos e que son os que nos desgobernan desde o goberno central, desde o da Xunta e desde os concellos de Ames e Compostela.

Daniel Pérez Amador e Xabier Ron pediron que esa indignación se transforme nun voto útil a Esquerda Unida, a única forza que realmente demostrou nos concellos de Ames e Compostela, desde as rúas, e no goberno central coas nosas iniciativas, que se enfronta aos donos do capital e non se resigna á perda de dereitos. Porque Esquerda Unida pon por riba dos intereses do mercado, ás persoas.

Presentación eixos programáticos sobre o Rural e Ecoloxía.

2011-05-20T11:55:00.006+02:00

ESQUERDA UNIDA COMPOSTELA PRESENTOU AS SÚAS MEDIDAS PARA ACADARMOS UN CONCELLO ECOLÓXICO E O SEU PROXECTO GLOBAL PARA O RURAL COMPOSTELÁN.

Esquerda Unida Compostela comprobou, ao longo das diversas xuntanzas que mantivo, como non se avanzou no proceso de cohesión entre centro urbán e o rural compostelán. Son moitas as carencias existentes en provisión de infraestruturas e servizos elementais: accesibilidade e seguridade viaria; oferta educativa e cultural; espazos de lecer; transporte público; posibilidades de desenvolvemento de nichos de emprego asentados no rural; atención sociosanitaria, etc.

Xabier Ron espuxo os puntos básicos do proxecto global. En primeiro lugar, unha plena integración do rural no proceso de creación da democracia participativa. En segundo lugar, establecer un plan de actuación para a mellora da accesibilidade e seguridade viaria. En terceiro lugar, establecer plans de formación de emprego a través da creación de cooperativas asentadas no traballo agropecuario, na preservación medioambiental e na atención social. Igualmente, a través da Empresa Municipal para a Soberanía Alimentar darlle saída aos produtos de labregos e labregas en feiras e mercados propios. En cuarto lugar, un equilibrio na oferta de servizos educativos. Trátase de afortalar as escolas unitarias existentes no rural e, de ser necesario, crear novas escolas para que se asente poboación. En quinto lugar, cómpre pór en valor a nosa riqueza paisaxística, medioambiental e arquitectónica a través de roteiros que sirvan, ademais de dignificar o noso rural, para promover un turismo de baixa intensidade. Finalmente, que as novas tecnoloxías (rede de internet) sexa accesible en todo o rural para que podan desenvolver as súas tarefas administrativas evitando penosos desprazamentos.

Desde o punto de vista ecolóxico, Esquerda Unida basea as súas propostas no principio de planificación de cara a unha sustentabilidade social, territorial, económica e ambiental. A insustentabilidade actual concrétase nunha falta absoluta de criterios conservacionistas e sociais na ordenación do territorio, un crecemento desmesurado do uso de fontes enerxéticas sucias, non renovables e con elevado risco para a saúde, e o desenvolvemento dunha rede de infraestruturas que desarticula as relacións sociais e cuartea o territorio. Esquerda Unida desexa impulsar un novo modelo de organización urbana e rural que reduza os impactos medioambientais. Para iso, hai que avanzar no Plan de Acción Local da Axenda 21.

En materia de recollida do lixo, amais de re-municipalizar o servizo, hai que reformar a taxa do lixo para evitar os excesos, especialmente por parte das grandes empresas. Artellaremos un plan de redución de resíduos, que abranguerá os eidos familiar, industrial e comercial (coa saída de SOGAMA e estudar a creación dunha planta comarcal de compostaxe, amais de fomentar a compostaxe no eido familiar). Crearemos unha Axencia Local de Enerxía, de carácter público para regular todo o referido ao consumo enerxético da cidade e camiñarmos cara a redución da pegada ecolóxica.

Xabier Ron animou ás persoas para que comproben no programa (descargable en http://eusantiago.blogspot.com) a incidencia das medidas de todo tipo destinadas a acadarmos un concello ecolóxico, sustentable, con cohesión social.

Presentación eixo programático sobre deporte

2011-05-19T14:18:00.002+02:00

ESQUERDA UNIDA COMPOSTELA PRESENTOU AS SÚAS MEDIDAS PARA CONQUERIR UN CONCELLO SAUDABLE.

Esquerda Unida Compostela, a través do seu cabeza de lista á Alcaldía, Xabier Ron, e o segundo cabeza de lista, Vicente Vázquez, presentou o eixo programático sobre deporte.

En primeiro lugar Xabier Ron salientou a defensa que durante estes catro anos Esquerda Unida Compostela fixo do deporte de base, presentando, entre outras medidas, mocións que pedían a creación de carreiras populares ou a supresión do horario de inverno na Alameda, para que os atletas tiveran a posibilidade de exercer o seu dereito de practicar deporte unha vez rematada a súa xornada laboral.

Durante a exposición das medidas programáticas que EU presenta, Xabier Ron e Vicente Vázquez, manifestaron a súa preocupación pola clara falta de infraestruturas deportivas, en especial nos deportes non maioritarios, e a continuación da defensa do deporte de base que Esquerda Unida quere levar a cabo, incentivando dende o concello a organización de eventos deportivo de carácter popular, facendo fincapé na obrigación que todas as administración públicas teñen a hora de fomentar estas actividades lúdicodeportivas beneficiosas para a saúde e benestar da cidadanía.

No tocante as medidas que Esquerda Unida Compostela propón, tanto Xabier Ron como Vicente Vázquez, salientaron a obrigación do concello en xerar as condicións necesarias para fornecer o uso real e non esporádico da bicicleta, tanto o seu uso como medio de transporte como lúdicodeportivo, recalcando, unha vez máis, que o carril bici non debe seguir sendo algo descoñecido en Santiago, esixindo a elaboración do Plan Director da Bici dentro do Plan Global de Mobilidade.

Por último Xabier Ron, ademais da creación de pistas de atletismo cubertas, a homologación da pista de San Lázaro e o impulso a deportes menos mediáticos, recalcou que se precisa acelerar os pasos para a creación da vía verde pola antiga vía férrea Amio-Sigüeiro en base a moción que EU rexistrou no 2007.

Mitin no CSC das Cancelas

2011-05-19T14:14:00.001+02:00

Esquerda Unida Compostela levará a cabo un mitin explicando os eixos programáticos cos que se presenta a estas eleccións municipais de 2011.

Data: xoves 19 de maio

hora: 20:00

Lugar: CSC das Cancelas na Calzada das Cancelas, 19 baixo

Intervirá:

Xabier Ron, cabeza de lista por Esquerda Unida en Santiago

Agardamos a túa presenza

Vídeos intervención de María Rozas no CSC a Trisca

2011-05-18T17:58:00.002+02:00

A continuación tedes os dous vídeos coa intervención de María Rozas no mitin levado a cabo no CSC a Trisca.

Presentación eixos programáticos sobre Educación e Cultura

2011-05-18T12:18:00.002+02:00

ESQUERDA UNIDA COMPOSTELA PRESENTOU AS SÚAS MEDIDAS EN DEFENSA DA EDUCACIÓN PÚBLICA E DUNHA CULTURA DE BASE .

XABIER RON DEFENDE A NECESIDADE DE REMATAR COA HIPOCRISÍA ACTUAL: “NON SE DEFENDE A PAZ, FACENDO A GUERRA” .

Esquerda Unida Compostela, a través do seu candidato á Alcaldía, Xabier Ron, presentou os eixos programáticos sobre educación e cultura. A educación é un piar da integración e da cohesión social e EU quere proxectar igualdade e equidade entre os diferentes centros educativos, tanto do rural como do espazo urbán, e, sobre todo, para que os nosos centros públicos non coñezan desequilibrios con respecto aos centros privados concertados. E debe asumirse tendo en conta os principios da democracia participativa.

As comisións de escolarización teñen que funcionar con claridade de criterios, de reparto, evitando problemas de densificación ou de redución (como pode ser o Santiago Apóstol da Almáciga). Xabier Ron insistiu na necesidade de equiparar a zonificación dos centros privados concertados coa dos centros públicos. EU considera prioritario artellar un Plan Director para coordinar a oferta de servizos complementarios para evitar os actuais desequilibrios. EU recuperará a xestión pública dos servizos. EU quere que o Concello asuma a súa responsabilidade, en tanto que administración pública, na xestión dos comedores escolares, mentres non se acade o marco de cooperación necesario coa Xunta de Galicia. Xabier Ron expresou que debe crearse un Plan Plurianual de mantemento e renovación de centros educativos.

E non caben triunfalismos en canto a oferta de centros públicos en educación infantil 0-3 anos, e debemos garantir que se lle dá resposta ás demandas desde o eido publico. As delicadas economías familiares merecen todo o esforzo da administración pública. E isto atendendo a un criterio de racionalización e equilibrio na distribución xeoespacial para que o rural non quede desasistido a este respecto.

Para Xabier Ron os centros educativos teñen que muda en verdadeiras comunidades de aprendizaxe, co obxectivo de que todas as persoas participen na comunidade de xeito democrático. Un exemplo diso seríano as escolas de pais e nais, entendidas como espazo de formación e participación democrática.

Son numerosas as medidas centradas sobre a educación. As prazas, os parques e xardíns serán un lugar para o desenvolvemento cultural, formativo e educativo das persoas usuarias. Dinámicas de animación á lectura, escenficacións de guiñois, dinámicas teatrais; maxia; xogos de cooperación...o espazo público como educador.

Esquerda Unida quere dinamizar unha política cultura formativa de base. Favorecer a creación e a consolidación de creadores e creadoras, de axentes culturais da localidade. Avanzar, desde un enfoque participativo, en dinámicas de apoio aos mercados na rúa. Rachar a uniformización cultural actual e revitalizar o tecido cultural e asociativo a este respecto. O rural, desde a conformación de roteiros educativos que poñan de relevo os aspectos naturais, arqueolóxicos, históricos, etc., sumarase á visión integradora que ten EU da cultura.

Finalmente, Xabier Ron insistiu na necesidade de sermos máis solidarios. De non recurtar neste eido a débeda que temos co mundo empobrecido debido ás nosas políticas e ao noso estilo de vida devorador. Desde unha Concellaría de Paz, Solidariedade e Dereitos Humanos, EU artellará unha politica de solidariedade xusta e ética. E Xabier Ron pediu que remate a hipocrisía dalgúns que falan de paz nesta campaña electoral mentres apoian guerras que matan inocentes –e de paso gástanse inxentes cantidades de diñeiro público moi necesarias por exemplo para afortalar os servizos sociais ou poder acometer a reconstrución das vivendas de Lorca con garantías- ou mentres vemos como a OTAN, coa complicidade de España, deixa morrer no mar a persoas que foron expulsadas dos seus países por mor da guerra e da insolidaria política do norte enriquecido.

Mitin no CSC de Conxo

2011-05-18T09:25:00.001+02:00

Esquerda Unida Compostela levará a cabo un mitin explicando os eixos programáticos cos que se presenta a estas eleccións municipais de 2011.

Data: mércores 18 de maio

hora: 20:00

Lugar: CSC de Conxo na Praza Aurelio Aguirre nº1

Intervirá:

Xabier Ron, cabeza de lista por Esquerda Unida en Santiago

Agardamos a túa presenza

Vídeos entrevista a Xabier Ron en Preguntoiro de Correo TV

2011-05-18T09:22:00.003+02:00

A continuación tedes a primeira e segunda parte da entrevista realizada a Xabier Ron no programa Preguntoiro de Correo TV. No noso canal Youtube tedes máis vídeos de esta entrevista.

Mitin no CSC a Trisca

2011-05-16T23:48:00.001+02:00

Esquerda Unida Compostela levará a cabo un mitin explicando os eixos programáticos cos que se presenta a estas eleccións municipais de 2011.

Data: martes 17 de maio

hora: 20:00

Lugar: CSC a Trisca na Corredoira das Fraguas, 92

Intervirán:

Xabier Ron, cabeza de lista por Esquerda Unida en Santiago

María Rozas, 3ª cabeza de lista por Esquerda Unida en Santiago

Agardamos a túa presenza

Valoración campaña electoral

2011-05-16T12:08:00.004+02:00

OS CANDIDATOS Á ALCALDÍA DE ESQUERDA UNIDA EN AMES E COMPOSTELA VALORAN DE FORMA POSITIVA O TRABALLO REALIZADO.

DANIEL PÉREZ AMADOR E XABIER RON DENUNCIAN OS MUROS DE SILENCIO QUE DESVIRTÚAN A PLURALIDADE INFORMATIVA E EROSIONAN O DEREITO DA CIDADANÍA A UNHA BOA INFORMACIÓN.

Esquerda Unida Ames e Esquerda Unida Compostela valoraron de forma positiva o traballo realizado até o de agora para dar a coñecer o programa político e social co que se presentan nestas Eleccións Muncipais 2011.

Un traballo realizado de forma directa, en estreito contacto cos veciños e veciñas a través de mesas informativas, de repartos polas rúas dos barrios e parroquias de ambos concellos, asi como de encontros cos veciños e veciñas.

Agora que entramos na semana decisiva, asistiremos, una vez máis á polarización informativa que divulga, de forma errada, que nestas eleccións só contenden tres partidos políticos, silenciando, agás honrosas e escasas excepcións, o traballo realizado por Esquerda Unida . Este agochamento informativo erosiona os piares da propia democracia xa que impide o acceso da cidadanía a una boa información para decidir con plena liberdade quen os pode representar de forma máis xusta.

Para Daniel Pérez Amador, candidato á Alcaldía de EU Ames, a pesar deste silencio, o contacto coa cidadanía reveloulle que existe cansancio en como se está enfocando, una vez máis, desde os medios, esta campaña electoral, que caen no xogo dos grandes partidos e vemos como en vez de propostas e medidas concretas destinadas a loitar polos dereitos da clase traballadora, atopamos insultos, descalificacións, acusacións cruzadas, un exacerbado personalismo, que están desvirtuando a esencia do que debe ser a política, asi como un asoballamento de propaganda –mercantilización da información- en vez de información verdadeira.

Xabier Ron, pola súa banda, insistiu en que no concello de Compostela só se pode atopar algo de información de todo o realizado nestes 10 días nun único medio de comunicación da cidade, sendo cáseque ignorado nos restantes medios. O cabeza de lista de EU Compostela anuncia que Esquerda Unida seguirá loitando e que, nesta semana decisiva, procurará rachar os muros de silencio para que a cidadanía, ben informada, poda decidir en consecuencia que non existe voto máis útil que o que non se resigna a axeonllarse perante as imposicións dos donos do capital , que non acepta as rebaixas do delicado “estado de benestar” e que defende os dereitos da clase traballadora mediante a democracia participativa, un modelo público de xestión, cuns servizos públicos e sociais de calidade, eficaces e eficientes. E ese é o voto de Esquerda Unida.

Mitin no CSC de Laraño

2011-05-16T12:05:00.001+02:00

Esquerda Unida Compostela levará a cabo un mitin explicando os eixos programáticos cos que se presenta a estas eleccións municipais de 2011.

Data: luns 16 de maio

hora: 20:00

Lugar: CSC de Laraño na Rúa Riobo s/n

Intervirá:

Xabier Ron, cabeza de lista por Esquerda Unida en Santiago

Agardamos a túa presenza

Xuntanza con UCGAL

2011-05-16T10:58:00.002+02:00

ESQUERDA UNIDA COMPOSTELA REÚNESE COA UNION DE CONSUMIDORES DE GALICA (UCGAL) .

XABIER RON PRESENTOU AS PROPOSTAS DE EU SOBRE TRANSPORTE PÚBLICO, VIVENDA E A PROMOCIÓN DO COMERCIO XUSTO E DA COMPRA ÉTICA .

Membros da candidatura de Esquerda Unida Compostela, encabezados por Xabier Ron, candidato á Alcaldía de Esquerda Unida en Compostela, e Vicente Vázquez, segundo cabeza de lista, reuníronse o venres,11 de maio con representantes de UCGAL, Ana Olveira, presidenta da entidade, e Miguel López, secretario da mesma.

Dende UCGAL manifestaron a necesidade de protexer dende as administracións públicas os dereitos de persoas usuarias de servizos, facendo fincapé na nova campaña que están a realizar, debido os problemas relacionados co sector eléctrico, sobre as facturas da luz.

Tamén resaltaron a necesidade da profesionalización do pequeno comercio, e da necesidade de que o concello colaborar en todo o posible, con feitos non con palabras.

Esquerda Unida Compostela espuxo o seu modelo de democracia participativa, e como a través dela, unha cidadanía empoderada, ben informada, é quen de esixir que se cumpran os seus dereitos básicos e de reivindicar a eficacia e eficiencia dos servizos públicos básicos. Xabier Ron aproveitou para falar da Oficina de Dereitos Sociais e do Valedor do Pobo Local como medida adicional en defensa dos dereitos das persoas en tanto que usuarias dos servizos públicos e dos servizos sociais. Outras das medidas detalladas tivo que ver co proceso de compra en base a criterios éticos, sociais e ecolóxicos e a defensa do comercio de proximidade, do comercio xusto, asi como da soberanía alimentar a través da creación dunha Empresa Municipal. O Plan Global de Mobilidade Sustentable económica e medioambientalmente, e o acceso a unha vivenda digna foron outras das medidas

A xuntanza estendéuse por un espazo de dúas horas e serviu para comprobar as concomitancias entre as filosofías que defende Esquerda Unida para a cidadanía e as de UCGAL en tanto que defensora dos dereitos de usuarios e usuarias.

Presentación eixos programáticos sobre Inclusión Social e Sanidade

2011-05-13T20:15:00.002+02:00

ESQUERDA UNIDA COMPOSTELA QUERE UN CONCELLO INCLUSIVO PARA DESENVOLVER UNHA POLÍTICA DE IGUALDADE DE OPORTUNIDADES REAL

Hoxe, debido ao desleixe da administración pública, existe unha visión de “empobrecemento” dos servizos sociais que se dedican a dar só asistencia ante unha emerxencia social. Xabier Ron, candidato de EU á Alcaldía de Compostela, reitera que o acceso aos servizos sociais deben ser un dereito que non debe estar suxeito a caridades. Cómpre camiñar cara a universalización e fuxir do estigma de “marxinalidade”.

En tempos de crise non é de recibo que os recortes se apliquen sobre a protección social, Esquerda Unida entende que os dereitos sociais deben ser sempre unha prioridade e deben afortalarse. O Concello, en tanto que administración pública, debe tutelar dita prioridade en cooperación coas entidades que se dedican á atención sociosanitaria.

Entroutras medidas, Esquerda Unida propón a creación dun Consello Municipal de Políticas de Igualdade de Oportunidades e dunha Concellalía de Inclusión Social. Igualmente, amais dos propios órganos participativos, defínese a creación dunha Oficina de Dereitos Sociais constituída por unha especie de Valedor do Pobo Local e por persoal especializado.

Esquerda Unida Compostela, dentro dese Concello Inclusivo, establece 6 grandes plans para acadar unha política de igualdade de oportunidades real: a) o plan local para a inclusión social das persoas con discapacidade; b) o da igualdade efectiva entre mulleres e homes; c) o dedicado á mocidade; d) o do respecto da diversidade afectivo-sexual; e) o dedicado ás persoas migrantes; f) e o destinado ás persoas de etnia xitana.

Estas políticas queren asentar unha cidadanía inclusiva, onde se acaden os dereitos humanos desde o principio democrático de xustiza social.

Xabier Ron insistiu na relevancia do plan local para a inclusión social das persoas con discapacidade, dado a coñecer a diferentes colectivos como COGAMI, DOWN COMPOSTELA, que tiveron ocasión de participar tamén na súa definición, ou a PLATAFORMA SOCIOSANITARIA.

A rolda de prensa complementouse coa presentación do eixo programático sobre sanidade. A este respecto, Esquerda Unida Compostela explicitou algunhas das medidas destinadas a mellorar a Atención Primaria, os Servizos de Atención Comunitaria, asi como a Atención Temperá. Esquerda Unida Compostela loitará para que a sanidade pública non siga exposta ás políticas de degradación realizadas desde a Xunta de Galicia e reclamará que se manteña o Plan de Mellora de Atención Primaria, asi como o mantemento dos compromisos económicos para desenvolver o Plan Director de Infraestruturas Sanitarias 2008-2013.

Presentación eixo programático sobre Vivenda

2011-05-13T20:12:00.003+02:00

ESQUERDA UNIDA PRESENTOU AS MEDIDAS PARA AVANZARMOS NO DEREITO AO ACCESO A UNHA VIVENDA DIGNA.

En tempos en que o acceso a unha vivenda digna é un hipotecarse de por vida, Esquerda Unida Compostela, a través de Xabier Ron, candidato á Alcaldía, e Vicente Vázquez, segundo cabeza de lista, presentaron unha serie de medidas destinadas a loitar por ese dereito.

Xa no 2007 Esquerda Unida Compostela alertaba de que o estourido da burbulla inmobiliaria requiría de medidas valentes e non sometelo todo aos intereses do mercado. Non se pode esquecer, di Xabier Ron, que a actual crise parte dunha crise financeira e especuladora sobre o valor da vivenda.

Esquerda Unida Compostela quere impulsar unha política de vivenda social, baseada nunha cultura do uso, e non na especulación, do cambio e do lucro. En efecto, por moita vivenda de protección oficial que se faga, se esta se vencella ao prezo de mercado, o resultado é o impedimento de acceso para as delicadísimas economías das persoas.

Para Xabier Ron unha das medidas máis importantes será empregar a empresa municipal de vivenda e solo non para adquirir metros e vendelos directamente a quen xoga co prezo do valor do metro cadrado, senón para intervir de forma directa e gardar titularidade sobre as vivendas construidas e ir creando un parque público de vivenda en réxime de aluguer social, atendendo a un criterio de dispersión dentro do tecido urbán e reservando un número determinado de vivendas adaptadas para axudar á autonomía de persoas con discapacidade. Igualmente, reservaranse vivendas para emerxencias sociais.

Tendo en conta que existen en Compostela, segundo o último reconto, máis de 11.000 vivendas baleiras, Esquerda Unida quere elaborar un censo motivado de vivendas baleiras, e en base a dito censo, gravar a vivenda baleira até o máximo que permite a lei para animar a que esas vivendas se incorporen ao parque de aluguer.

As plusvalias que se xeren coa construción de vivendas libres serán directamente redistribuídas na mellora dos servizos públicos. E antes de proceder a novas edificacións, será fundamental unha política activa de rehabilitación de vivendas e acceso ás mesmas.

É fundamental ter activo desde o Concello un censo propio de demanda de vivenda para garantir un equilibrio entre oferta e demanda.

En relación directa coa vivenda, o cabeza de lista por Esquerda Unida Compostela, Xabier Ron, apelou á necesidade de reformular o PXOM en base á democracia participativa, impulsando técnicas de participación cidadá no eido das decisións públicas en materia de vivenda e ordenación do territorio, e en base ao respecto do Plan de Acción Local da Axenda 21. Estas accións permitirán cohesionar o territorio e definir as reservas de solo necesarias para instalacións educativas, sociosanitarias e culturais de xestión e titularidade públicas.

Vídeos Antonio Olives e Xesús Abuín

2011-05-12T20:56:00.000+02:00

A continuación podedes ver os vídeos das intervencións de Antonio Olives, 5º cabeza de lista, no mitin no CSC da Almáciga e de Xesús Redondo Abuín no mitin no CSC de Fontiñas

Vídeo presentación e intervención de Antonio Olives, en breve no noso canal Youtube poderedes ver a segunda parte.

Vídeo intervención Xesús Redondo Abuín

Suspensión Mitin no CSC do Castiñeiriño e outros actos públicos da campaña electoral

2011-05-12T09:52:00.001+02:00

Esquerda Unida Compostela ante o terremoto acontecido en Lorca, suspende o mitin que ía levar a cabo hoxe, ás 20:00, no CSC do Castiñeriño, e os demais actos públicos da axenda electoral.

Mitin no CSC de Fontiñas

2011-05-11T13:38:00.002+02:00

Esquerda Unida Compostela levará a cabo un mitin explicando os eixos programáticos cos que se presenta a estas eleccións municipais de 2011.

Data: mércores 11 de maio

hora: 20:00

Lugar: CSC de Fontiñas na Rúa Berlín 13

Intervirán:

Xabier Ron, cabeza de lista por Esquerda Unida en Santiago

Xesús Redondo Abuín, integrante da lista de Esquerda Unida en Santiago

Agardamos a túa presenza

Presentación eixo programático sobre Emprego

2011-05-11T12:39:00.002+02:00

ESQUERDA UNIDA COMPOSTELA PRESENTOU AS SÚAS MEDIDAS PROGRAMÁTICAS PARA TERMOS UN CONCELLO CON EMPREGO ESTABLE, DE CALIDADE E CON SALARIO DIGNO .

O candidato á Alcaldía de Esquerda Unida en Compostela, Xabier Ron, acompañado por Daniel Pérez Amador, candidato á Alcaldía de Esquerda Unida en Ames, e por Vicente Vázquez, segundo cabeza de lista en Compostela, presentou as medidas programáticas para acadarmos emprego estable, de calidade e con salario digno no Concello de Compostela.

Nunha cidade onde 8.500 persoas están en situación de desemprego, onde 4.000 persoas están moi empobrecidas e un 20% viven en risco de exclusión social, o Concello, dentro das súas posibilidades debe resistir e ser quen de ofrecer una protección fronte á quebra de dereitos de todo tipo auspiciados polo sistema capitalista.

Esquerda Unida está convencida que desde o concello, en tanto que administración pública, se debe resistir e poner en marcha medidas que, en certo modo, freen a voracidade de recurtes que auspicia o neoliberalismo e regular o mercado.

Esquerda Unida Compostela quere entrar no Concello para que se redistribúa a riqueza baixo a forma dunha verdadeira política de igualdade de oportunidades para todas as persoas mediante un modelo público de xestión e uns servizos públicos de calidade, eficaces e eficientes.

O Concello debe intervir para ofrecer solo produtivo ou xerar o mesmo, e adoptar medidas fiscais incentivadoras de emprego e favorecer as iniciativas de economía social. Esquerda Unida é o que quere para Compostela.

Algunhas das medidas destinadas a acadarmos un emprego estable, con dereitos, serían:
a) Re-municipalizar servizos públicos agora privatizados mediante a creación de Empresas Municipais de Servizos.
b) Crear una Axencia de Colocación Municipal e rexeitar a utilización das ETT’s e axencias privadas de colocación, e poner en marcha un Plan Municipal para a Calidade do Emprego.
c) Establecer nos pregos de condicións de obras e servizos municipais primar ás empresas que procuren emprego estable e introduzan criterios de redución da xornada laboral (35 horas semanas).
d) Introducir a claúsula social nas licitacións da Administración Pública para o fomento da calidade e promoción de emprego a persoas con discapacidade e persoas en situación de risco de exclusión social.
e) Reserva de mercados protexidos para empresas de inserción social e centros especiais de emprego
f) Dinamizar o pequeno comercio local
g) Promover o modelo de mercados produtores fronte ao de intermediarios e crear una Empresa Municipal para a Soberanía Alimentar.
h) Desenvolver emprego estable nos nichos relacionados co medioambiente e coa atención sociosanitaria.
i) Plans tranversais de emprego para as mulleres e a mocidade. Para Xabier Ron é imperativo mellorar a situación laboral e social das mulleres facilitando a conciliación real entre a vida persoal, laboral e familiar e a incorporación e permanencia das mulleres no emprego. A creación das infraestruturas sociais para a atención e coidado das persoas en situación de dependencia que libere ás mulleres da asunción en exclusiva desas tarefas non compartidas e lles permita desenvolver una actividade laboral retribuida.

Videos Mitin CSC do Ensanche

2011-05-10T22:53:00.002+02:00

Poñemos a vosa disposición a primeira parte da explicación do programa electoral que o pasado luns, 9 de maio, realizou o cabeza de lista Xabier Ron, en breve subiremos o resto de vídeos o noso canal Youtube.

Presentación eixo programático sobre Modelo Público de Xestión

2011-05-10T16:18:00.004+02:00

ESQUERDA UNIDA PRESENTA O EIXO PROGRAMÁTICO SOBRE UN MODELO PÚBLICO DE XESTIÓN PARA O CONCELLO DE COMPOSTELA .

Esquerda Unida Compostela, a través do seu cabeza de lista, Xabier Ron, e Vicente Vázquez, segundo cabeza de lista , presentou as medidas destinadas a definir un modelo público de xestión .Esquerda Unida quere un Concello forte, con capacidade política de decisión, con competencias e recursos económicos suficientes para procurar alternativas e solucións aos retos sociais cada vez máis numerosos e aos que lle ten que dar resposta o Concello.

Catro son os eixos esenciais: 1) maior autonomía de xestión das competencias tributarias municipais (Esquerda Unida quere que se compense a substitución do IAE cun imposto que grave o beneficio e non a actividade); 2) reforma integral da participación das entidades locais nos ingresos do estado; 3) incremento das transferencias da Xunta de Galicia, neste sentido Xabier Ron declarou a necesidade de que a maior parte das transferencias sexan incondicionadas e non finalistas; 4) una política fiscal progresiva que permita redistribuir a riqueza mediante o afortalamento dos servizos públicos e o tratamento económico diferenciado en base á renda.

Unha das medidas máis importantes dentro do modelo público de xestión é non privatizar servizos básicos, non externalizar e recuperar de forma progresiva os agora privatizados mediante a creación de Empresas Municipais de Servizos (recollida do lixo; servizo de auga; limpeza viaria; parques e xardíns; limpeza de servizos públicos; servizos complementarios dos centros educativos….).

Esquerda Unida quere desenvolver un modelo de acceso á Función Pública Municipal transparente, áxil e obxectivo, negociado cos sindicatos e consensuado cos grupos municipais. No caso das empresas contratadas para prestación de servizos cómpre exercer un control das cláusulas de contratación e prestación para que as condicións laborais e salariais de traballadores e traballadoras non sexan discriminatorias , e procurar emprego de calidade e estable. Esquerda Unida quere impulsar os nichos de emprego que teñen que ver co eido social e co eido medioambiental.

No tocante aos ingresos, Esquerda Unida quere avanzar na definición de novas figuras impositivas que graven a utilización do espazo público (solo, subsolo, radioeléctrico, ocupación vía pública…); elaboraremos un censo motivado de vivendas baleiras e en base a el, gravaremos as vivendas baleiras no máximo que permita a lei; incrementaremos a inspección tributaria; aplicaremos principios de progresividade fiscal nas taxas e presos públicos; cumpriremos coa directiva comunitaria de corresponsabilidade fiscal á hora de definir taxas que graven a produción de residuos, establecendo desgravacións ou exencións no caso de políticas ambientais positivas; estableceremos bonificacións no IBI para familias numerosas en base ao valor catastral das vivendas e do número de membros da unidade familiar.

No tocante aos gastos, Esquerda Unida Compostela quere que a austeridade se aplique non sobre os dereitos sociais e laborais, senón sobre os gastos supérfluos e innecesarios e sobre a desmesura, tales como as custosas asesorías externas e proxectos que supuxeron elevadas contías do diñeiro de todos e todas e que a nada real conduciron; as pomposas inauguracións, a propaganda institucional de todos os departamentos, ou a política de convite a actos públicos, asi como una revisión á baixa dos salarios de concelleiros e concelleiras. Outras medidas teñen que ver coas medidas de control enerxético para reducir consumos de auga, gas e electricidade, teléfono e carburantes.

En definitiva, Esquerda Unida Compostela quere facer do público o ben da maioría social. En base á implantación das canles que conleva a democracia participativa, informaremos e recibiremos as suxestións dos veciños e veciñas. En todo momento, a cidadanía fiscalizará en que se inviste o diñeiro e de que forma.

Mitin no CSC Francisco Asorei da Almáciga

2011-05-09T22:18:00.002+02:00

Esquerda Unida Compostela levará a cabo un mitin explicando os eixos programáticos cos que se presenta a esta eleccións municipais de 2011.

Data: martes 10 de maio

hora: 20:00

Lugar: CSC Francisco Asorei da Almáciga na Travesía de Basquiños 7-9

Intervirán:

Xabier Ron, cabeza de lista por Esquerda Unida en Santiago

Antonio Olives, 5º cabeza de lista por Esquerda Unida en Santiago

Agardamos a túa presenza

Presentación eixo programático sobre Democracia Participativa

2011-05-09T11:47:00.002+02:00

ESQUERDA UNIDA COMPOSTELA PRESENTA AS SÚAS MEDIDAS PARA TERMOS UNHA DEMOCRACIA PARTICIPATIVA NO CONCELLO DE COMPOSTELA .

Xabier Ron presentou en rolda de prensa o luns 9 de maio as medidas destinadas a facer da democracia participativa o piar esencial da vida orgánica do Concello de Compostela.

O cabeza de lista de Esquerda Unida en Compostela sinalou que “ao longo destes catro anos, nos diferentes encontros que fomos mantendo con colectivos veciñais e sectoriais do concello de Compostela unha queixa unánime se erguía: non hai canles verdadeiras de participación cidadá. Hai, si, unha política impositiva que asoballa con proxectos xa deliñados, xa elaborados, sen contar coa participación dos veciños e veciñas onde vai ter lugar a acción en cuestión”. Xabier Ron fixo un repaso de mostras desa queixa vecinal: a) en febreiro de 2011 os medios de comunicación facíanse eco do fracaso do Plan Urbana Norte á hora de fomentar a participación (isto para Esquerda Unida é proba de que o fracaso non é do Plan, senón de quen goberna pensando que o sabe todo e que os veciños e veciñas só poden dicir si, ou como moito, presentar alegacións que, na meirande parte das veces, serán ignoradas); b) no concello de Compostela hai constituídos Consellos Municipais que só son meras farsas institucionalizadas e que nin sequera cumpren coas xuntanzas estipuladas no seu regulamento: exemplos coñecémolos nos Consellos Municipais de Servizos Sociais, de Ensino ou no Inmigración...

Esquerda Unida Compostela quere que estas prácticas rematen xa. É posible facer unha política diferente. Unha política onde a voz do pobo sexa non só escoitada ou consultada, senón que sexa protagonista das decisións que se adopten.

Xabier Ron puxo de relevo que democracia participativa favorece a claridade e a transparencia, exerce de control das irregularidades; supón un freo para as prácticas escuras e un obstáculo da corrupción.

Significa que todas as persoas poidamos desenvolver as nosas capacidades para intervir e co-decidir na vida política e social do noso Concello. Significa darlle forma a un dereito constitucional hoxe limitado, para o equipo de goberno, a votar cada 4 anos.

A democracia participativa que Esquerda Unida quere poñer en marcha no Concello de Compostela pasa polas seguintes grandes medidas:

1) Elaborar un novo Regulamento de Participación Cidadá que, entre outros aspectos, contemple: unha Carta de Dereitos Cidadáns que asuma os seguintes dereitos: a) de petición; b) de intervención; c) de consulta ou referendo; d) de información.
2) Reorganizar o Concello en base á democracia participativa e crear órganos de participación cidadá coma os consellos de barrio e parroquia.
3) Avanzarmos na consecución duns orzamentos participativos.

Xabier Ron detallou en que consisten esas grandes medidas, como se levan a cabo e cal é o rol nelas dos políticos e políticas asi como dos veciños e veciñas.

Mitin no CSC do Ensanche

2011-05-08T22:05:00.007+02:00

Esquerda Unida Compostela levará a cabo un mitin explicando os eixos programáticos cos que se presenta a esta eleccións municipais de 2011.

Data: luns 9 de maio

hora: 20:15

Lugar: CSC do Ensanche na rúa Frei Rosendo Salvado 14-16

Intervirá: Xabier Ron, cabeza de lista por Esquerda Unida en Santiago

Agardamos a túa presenza

Xuntanzas coa Asociación Cultural Cidade Vella e coa Plataforma Sociosanitaria

2011-05-07T14:45:00.006+02:00

O CABEZA DE LISTA DE ESQUERDA UNIDA COMPOSTELA, XABIER RON, MANTÉN SENLLAS XUNTANZAS COA ASOCIACIÓN CULTURAL CIDADE VELLA E COA PLATAFORMA SOCIOSANITARIA DE COMPOSTELA .

ESQUERDA UNIDA COMPOSTELA AMOSOU O SEU COMPROMISO COA CULTURA DE BASE E PRESENTOU AS DIFERENTES MEDIDAS PARA ACADAR UN CONCELLO REALMENTE INCLUSIVO .

O venres 6 de maio de 2011 foi un día intenso para Xabier Ron, cabeza de lista de Esquerda Unida Compostela, que mantivo pola tarde na sede comarcal de Esquerda Unida en Fontiñas dúas xuntanzas consecutivas coas directivas da Asociación Cultural Cidade Vella e da Plataforma Sociosanitaria de Compostela.

Un feito relevante permite relacionar as dúas xuntanzas: ambos colectivos veciñais manifestaron as súas queixas pola carencia de canles de participación e reclamaron, neste sentido, a valentía política para acadar ese dereito. A ese respecto, Xabier Ron enfatizou que o programa político e social xira ao redor do principio rector da democracia participativa e significou a importancia de reformar a vida organizativa do Concello en base a ese feito e a necesidade de introducir os orzamentos participativos.

A Asociación Cultural Cidade Vella espuxo as súas demandas para evitar a progresiva quebra da dinámica cultural da zona vella de Compostela. En concreto, lamentaron o inmobilismo do equipo de goberno e a súa política impositiva. Esquerda Unida Compostela amosou o seu compromiso coa cultura de base e apoiou a necesidade de revitalizar a vida cultural da zona vella sometida hoxe a un proceso de uniformización comercial que lle está roubando a diversidade e o seu dinamismo. Varios foron os temas que centraron a discusión: a necesidade de revisar o mapa de zonas saturadas, hoxe sometido á arbitrariedade, mediante o diálogo e a participación; a necesidade de regular de forma flexible e innovadora todo o que se refire ás terrazas exteriores e interiores; a necesidade de implementar nas políticas de rehabilitación axudas para materiais de illamento acústico; a necesidade de avanzarmos na política convivencial na cidade vella. En definitiva, definir unha política que procure novas metas e posibilidades de desenvolvemento que garantan a vitalidade social, económica e cultural.

Pola súa banda, o encontro coa Plataforma Sociosanitaria de Compostela serviu para comprobar a coincidencia en que, hoxe, coa xustificación da crise, o sector social é o que máis padece os recortes de todo tipo, en recursos, en convenios cos colectivos sociosanitarios, en espazos para o desenvolvemento do traballo, en definitiva, a administración pública dálle as costas ao sector mentres que se acumulan as demandas de apoio e protección nunha cidade que coñece 4.000 persoas que (mal)viven moi empobrecidas, outro 20% que (sobre)vive en situación de risco de exclusión social, unhas 4.000 persoas maiores que viven soas (moitas delas mulleres), e con máis de 8.500 persoas en situación de desemprego. Xabier Ron presentoulle ao colectivo as medidas en materia de emprego, vivenda e sanidade destinadas a dar resposta a esta situación de vulnerabilidade, asi como describiu as medidas destinadas a converter os servizos sociais nun piar esencial da igualdade de oportunidades das persoas en tanto que dereito universal.

Concerto inicio de campaña

2011-05-06T21:52:00.003+02:00

Esquerda Unida Compostela celebrou o inicio de campaña cun concerto de dúas horas, coas actuacións de Andrés Suárez e Linho do Cuco e a asistencia de máis de 200 persoas, rematando coa tradicional pegada precedida polo discurso do cabeza de lista Xabier Ron.

Aquí tedes o video deste peche e varias fotos.

Presentación liñas mestras do programa electoral.

2011-05-06T13:45:00.003+02:00

OS CABEZAS DE LISTA DE ESQUERDA UNIDA EN AMES E COMPOSTELA PRESENTAN AS LIÑAS MESTRAS DO PROGRAMA POLÍTICO PARA ESTAS ELECCIÓNS

UN PROGRAMA QUE INVITA A NON RESIGNARSE E QUE OFRECE MEDIDAS CONCRETAS PARA UNHA POLÍTICA DE ESQUERDAS, ALTERNATIVA E TRANSFORMADORA, QUE ANTEPÓN AS PERSOAS SOBRE OS INTERESES DO CAPITAL

Os cabezas de lista de Esquerda Unida en Compostela, Xabier Ron, e Ames, Daniel Amador, presentaron as liñas mestras do programa político e social que defenderán nos vindeiros 15 días, coa firme convicción de que o programa é o contrato co que se comprometen ante a sociedade.

Antes de entrar en materia, Xabier Ron criticou o silencio informativo con respecto ao acto inicio de campaña realizado na Praza de Cervantes, xa que, entende, a pluralidade democrática, en tempos de eleccións, demanda que se informe de todas as organizacións políticas en igualdade de condicións.

Despois, Xabier Ron destacou dous feitos con respecto ao programa: a) responde desde unha ideoloxía de esquerdas, alternativa e transformadora, ás necesidades das persoas, da maioría social, nun tempo de crise onde todas as medidas que os xestores do capitalismo adoptaron foron contrarias a esas necesidades, que son dereitos básicos. É un programa, polo tanto, que non acepta a inevitabilidade dos recortes en dereitos. b) En segundo lugar, é un programa elaborado desde a participación dos numerosos colectivos veciñais e sociais cos que Esquerda Unida se reuniu ao longo destes anos.

O programa político e social estrutúrase en 11 eixos: 1) Democracia Participativa; 2) Un modelo público de xestión; 3) Emprego estable, de calidade e con salario digno; 4) O acceso á vivenda, un dereito; 5) un concello inclusivo para a igualdade de oportunidades real; 6) ecoloxía, sustentabilidade e cohesión social; 7) Educación e interculturalidade; 8) Solidariedade e internacionalismo. Cultura formativa. Por unha cultura de paz; 9) Sanidade Pública, con recursos, eficaz e eficiente; 10) deportes e lecer; 11) un proxecto global para a revitalización do rural. Para dar resposta a eses 11 eixos, Esquerda Unida presenta 250 medidas concretas destinadas a dar resposta ás necesidades dos Concellos de Compostela e Ames. (o programa de Compostela é descargable en http://eusantiago.blogspot.com ).

Pola súa banda, Daniel Amador, insistiu en catro ideas básicas respecto á situación actual do Concello de Ames. O cabeza de lista de Ames denunciou a ineficaz planificación e pésima xestión dos servizos públicos facendo fincapé na incorrecta previsión en todo o que se refire á educación., onde existe unha numerosa demanda que non será atendida debido a esa mala planificación (en concreto, no caso do Milladoiro hai 952 prazas para 1981 nenos e nenas entre 0 e 11 anos; e a situación de saturación do CEIP de Ventín é insostible).Daniel Amador recalcou que os Concellos poden e deben loitar contra o desemprego (2700 persoas desdempregadas) e a precariedade, (90% de temporalidade nos contratos). Para iso, Esquerda Unida Ames impulsará un Plan Municipal de Emprego de Calidade e será dinamizado desde unha Axencia de Colocación Municipal. Outras das grandes eivas que serán correxidas se Esquerda Unida Ames entra no Concello será a carencia de canles de participación nos asuntos cotiáns do Concello. Esquerda Unida reformulará a estrutura organizativa do Concello en base á Democracia Participativa, e traballará para termos os primeiros orzamentos participativos no Concello.

Finalmente, tanto Daniel Amador como Xabier Ron destacaron a necesidadede que sexa unha campaña transparente, aberta, de contidos e propostas, e que se renuncien a insultos e descalificacións que nada achegan.

Esquerda Unida realizará unha campaña política austera, de contacto directo, de proximidade cos colectivos veciñais e sectoriais, empregando tanto a tradicional pegada de carteis, como a distribución en man do díptico electoral, asi como facendo uso das novas tecnoloxías de infromación (web, blog, facebook). Igualmente, ambos candidatos reclamaron que nestes 15 días non se polarice a información electoral en base aos dous grandes partidos, senón que se atenda á diversidade e á pluralidade de ideas que se presentan nestas eleccións para que, deste xeito, unha cidadanía ben informada sexa quen de poder expresar o seu voto con pleno coñecemento das diferentes posibilidades.

Enquisa CIS ratifica as posibilidades de EU de entrar no concello

2011-05-05T15:57:00.003+02:00

O Consello Comarcal de Esquerda Unida Compostela recibe con agrado a enquisa do CIS no que se ratifica a opción, real e efectiva, de entrar, como mínimo cun representante, no concello de Santiago.

Concerto inicio de campaña

2011-05-04T09:53:00.002+02:00

Esquerda Unida Compostela organiza un concerto inicio de campaña.

Levarase a cabo o xoves, 5 de maio, a partir das 22:00 na Praza de Cervantes.

Actuarán:

Andrés Suárez (www.andressuarez.es)

Linho do cuco (http://linhodocuco.com)

Ás 24:00 tradicional pegada.

Agardamos a túa presenza

Presentación "Guerrillero contra Franco, guerrillero contra el olvido"

2011-05-02T13:22:00.004+02:00

Dende o Consello Comarcal de Esquerda Unida Compostela animámosvos a asistir a presentación do libro "Guerrillero contra Franco, guerrillero contra el olvido" de Francisco Martínez López, Quico. O autor estará acompañado de Lourenzo Fernández Prieto, catedrático de Historia Contemporánea da USC, e Víctor Manuel Santidrián Arias, da Fundación 10 de Marzo. O acto terá lugar ás 19.00 h. do martes 3 de maio na Librería Couceiro (Praza de Cervantes, 6; Santiago de Compostela).

Guerrillero contra Franco, guerrillero contra el olvido é o relato personal de Francisco Martínez López, Quico, sobre a súa participación primeiro na Federación de Guerrillas León-Galicia e, despois, no Ejército Guerrillero Galicia-León (1936-1952).

Na segunda parte do libro, Martínez López relata as súas vivencias no exilio francés e a súa militancia no PCE. Reflexiona, ademais, dunha maneira crítica sobre o proceso de transición da ditadura á democracia e denuncia o pacto de silencio sobre o que foi a loita antifranquista.

O libro amplia unha achega anterior do autor, editada desta volta pola Asociación Guerra, Exilio e Historia del País Vasco coa subvención do Ministerio de Presidencia do Goberno de España.

Xuntanza coa directiva da AVV A Xunlla de Laraño

2011-04-29T16:04:00.005+02:00

ESQUERDA UNIDA COMPOSTELA REÚNESE COA DIRECTIVA DA A.VV. A XUNLLA DE LARAÑO .

O CONSELLO COMARCAL DE ESQUERDA UNIDA APOIA AS REIVINDICACIÓNS DOS VECIÑOS EN DEFENSA DO RURAL .

Membros do Consello Comarcal de Esquerda Unida Compostela, encabezados polo coordinador comarcal e cabeza de lista, Xabier Ron, reuníronse o xoves 28 de abril coa directiva da asociación veciñal A Xunlla de Laraño, dentro do programa de visitas ó tecido do movemento asociativo e veciñal de Santiago, co fin de pulsar as distintas opinións sobre a situación do concello e sobre todo para coñecer de primeira man as eivas e tamén as posibles solucións sobre a zona rural de Laraño.

Durante a reunión os directivos e directivas da asociación manifestaron, en primeiro lugar, a súa preocupación polo abandono do rural que levan a cabo as Administracións Públicas, exixindo se garantan os dereitos que se deben cumplir en condicións de igualdade coa zona urbana.

Un dos aspectos máis comentado foi o da saturación de tráfico existente en moitas zonas de Laraño, debido a que é zona de escape circulatorio da rotonda da autovía, que fai necesario acondicionar a zona para que as persoas poidan transitar con plena seguridade e sen temor ao tráfico. Outra circunstancia posta de relevo foi a necesidade de dotar á zona de espazos de lecer para a xente, pois só existe un pequeno parque infantil, insuficiente para cubrir a demanda existente.

Outras peticións realizadas son as de instalar un paso de peóns con semáforo de pulsador na estrada xeral que divide Laraño en dúas partes, ou a de acometer a limpeza dos camiños do monte co fin de lograr roteiros que permitan o paseo lúdico ou deportivo. Tamén se realizaron observacións sobre a iluminación pública, o basureiro do Casal, ou a necesidade de acondicionar a ponte da Carmela.

Esquerda Unida Compostela agradeceu a xuntanza reiterando a necesidade de artellar un programa de actuacións que permitan revitalizar as zonas do rural do Concello e informou sobre as actuacións levadas a cabo no tocante á instalación da nova EDAR.

Vídeo participación Xabier Ron na mesa de actualidade de Santiago Te Ve

2011-04-28T14:04:00.004+02:00

Dende o Consello Comarcal de Esquerda Unida Compostela deixámosvos este vídeo coa intervención de Xabier Ron na mesa de actualidade de Santiago Te Ve

Xuntanza coa Fundación Down Compostela

2011-04-27T15:10:00.003+02:00

ESQUERDA UNIDA COMPOSTELA REÚNESE COA FUNDACIÓN DOWN COMPOSTELA

EU PRESENTOU A DOWN COMPOSTELA O SEU PLAN LOCAL PARA A INCLUSIÓN SOCIAL DAS PERSOAS CON DISCAPACIDADE.

Membros do Consello Comarcal de Esquerda Unida Compostela, encabezados polo coordinador comarcal e cabeza de lista, Xabier Ron, reuníronse o martes 26 de abril con representantes da Fundación Down Compostela, encabezados polo seu presidente, Juan Jesús Martínez López, dentro do programa de visitas ó tecido do movemento asociativo de Santiago, co fin de coñecer de primeira man as eivas e tamén as posibles solucións no tocante ás persoas con discapacidade intelectual.

Durante a reunión os representantes da Fundación expuxeron as súas propostas en varios aspectos esencias. A máis importante, a do acceso a un emprego, un dos pasos esenciais para transitar cara a autonomía. E dentro do emprego, a Fundación Down Compostela insistiu na importancia de poder acceder a un emprego público. De feito, manifestaron a necesidade de que se establezan desde a Administración Local, dentro da reserva de emprego público destinada a persoas con discapacidade, unha reserva propia destinada a persoas con discapacidade intelectual, que concorrerían mediante probas adaptadas.

Esquerda Unida Compostela aproveitou para presentarlle á Fundación o Plan Local para a Inclusión Social das Persoas con Discapacidade, onde xa se recollían medidas para o fomento e o acceso ao emprego, e comprometéuse a poñer de relevo esa demanda na redacción final do programa electoral.

Outros temas que se debateron foron o acceso a cursos de formación que teñan en conta ás persoas con discapacidade intelectual, a atención sociosanitaria na comarca, demandando a ampliación da unidade de Atención Temperá Hospital Clínico Universitario para que se atenda como é debido ás persoas con discapacidade intelectual, e falouse da necesidade de que se avance normativa que regule os Servizos de Promoción da Autonomía Persoal (SEPAP) e a carteira de servizos que permita a homologación dos SEPAP.

A Fundación solicita tamén unha revisión do convenio que o concello mantén coa Fundación, de 2.000 euros ó ano, a pesares de que atenden a máis de 100 familias e, finalmente, piden un tratamento respectuoso coa linguaxe que políticos e políticas e medios de comunicación deben ter á hora de falar das persoas con discapacidade intelectual.

Xuntanza coa directiva da A.VV. de Pontepedriña

2011-04-26T15:55:00.004+02:00

ESQUERDA UNIDA COMPOSTELA REÚNESE COA DIRECTIVA DA ASOCIACIÓN DE VECIÑOS E VECIÑAS DE PONTEPEDRIÑA .

O CONSELLO COMARCAL DE ESQUERDA UNIDA ESCOITOU AS DISTINTAS REINVINDICACIÓNS REALIZADAS POLA XUNTA DIRECTIVA.

Membros do Consello Comarcal de Esquerda Unida Compostela, encabezados polo coordinador comarcal e cabeza de lista, Xabier Ron, reuníronse o luns 25 de abril coa directiva da A.VV. de Pontepedriña, dentro do programa de visitas ó tecido do movemento veciñal de Compostela, co fin de pulsar as distintas opinións sobre a situación da cidade, e coñecer de primeira man as súas eivas e tamén as posibles solucións.

Durante a reunión os directivos e directivas da asociación expuxeron as distintas accións que consideran necesarias para mellorar o barrio, como é o acceso peonil, aberto 24 horas, dende Pontepedriña ó Horreo a través da estación do tren, co que se conseguiría unha mellor comunicación do barrio co ensanche. Tamén manifestaron a súas peticións de mellora da iluminación existente na zona vella do barrio, adecentamento e limpeza de soares, sinais de tráfico, beirarrúas e farolas.

EU Compostela únese ás reivindicacións sobre seguridade viaria dada a saturación de tráfico existente no barrio, sobre a necesidade de acometer as medidas pertinentes para solventar o problema que afecta aos edificios abandonados e, o antes posible, solucionar o problema de augas fecais que se verten ao río Sar, asi como acondicionar o parque infantil. Tamén se expuxo a necesidade de mellorar o transporte público, xa que hoxe, debido ás múltiples obras e á densidade do tráfico privado, e tamén a unha incorrecta planificación das frecuencias, é incapaz de cumprir con eficacia co seu obxectivo social e ecolóxico.

Dende o Consello Comarcal de Esquerda Unida Compostela queremos manifestar a nosa satisfacción ó comprobar os folgos e ilusión mostrada pola nova directiva da AVV que comezou a súa andaina neste xaneiro 2011 co fin de mellorar o barrio e traballar para toda a veciñanza.

Moción sinalización e dimensións prazas aparcamento para persoas con discapacidade

2011-04-25T15:44:00.004+02:00

O Consello Comarcal de Esquerda Unida Compostela presenta unha nova moción, nesta ocasión pedindo a correcta sinalización e coas dimensións pertinentes das prazas de aparcamento para persoas con discapacidade na vía pública.

Xuntanza coa Asociación Plataforma polo Emprego

2011-04-19T13:25:00.004+02:00

ESQUERDA UNIDA REÚNESE COA ASOCIACIÓN PLATAFORMA POLO EMPREGO

EU PRESENTOU O AMBICIOSO PLAN LOCAL PARA A INCLUSIÓN SOCIAL

Membros de Esquerda Unida, encabezados polo coordinador comarcal e cabeza de lista por Santiago, Xabier Ron, e o coordinador local e cabeza de lista por Ames, Daniel Pérez Amador, reuníronse o luns, 18 de abril, con representantes da Asociación Plataforma polo Emprego.

Os representantes da Plataforma expuxeron a súa proposta de inclusión de cláusulas sociais e da reserva de contratos na contratación das administración públicas, medidas que Esquerda Unida comparte totalmente e xa forman parte do seu programa electoral. Tamén manifestaron as melloras que consideran se deben levar a cabo na administración local, suxerindo a creación dunha axencia de colocación municipal que dende EU tamén se considera necesaria.

Pola súa parte os representantes de Esquerda Unida presentaron o ambicioso Plan Local para a Inclusión Social, e defenderon, unha vez máis, a necesidade de manter e mellorar o xa creado neste eido, ratificando a necesidade de avanzar na loita pola igualdade e xustiza social, criticando os recortes nos servizos públicos que se están a realizar nesta crise por parte de todas as administracións públicas.

XESÚS REDONDO ABUÍN. Un preso político no Penal de El Puerto.

2011-04-17T10:40:00.007+02:00

Dende o Consello Comarcal de Esquerda Unida Compostela queremos recordar que no ano da Memoria a Xunta de Andalucía organizou un acto de recoñecemento e gratitude ós presos do franquismo e ás súas familias. Tería lugar no propio recinto daquel que foi o temible e temido Penal de El Puerto de Santa María.

Os organizadores tiveron a ben invitar o noso camarada Xesús Redondo Abuín a participar no mesmo en calidade de expreso daquel presidio. Anunciáronlle que ía participar nun encontro cos medios de comunicación pola mañá e que interviría no acto pola tarde.

Como e habitual en Abuín Puxo negro sobre branco o que ía dicir e mandoullo. A resposta foi que mantiñan a invitación, pero que non interviría. Mantendo a coherencia que marcou, marca e marcará a súa vida, declinou asistir en calidade de mudo.

A grata sorpresa e que dous anos despois, atopou aquelas palabras súas colgadas en internet. Por iso poñemos a vosa disposición o enlace a esa páxina: http://www.gentedelpuerto.com/2011/03/29/968-jesus-redondo-abuin-un-preso-politico-en-el-penal-de-el-puerto/ tamén vos deixamos o enlace para descargar o pdf: https://docs.google.com/viewer?a=v&pid=explorer&chrome=true&srcid=0B2Qs0PGtB_k1ZjZlZjZhZDctMGY5My00ZTdlLTg3OTMtOGQ0MGQyNGM5Y2Y4&hl=en

Solucionada absurda situación en Ramón Piñeiro

2011-04-16T08:29:00.004+02:00

O Consello Comarcal de Esquerda Unida Compostela comprácese o comprobar que onte, 15 de abril, solucionouse a absurda situación, denunciada o martes, que se podía ver na rúa Ramón Piñeiro.

Como podedes ver nas fotografías, está totalmente visible o semáforo anteriormente tapado polo sinal que agora se atopa o seu carón.

Xuntanza con COGAMI

2011-04-15T13:37:00.003+02:00

ESQUERDA UNIDA COMPOSTELA REÚNESE COA CONFEDERACIÓN GALEGA DE PERSOAS CON DISCAPACIDADE (COGAMI).

O PROGRAMA DE ESQUERDA UNIDA INCORPORARÁ UN AMBICIOSO PLAN LOCAL PARA A INCLUSIÓN SOCIAL DAS PERSOAS CON DISCAPACIDADE .

Membros do Consello Comarcal de Esquerda Unida Compostela, encabezados polo coordinador comarcal e cabeza de lista, Xabier Ron, reuníronse o xoves, 14 de abril, con Anxo Queiruga Vila, presidente de COGAMI, e con Ignacio Rodríguez Sáez, secretario xeral da organización, dentro do programa de visitas ó tecido do movemento asociativo de Santiago.

A xuntanza transcorreu nun clima de reciprocidade en canto á necesidade de avanzarmos na consecución de dereitos para as persoas con discapacidade. Esquerda Unida Compostela presentou o Plan Local para a Inclusión Social das Persoas con Discapacidade, que será incorporado ao documento programático para as Eleccións Municipais 2011. Dito plan aséntase na Convención Internacional sobre os Dereitos das Persoas Con Discapacidade aprobada polas Nacións Unidas no 2006, e ratificada por España no 2008, nas recomendacións programáticas de CERMI e nas indicacións do Plan de acción Integral para as persoas con discapacidade de Galicia (2010).

COGAMI manifestou a súa convicción de que as medidas propostas neses documentos son ambiciosas pero moi necesarias, recordando que todas estas propostas non son favores que se fan ás persoas con discapacidade, senón accións, que as administracións públicas deben realizar, como servizo público que son, encamiñadas a dar resposta a dereitos cidadáns.

Por último, dende COGAMI constataron a necesidade de controlar a ocupación das prazas para discapacitados ao aire libre, xa que se constatan irregularidades no seu uso e de aí a necesidade de revisar as tarxetas outorgadas até o de agora. Igualmente, solicitan que o Concello expida estas tarxetas por un prazo superior a un ano, en torno aos dez anos, que sexan persoais e intransferibles e que non se teña que especificar a matrícula, para poderen empregarse en toda Europa, medidas que EU Compostela comparte plenamente. Tamén se fixo fincapé na necesidade de adaptar as paradas do transporte público para facilitar o seu uso ás persoas con discapacidade, recordando, unha vez máis, a necesidade de elaborar unha ordenanza de accesibilidade.

Xuntanza EU Compostela coa Fundación Secretariado Gitano

2011-04-13T10:51:00.005+02:00

ESQUERDA UNIDA COMPOSTELA REÚNESE COA FUNDACIÓN SECRETARIADO GITANO (FSG) .

O PROGRAMA DE ESQUERDA UNIDA INTEGRARÁ AS PROPOSTAS REALIZADAS POLA FSG.

Membros do Consello Comarcal de Esquerda Unida Compostela, encabezados polo coordinador comarcal e cabeza de lista, Xabier Ron, reuníronse o martes 12 de abril co representante da FSG, Gorka de Luís, dentro do programa de visitas ó tecido do movemento asociativo de Santiago.

EU Compostela comprácese da mellora da situación da comunidade xitana en Compostela nestes catro anos exposta pola FSG. Existiu coincidencia entre as dúas organizacións en que é preciso que as distintas administración públicas persistan no traballo realizado, sendo importante dar o paso do conxuntural ao estrutural para que se avance e consolide a normalización do colectivo xitano no seo da sociedade. Fíxose fincapé tamén que é vital, en tempos de crise, non realizar recortes no eido da inclusión social.

Por último os representantes do Consello Comarcal de EU manifestaron a súa intención de incluír no programa de Esquerda Unida as propostas da FSG en materias como vivenda, educación ou emprego, e a importante labor que deben realizar os medios de comunicación para desfacer a carga negativa dos estereotipos que, a día de hoxe, aínda deterioran a imaxe social da comunicade xitana.

Comunicado absurda situación en Ramón Piñeiro

2011-04-12T11:26:00.003+02:00

ESQUERDA UNIDA COMPOSTELA PIDE QUE SE SOLUCIONE O PROBLEMA EXISTENTE NA RÚA RAMÓN PIÑEIRO CUN SEMÁFORO E UN SINAL DE TRÁFICO.

O Consello Comarcal de Esquerda Unida Compostela, tralas queixas recibidas, e comprobando que o semáforo existente na confluencia da rúa Ramón Piñeiro coa do Hórreo xa se encontra operativo, sinalizando con luz ámbar que se debe torcer a dereita, pide que se solucione o problema resultante de que este semáforo se encontre tapado, impedindo a súa visibilidade polos condutores, por un sinal de ceda o paso e de prohibido xirar a esquerda.

EU Compostela considera necesario que o concello leve a cabo as medidas necesarias para corrixir esta deficiencia, que se ben causa certa hilaridade non viandantes, non é admisible dado o custe que supuxo este semáforo, agora totalmente inútil o non ser visible.

Por todo isto demandamos o equipo de goberno que actúe con celeridade para evitar esta situación absurda.

EU Compostela contra a guerra en Libia

2011-04-08T10:25:00.008+02:00

Militantes e membros do Consello Comarcal de EU Compostela encabezados polo coordinador comarcal e cabeza de lista, Xabier Ron, acudiron onte a concentración convocado pola Coordinadora Galega pola Paz baixo o lema "POLA PAZ, NON Á GUERRA". A continuación deixámosvos o manifesto leído nesta concentración:

Pola paz, non á guerra

As persoas que hoxe respondemos á chamada da Coordinadora Galega pola Paz, o facemos para manifestar publicamente a nosa oposición á guerra, ás guerras como maneira de resolver os conflitos.

A guerra, o belicismo, a cultura da violencia, o terror, non significan a continuación da política por outros medios, como dicía Carl von Clausewitz, senón o fracaso da política, o fracaso da diplomacia, o fracaso da palabra, o fracaso da humanidade.

As guerras son sempre xustas para aqueles que as inician. Os agresores, sexan quen sexan, énchense de razóns para xustificar as súas accións militares. Todas as guerras buscaron sempre a compracencia da cidadanía, a súa parálise, a inacción, cando non a súa complicidade. Sen a complicidade ou a parálise da poboación, sen a silencio dos pobos, o delito de silencio, as guerras non son posibles.

En todas as guerras a primeira vítima é sempre a verdade. As mentiras están na orixe dos conflitos armados. E os bandos enfrontados menten, menten máis que falan, menten cando non din a verdade, ou cando a contan a medias. A propaganda e a manipulación anulan á información. E a mentira trunfa.

A intervención militar occidental en Libia está chea de cinismo, de hipocresía e de mentiras. Ninguén nega que a Resolución 1973 do Consello de Seguridade sexa legal. Ou que a decisión de apoiar a intervención do Parlamento Español non sexa maioritaria, coas honrosas excepcións do BNG e de IU. Son legais. Sen embargo, a súa lexitimidade, a súa xustiza, non están tan claras. Como tampouco o están os intereses secretos e non confesados dos intervintes.

Non podemos ser xuíces e parte nos conflitos armados. Non debemos esquecer que o Consello de Seguridade está formado polos estados que son os principais vendedores de armas do mundo. Tamén por aqueles que teñen enormes intereses económicos e xeoestratéxicos en Libia, particularmente Francia, Italia e o Reino Unido. Libia é, ademais, o segundo provedor de petróleo e gas do Estado Español. A participación española na guerra costa ás arcas do estado, a todas e a cada un de nós, 1 millón de euros ó día. Como podemos ver, neste caso, o déficit está ben xustificado, as guerras non contan, son un gran negocio, para algúns, para os mercadores da morte.

Os mesmos que, ata hai un mes, vendíanlle armamento convencional sen límites a Gadafi, os mesmos que o paseaban polas cancilerías e o presentaban como un actor principal no Mediterráneo, son agora os que aborrecen do ditador e o cualifican de asasino do seu propio pobo, merecedor polo tanto de detención e xuízo no Tribunal Penal Internacional, corte aínda non recoñecida, por certo, polos EE.UU.

Gadafi non é precisamente un modelo de gobernante democrático. Desde logo non o é máis que Mubarak en Exipto ou Ben Ali en Túnez. Como tampouco o son moitos gobernantes da rexión, algúns deles aliados da Coalición de Voluntarios. Como tampouco o é Mohamed VI de Marrocos, os príncipes dos estados do Golfo ou Arabia Saudita, por citar só a algúns.

¿Como non imos compartir o dereito a protexer á poboación civil?. Claro que si, mais en todo o mundo, non só en Libia e só dun bando. Para impoñer o dereito de protección non é necesario atacar militarmente a un estado soberano. Para impoñer a exclusión aérea non é necesario converterse no brazo armado dunha das partes no conflito, armala e asesorala, calada ou abertamente.

En Barheim, onde por certo existe unha base USA, tropas de Arabia Saudita interviron militarmente con extrema dureza non para protexer á poboación civil, senón para asegurar ó réxime monárquico que actuaba contra do seu propio pobo. Curiosa forma de impoñer o dereito de protección precisamente contra da poboación civil. En Gaza, por exemplo, os bombardeos do goberno sionista de Israel, contra da poboación civil son constantes e reiterados, vulnerando tódalas resolucións de Nacións Unidas, diante da total pasividade da comunidade internacional. ¡Canto cinismo, canta hipocresía!.

Non, así non se protexe. Non, así non se resolven os conflitos. Non, así non garantimos a paz e a seguridade.

Son moitas as mentiras. Son moitas as medias verdades no caso da guerra en Libia. ¿Quen pode crer o repentino entusiasmo de Sarkosy, Cameron ou Berlusconi polos dereitos humanos, a poboación civil libia ou a axuda humanitaria?. O cheiro a petróleo é abafante…

Todos sabemos que non se esgotaron as medidas de presión económica e diplomática previas. Tampouco se buscou o dereito de protección sobre a base da interposición de forzas da ONU para procurar un alto o fogo real e multilateral. Nin se propiciaron acordos políticos sobre a base da democracia representativa. O penoso papel do Secretario Xeral da ONU, Ban Ki-Moon, neste conflito, evidencia o seu sometemento absoluto ós poderosos e á industria do petróleo e do armamento.

Rematar canto antes os ataques aéreos, interpoñer de inmediato forzas de vixianza de paz das Nacións Unidas, retomar o papel da diplomacia, garantir un tránsito pacífico sobre a base do diálogo entre as partes, deberan ser os obxectivos da comunidade internacional.

Non podemos seguir lexitimando a guerra e a violencia. Nin tampouco a partición do Estado Libio, nin a apropiación das súas riquezas petrolíferas e gasísticas por parte de Occidente, nin a tutelaxe política da súa cidadanía.

As persoas que hoxe estamos aquí, convocadas pola Coordinadora Galega pola Paz, reiteramos que a democracia non se impón con bombas e misís, que as matanzas non se evitan provocando novas masacres. Que o dereito de protección non pode materializarse sobre a base da xeralización da guerra e da violencia.

Sobran as razóns. Estamos cargados de argumentos para seguir a berrar, unha e outra vez:

pola paz, non á guerra.

Videos intervención Xabier Ron en Faladoiro

2011-04-07T16:19:00.002+02:00

Dende Consello Comarcal de Esquerda Unida Compostela deixámosvos os enlaces os vídeos onde podedes varias intervencións de Xabier Ron no programa Faladoiro.

Comunicado xestión dos comedores escolares

2011-04-06T15:50:00.002+02:00

ESQUERDA UNIDA COMPOSTELA DEFENDE QUE OS SERVIZOS COMPLEMENTARIOS NOS CENTROS DE ENSINO DEBEN ESTAR XESTIONADOS POLAS ADMINISTRACIÓNS PÚBLICAS .

O CONSELLO COMARCAL DE ESQUERDA UNIDA COMPRENDE A DECISIÓN TOMADA POLA DIRECTIVA DA ANPA DO PIO XII .

O Consello Comarcal de Esquerda Unida Compostela entende o concello como o servizo público máis próximo a cidadanía, e como tal ten que levar a cabo as medidas necesarias para contribuír ao benestar dos veciños e veciñas. Para poder cumprir coa súa obrigación o equipo de goberno debe traballar para coñecer as eivas existentes na cidade, buscando as mellores solucións posibles.

A dimisión en bloque da ANPA do Pío XII responde a unha destas eivas. A xestión do comedor non pode repousar nas ANPAS. Teñen que ser as administracións públicas (Concello e Xunta de Galicia) as que se ocupen da súa xestión. Os comedores escolares realizan unha importante función social e a súa provisión non pode ser desigual en base a criterios economicistas ou en base á ratio de alumnos e alumnas do centro educativo. A provisión do servizo por parte da administración pública permitiría igualar o acceso ao mesmo.

Precisamente, a necesidade de que sexa a administración pública a que leve a cabo a xestión dos comedores escolares foi un dos aspectos no que concordamos, logo da xuntanza mantida o 4 de abril de 2011, Esquerda Unida Compostela e o sindicato STEG. Por iso, non nos sorprende a decisión tomada pola directiva da ANPA do Pío XII, a cal entendemos perfectamente.

Xuntanza con STEG

2011-04-05T13:23:00.006+02:00

ESQUERDA UNIDA COMPOSTELA REÚNESE CO SINDICATO DE TRABALLADORAS E TRABALLADORES DO ENSINO DE GALIZA (STEG).

O CONSELLO COMARCAL DE ESQUERDA UNIDA VALORA POSITIVAMENTE AS PROPOSTAS DO SINDICATO E MANTENSE FIRME NA SÚA DEFENSA DO ENSINO PÚBLICO .

Membros do Consello Comarcal de Esquerda Unida Compostela, encabezados polo coordinador comarcal e cabeza de lista Xabier Ron, reuníronse o luns, 4 de abril, con representantes do sindicato STEG, Alfredo Iglesias Diéguez e Rosa Suárez Veiga, dentro do programa de visitas ao tecido do movemento sindical de Compostela.

Durante a xuntanza os representantes de STEG expuxeron os problemas que soportan algúns centros educativos, como o CEIP de Vite ou o CEIP Santiago Apóstolo. Tamén criticouse o proceso de zonificación, que en base aos criterios actuais beneficia aos centros concertados en detrimento dos públicos.

O principal punto de acordo entre EU Compostela e STEG comprobouse en temas como a mellora dos servizos complementarios, coma o de comedor, que, en vez de repousar nos esforzos das ANPAS, debido á súa función social, debe ser un compromiso das Administracións Públicas (Xunta-Concello). Igualmente, houbo coincidencia en defender o emprego público en todos os eidos do ensino, xa que hoxe as funcións de bedel, de apertura de pavillóns, ou mesmo de limpeza, están externalizadas e son realizadas por unha mesma empresa.

Tanto Esquerda Unida como STEG manifestaron o seu convencemento en que a participación cidadá nos centros de ensinanza é necesaria, non só a de nais e pais, senón tamén das distintas asociacións veciñais, culturais, de persoas migrantes… do barrio, polo que o cabeza de lista de EU Compostela, Xabier Ron, comprometeuse a loitar por un Consello Municipal máis participativo e valorou moi positivamente as propostas de STEG sobre a escola de nais e pais, a necesidade de traballadores sociais nos centros de ensino e o uso das instalacións en períodos vacacionais.

Comunicado arranxo rúa Virxe Branca

2011-04-04T12:41:00.011+02:00

ESQUERDA UNIDA COMPOSTELA PIDE QUE AS OBRAS QUE SE ESTÁN A REALIZAR NO CASTIÑEIRIÑO NON PREXUDIQUEN OS VECIÑOS E VECIÑAS.

O CONSELLO COMARCAL DE ESQUERDA UNIDA APOIA A REINVIDACIÓN DE ARRANXO DA RÚA DA VIRXE BRANCA .

Esquerda Unida Compostela entende que calquera obra que se realice sempre provocará certas molestias inevitables, pero o que nunca poderá facer unha administración pública, neste caso o concello rexido polo PSdG e o BNG, e aproveitar esta circunstancia para abandonar as súas funcións de velar polo benestar da cidadanía.

É máis que habitual o malestar dos veciños e veciñas do barrio do Castiñeiriño por certas deficiencias que non se arranxa pese a insistencia das reclamacións. Xa o pasado 8 de novembro na xuntanza que o Consello Comarcal de EU Compostela mantivo coa asociación de veciños manifestaron a súa preocupación porque o desenvolvemento urbanístico que está a sufrir o barrio non veña acompañado polo servizos públicos necesarios, como pode ser a apertura dun centro de día ou unha gardería que fagan fronte a demanda existente no barrio, e que se verá aumentada polos novos habitantes que fixarán a súa residencia neste barrio.

A estas demandas se lle uniron nos últimos meses as peticións, que EU Compostela apoiou mediante un comunicado e unha moción respectivamente, dunha mellor regulación do tempo de espera do semáforo que é necesario para chegar o CSC e a instalación dunha beirarrúa na Divina Pastora.

Nesta ocasión son as obras dos novos edificios que se están a levar a cabo no barrio as que provocan unha nova e xusta reivindicación dos veciños e veciñas. Sen entrar a valorar a nefasta política de vivenda do actual equipo de goberno, Esquerda Unida Compostela ve primordial que unha vez aprobadas unhas obras da magnitude das que se realizan neste barrio, o concello debe velar porque causen o menor malestar posible, pero unha vez máis, a lóxica non se mostra nas actuacións do PSdG e o BNG.

Clara mostra é a rúa Virxe Branca, que pese as denuncias realizadas polos veciños e veciñas e as promesas de arranxo feitas, presenta un lamentable aspecto que non se pode tolerar até o fin das obras posto que a mínima decencia que se lle debe exixir ás actuacións do equipo de goberno obriga a unha solución o antes posible.

Esquerda Unida Santiago de Compostela

Valoración Pleno febreiro

Valoración Mobilizacións 19F

Xuntanza coa AV de Vite

Manifesto contra a reforma laboral

Apoio ás mobilizacións do 19F e á Folga Xeral

Oposición ó proxecto de nova intermodal do PP

Moción atención no parto

Convocator​ia "Marea Violeta" en Compostela

Xuntanza coa AVV As Cancelas

Homenaxe a Herminio Barreiro

Moción Democracia Participativa

Valoración Pleno xaneiro

Proxección documentais

Moción fomento hortos urbanos

Inconsistencia PSdG - BNG

Solución ó tráfico

Loita contra o machismo

Contra o traslado do museo Granell

Pregunta uso público antigo aeroporto

Valoración Pleno decembro

Mesa Redonda Amio

Xuntanza coa AVV Francisco Asorey da Almáciga

Acto Foro Galego de Inmigración

Moción defensa cobertura sanitaria universal

Moción axudas pago hipoteca ou aluguer

Valoración Pleno de novembro

Comunicado polo 25N

Valoración resultados electorais

Hai Alternativa

Presentación programa mocidade EU

Éxito da manifestación contra o traslado da feira de Amio

Manifestación contra o traslado da feira de gando de Amio

Mitin Esquerda Unida - Os Verdes en Ribeira

Mitin Esquerda Unida - Os Verdes no CSC do Ensanche

Comunicado inicio de campaña electoral

Moción Administración electrónica

Concentración en Defensa da Sanidade Pública

Moción transparencia de datos

Encontro aberto da área de mocidade de EU

Moción Orzamentos Participativos

Pregunta recinto ferial Amio

Pregunta sobre o uso do antigo Hospital Xeral.

Mellorar a mobilidade en Santiago

Convocatoria de asemblea aberta de EU Compostela

Xestión comedores escolares

Transporte público VS novas infraestruturas

Uso público do antigo Hospital Xeral

Conde Roa e as súas "propostas"

Asemblea comarcal de Esquerda Unida

Convocatoria do Foro Galego de Inmigración

Reforma lei electoral

Valoración resultados electorais

SEGUEMENTO DA XORNADA NA SEDE COMARCAL EN FONTIÑAS

CARTA DE XABIER RON Á CIDADANÍA

Vídeos Xabier Ron no mitin no CSC das Cancelas.

Valoración final de campaña

Presentación eixos programáticos sobre o Rural e Ecoloxía.

Presentación eixo programático sobre deporte

Mitin no CSC das Cancelas

Vídeos intervención de María Rozas no CSC a Trisca

Presentación eixos programáticos sobre Educación e Cultura

Mitin no CSC de Conxo

Vídeos entrevista a Xabier Ron en Preguntoiro de Correo TV

Mitin no CSC a Trisca

Valoración campaña electoral

Mitin no CSC de Laraño

Xuntanza con UCGAL

Presentación eixos programáticos sobre Inclusión Social e Sanidade

Presentación eixo programático sobre Vivenda

Vídeos Antonio Olives e Xesús Abuín

Suspensión Mitin no CSC do Castiñeiriño e outros actos públicos da campaña electoral

Mitin no CSC de Fontiñas

Presentación eixo programático sobre Emprego

Videos Mitin CSC do Ensanche

Presentación eixo programático sobre Modelo Público de Xestión

Mitin no CSC Francisco Asorei da Almáciga

Presentación eixo programático sobre Democracia Participativa

Mitin no CSC do Ensanche

Xuntanzas coa Asociación Cultural Cidade Vella e coa Plataforma Sociosanitaria

Convocatoria "Marea Violeta" en Compostela